Bogi festival: போகி பண்டிகைக்கு பிளாஸ்டிக்கை எரிக்காதீங்க: சென்னை மாநகராட்சி வெளியிட்ட அதிரடி உத்தரவு..!
போகி பண்டிகையின் போது வீட்டில் உள்ள தேவையற்ற பொருட்கள் உள்ளிட்ட பிளாஸ்டிக் பொருட்களை எரிக்க கூடாது என சென்னை மாநகராட்சி உத்தரவிட்டுள்ளது.
போகி பண்டிகையின் போது வீட்டில் உள்ள தேவையற்ற பொருட்கள் உள்ளிட்ட பிளாஸ்டிக் பொருட்களை எரிக்க கூடாது என சென்னை மாநகராட்சி உத்தரவிட்டுள்ளது.
இது குறித்து சென்னை மாநகராட்சி வெளியிட்டுள்ள செய்திக் குறிப்பில், போகிப் பண்டிகையை முன்னிட்டு, சென்னை மாநகராட்சி பகுதிகளில் சுற்றுச்சூழல் மாசு ஏற்படுவதை தவிர்க்கும் வகையில் மாநகராட்சி மூலம் பல்வேறு நடவடிக்கைகள் மேற்கொள்ளப்பட்டு வருகின்றன. இந்தநிலையில் வருகிற 13 மற்றும் 14-ந்தேதிகளில் பொதுமக்கள் தங்களிடையே பயன்பாட்டில் இல்லாத பொருட்களான பழைய துணி, ரப்பர் டியூப், டயர் மற்றும் பிளாஸ்டிக் ஆகியவற்றை எரிப்பதை தவிர்த்திடும் வகையில் நடவடிக்கை மேற்கொள்ளப்பட்டுள்ளது. எனவே சென்னை மாநகராட்சியில் உள்ள 1-வது முதல் 15-வது வரையிலான மண்டலங்களில் உள்ள அனைத்து வார்டுகளிலும், மக்கள் தங்களிடம் உள்ள தேவையில்லாத மற்றும் பயனற்ற பொருட்களை எரிப்பதை தவிர்த்து, அவற்றை தனியாக மாநகராட்சியின் தூய்மை பணியாளர்களிடம் நாளை (ஞாயிற்றுக்கிழமை, 08/01/2022) முதல் ஒப்படைக்க கேட்டுக்கொள்ளப்படுகிறார்கள். இதுதொடர்பாக, பேட்டரியால் இயங்கும் மூன்று சக்கர வாகனங்களில் ஒலிப்பெருக்கி மூலம் பொதுமக்களுக்கு விழிப்புணர்வு ஏற்படுத்த விளம்பர பணிகள் மேற்கொள்ளப்பட்டுள்ளது.
View this post on Instagram
ஏற்கனவே சென்னை மாநகராட்சியில் சுற்றுச் சூழல் மாசு ஏற்படுவதை தவிர்க்க மாநகராட்சி சார்பாக பல்வேறு திட்டங்கள் செயல்படுத்தப்பட்டு வருவது குறிப்பிடத்தக்கது. இந்நிலையில், போகி பண்டிகை காலத்தில் காற்று மாசு ஏற்படாத வகையில் சென்னை மாநகராட்சி ஆண்டு தோறும் மக்களிடத்தில் இது போன்ற விழிப்புணர்வு பிரச்சாரங்களை மேற்கொள்வதுடன் உத்தரவுகளையும் பிறப்பித்து வருகிறது.
தலைப்பு செய்திகள்
ட்ரெண்டிங் செய்திகள்
