Chennai Metro | சென்னையில் போக்குவரத்து பாதை மாற்றம்.. ஒரு வருடத்துக்கு இதுதான் ரூட்.. விவரம்!

சென்னை மெட்ரோ ரயில் 2-ஆம் கட்டப்பணியானது கோடம்பாக்கம் ஆற்காடு சாலையில் பவர் ஹவுஸ் முதல், ஆற்காடு சாலை 80 அடிசாலை சந்திப்புவரை நடைபெறவிருப்பதால், கீழ்கண்டவாறு போக்குவரத்து மாற்றம் செய்யப்படவுள்ளது.

சென்னை

இந்த போக்குவரத்து மாற்றம் இன்று முதல் ஓராண்டிற்கு அமல்படுத்தப்படவுள்ளது என சென்னை போலீசார் தெரிவித்துள்ளனர்.இது குறித்து சென்னை போலீஸ் வெளியிட்டுள்ள அறிவிப்பின்படி, 

1.போரூர் மார்க்கத்திலிருந்து கோடம்பாக்கம் மேம்பாலம் மார்க்கமாக செல்லும் வாகனங்களுக்குப் போக்குவரத்து மாற்றம் எதுவுமில்லை.

2.கோடம்பாக்கம் மேம்பாலம் மார்க்கத்திலிருந்து போரூர் சாலிகிராமம் நோக்கி ஆற்காடு சாலையில் செல்லும் வாகனங்கள், பவர் ஹவுஸ் சந்திப்புவரை சென்று, இடதுபுறம் திரும்பி, அம்பேத்கர் சாலையில், அசோக் நகர் காவல் நிலையம் வரைசென்று, வலது புறம் திரும்பி, 2வது அவென்யூ சாலை வழியாக, 100 அடிசாலை சந்திப்புவரை சென்று, நேராகவும் ராஜன் சாலை. ராஜ மன்னார் சாலை, 80 அடிசாலை செல்லலாம். வன்னியர் சாலை வழியாக போரூர் சாலிகிராமம் செல்லலாம்.

3. கோடம்பாக்கம் மேம்பாலத்திலிருந்து, வடபழனி சந்திப்பு நோக்கி, ஆற்காடு சாலையில் செல்லும் வாகனங்கள், பவர் ஹவுஸ் சந்திப்புவரை சென்று, இடதுபுறம் திரும்பி, அம்பேத்கர் சாலையில், அசோக் நகர் காவல் நிலையம் வரைசென்று, வலதுபுறம் திரும்பி, 2வதுஅவென்யூ சாலை, 100 அடி சாலை வழியாக சென்று,வடபழனி சந்திப்பு செல்லலாம்.

4.வடபழனி சந்திப்பிலிருந்து, ஆற்காடு சாலையில் செல்லும் வாகனங்கள், துரைசாமி சாலைக்கு வலதுபுறமாக திரும்பக்கூடாது. மாறாக பவர் ஹவுஸ் சந்திப்பு. அம்பேத்கர் சாலை, அசோக் நகர் காவல் நிலையம் சந்திப்பில் வலதுபுறம் திரும்பிச் செல்லலாம்.

5. அசோக் பில்லரிலிருந்து, கோடம்பாக்கம் மேம்பாலம் நோக்கிச் செல்லும் வாகனங்கள், அம்பேத்கர் சாலையில், அசோக் நகர் காவல் நிலையம் சந்திப்புவரை சென்று, இடதுபுறம் திரும்பி, 2வது அவென்யூ சாலை, துரைசாமி சாலை, ஆற்காடு சாலைவழியாக செல்லலாம்.

6. ஆற்காடு சாலை துரைசாமி சாலை சந்திப்பிலிருந்து, பவர் ஹவுஸ் சந்திப்பு நோக்கி செல்லும் வாகனங்கள், வழக்கம்போல் அனுமதிக்கப்படும். ஆனால், பவர் ஹவுஸ் சந்திப்பிலிருந்து, ஆற்காடு சாலை துரைசாமி சாலை சந்திப்பிற்கு வாகனங்கள் செல்ல அனுமதியில்லை (ஒரு வழி பாதை)

சென்னை பெருநகர காவல் செய்தி:#chennaicitypolice #greaterchennaipolice#chennaipolice pic.twitter.com/PWUJPxeamZ

— GREATER CHENNAI POLICE -GCP (@chennaipolice_) September 13, 2021

7. வாகனங்கள், அம்பேத்கர் சாலை 2வது அவென்யூ சாலை சந்திப்பிலிருந்து 2வது அவென்யூ சாலை 100 சாலை அடிசாலை சந்திப்பிற்கு செல்ல அனுமதிக்கப்படுவார்கள். ஆனால், 2வது அவென்யூ சாலை 100 அடிசாலை சந்திப்பிலிருந்து அம்பேத்கர் சாலை 2வது அவென்யூ சாலை சந்திப்பிற்கு செல்ல அனுமதியில்லை (ஒருவழிபாதை)

8. வாகனங்கள் அம்பேத்கர் சாலையில் பவர் ஹவுஸ் சந்திப்பிலிருந்து அசோக் நகர் காவல் நிலைய சந்திப்பு நோக்கி அனுமதிக்கப்படுவார்கள். ஆனால், அசோக் நகர் காவல் நிலையம் சந்திப்பிலிருந்து, பவர் ஹவுஸ் சந்திப்பிற்கு செல்ல அனுமதியில்லை. (ஒருவழிப் பாதை)

அனைத்துவாகன ஓட்டிகளும் தங்களது ஒத்துழைப்பை நல்குமாறு கேட்டுக்கொள்ளப்படுகிறார்கள் எனத் தெரிவிக்கப்பட்டுள்ளது