Egg Paplet : வைரலாகும் முட்டை பாப்லெட்.. ஆம்லெட் தெரியும்.. அது என்ன பாப்லெட்? இதோ ரெசிப்பி..
முட்டைப் பிரியர்களுக்கு ஏற்றதுதான் இந்த முட்டை பாம்ஃப்ரெட் ரெசிபி. முட்டை பாம்ஃப்ரெட் செய்வது எப்படி?
இன்று அக்டோபர் 14, 2022 - உலக முட்டை நாள்: இந்த நாளில் இந்த ரெசிப்பியை பகிர்கிறோம்.
தினமும் காலை மாலை என மூன்று வேளையும் முட்டை சாப்பிடும் முட்டை பிரியர் என்றாலும் ஒரே மாதிரியான ரெசிப்பியாக முட்டை செய்து சாப்பிடுவது பலருக்கு போரடித்துவிடும் அப்படியான முட்டைப் பிரியர்களுக்கு ஏற்றதுதான் இந்த முட்டை பாம்ஃப்ரெட் ரெசிபி. முட்டை பாம்ஃப்ரெட் செய்வது எப்படி? முட்டை பாம்ஃப்ரெட் அல்லது பாப்லெட் ரெசிபிக்கு மூன்று முக்கிய ரெசிப்பிக்களை முன்னதாகச் செய்து வைத்துக்கொள்ள வேண்டும். இந்த ரெசிபிக்கு முட்டை கீமா, ஆம்லெட் மற்றும் முட்டை குழம்பு ஆகிய மூன்று பொருட்களைத் தயாரிக்க வேண்டும்.
View this post on Instagram
ஒரு கடாயில் வெண்ணெய் மற்றும் எண்ணெயை சூடாக்கி, அரைத்த கருப்பு மிளகு, சீரகம், நறுக்கிய வெங்காயம், கரம் மசாலா மற்றும் நறுக்கிய வேகவைத்த முட்டையின் வெள்ளைக்கருவை வதக்கவும்.மற்றொரு பக்கம் கொத்துமல்லி இலை மற்றும் இஞ்சியைப் பயன்படுத்தி பச்சை பேஸ்ட்டை தயார் செய்யவும். முட்டையின் வெள்ளைக்கருவில் பேஸ்டை ஊற்றி எலுமிச்சை சாற்றை பிழியவும். முட்டை கீமா தயார்.
முழு முட்டை, மிளகு தூள், சீரக தூள், சிவப்பு மிளகாய் தூள் மற்றும் உப்பு சேர்த்து ஒரு ஆம்லெட் தயார் செய்யவும். ஆம்லெட் தயாரானதும், முட்டை கீமாவில் திணித்து ஒரு தட்டில் வைக்கவும்.
அதே கடாயில், அதிக எண்ணெய் மற்றும் வெண்ணெய் சூடாக்கவும். மிளகுத்தூள், சீரகம், வெங்காய விழுது, பூண்டு, இஞ்சி மற்றும் தக்காளி விழுது ஆகியவற்றை வதக்கவும். முட்டை கீமா செய்ய பயன்படுத்தப்படும் வேகவைத்த முட்டையில் இருந்து துருவிய முட்டையின் வெள்ளைக்கருவை சேர்க்கவும். அதனுடன் சிவப்பு மிளகாய் தூள், மஞ்சள் தூள், மல்லி தூள், கரம் மசாலா மற்றும் உப்பு சேர்த்து தாளிக்கவும். தண்ணீர் ஊற்றி குழம்பு கெட்டியாகும் வரை வேகவைக்கவும். ஆம்லெட் தட்டில் கிரேவியை வைக்கவும். இதோ சுவையான முட்டை பாம்ஃப்ரெட் தயார். இதனைத் தனியாகவும் அல்லது சோற்றுடனோ ரொட்டியுடனோ சேர்த்து சாப்பிடலாம்
தலைப்பு செய்திகள்
ட்ரெண்டிங் செய்திகள்
