Health Tips: இந்த 9 உணவுப் பொருட்களை சமைக்காமல் சாப்பிட்டால் இவ்வளவு நன்மைகளா?

கால சூழலும், மாறி வரும் கலாச்சாரமும் பல்வேறு வகையான உணவுகளை வாழ்க்கையில் அறிமுகப்படுத்துகிறது. அதேபோல் பல உணவு முறைகளையும் நாம் பின்பற்றுகிறோம். சில உணவுப் பொருட்களை நாம் பச்சையாக சாப்பிடுவது நல்லது.

காய்கறிகள்

Source : Pexels

ஆரோக்கியமான வாழ்க்கை வாழ வேண்டும் என்பது அனைவரின் விருப்பமாக உள்ளது. அதற்கேற்ப சத்தான உணவை நாம் எடுக்க வேண்டும் என அறிவுறுத்தப்படுகிறது.

கால சூழலும், மாறி வரும் கலாச்சாரமும் பல்வேறு வகையான உணவுகளை வாழ்க்கையில் அறிமுகப்படுத்துகிறது. அதேபோல் பல உணவு முறைகளையும் நாம் பின்பற்றுகிறோம். அத்தகைய உணவில் சேர்க்கும் பொருட்களை எந்த வகையில் சமைக்கிறோம் என்பதும் முக்கியத்துவம் பெறுகிறது. நாம் பெரும்பாலான உணவை ஏதோ ஒரு வகையில் சமைத்து சாப்பிடுகிறோம். ஆனால் சில உணவுகள் பச்சையாக சாப்பிட்டால் மட்டுமே நன்மை பயக்கும் என்று சொல்லப்படுகிறது. அப்போது தான் உடலுக்கு தேவையான சத்துகள் கிடைக்கும் என சொல்லப்படுகிறது. அதனைப் பற்றிக் காணலாம்.

• பச்சை வெங்காயம்: உணவில் சுவைக்காவும், மருத்துவ குணத்திற்காகவும் அறியப்படும் வெங்காயத்தில் ஆன்டிஆக்ஸிடன்ட்கள் நிறைந்துள்ளன. அவற்றை சமைப்பது புற்றுநோயிலிருந்து பாதுகாக்கும் பைட்டோ கெமிக்கல்களைக் குறைக்கிறது. பச்சை வெங்காயம் கொழுப்பைக் குறைத்து இரத்தக் கட்டிகளைத் தடுக்கவும் உதவும் என்பதால் இதனை பச்சையாக எடுக்கலாம்.
• வெள்ளரிக்காய்:  கோடைகால உணவாக அறியப்படும் வெள்ளரிக்காய் அதன் குளிர்ச்சியான  தன்மைக்கு பெயர் பெற்றது. இதை சமைப்பது அதன் சுவையை மட்டுமல்ல, அதன் ஊட்டச்சத்துக்களையும்  முற்றிலும் குறைக்கிறது. நீங்கள் பச்சை வெள்ளரிக்காய் உண்பது உடலை நீரேற்றமாக வைத்திருக்க உதவுகிறது
• பூண்டு: மருத்துவ பண்புகள் கொண்ட வெள்ளைப்பூண்டில் சல்பர் கலவைகள் மற்றும் ஆக்ஸிஜனேற்றிகள் இருக்கிறது. இவற்றை பச்சையாகவோ அல்லது சிறிது நசுக்கியோ, மிக குறைவான சூட்டில் சமைக்க வேண்டும். இல்லாவிட்டால் ஊட்டச்சத்துகள் குறைந்து விடும் என சொல்லப்படுகிறது.
• ப்ரோக்கோலி: பச்சையான ப்ரோக்கோலியில் பல முக்கியமான வைட்டமின்கள் மற்றும் நார்ச்சத்துக்கள் உள்ளன. அதிகமாக சமைப்பது அதன் ஊட்டச்சத்துக்களைக் குறைக்கும். இதில் மாறுபட்ட கருத்துகள் உள்ளதால் இதனை எடுப்பது முன் சிந்திப்பது சிறந்தது. 
• தக்காளி: உணவில் மிக முக்கிய இடத்தைப் பிடித்துள்ள தக்காளியை நாம் பச்சையாகவோ அல்லது சமைத்தாலோ என இரண்டு வடிவங்களிலும் எடுத்துக் கொண்டாலும் நன்மை பயக்கும். பச்சையான தக்காளியில் வைட்டமின் சி நிறைந்துள்ளது. இது நோய் எதிர்ப்பு சக்தியை அதிகரிக்கிறது.
• கேரட்: வைட்டமின்களின் நல்ல மூலமாக அறியப்படும் கேரட்டை பச்சையாக எடுப்பதால் செரிமான பிரச்னை தொடங்கி பல விஷயங்களில் நமக்கு தீர்வு கிடைக்கிறது.  
• கீரை: கீரை போன்ற இலை காய்கறிகளை பச்சையாக சாப்பிடும்போது அவற்றில் நிறைந்துள்ள வைட்டமின்கள் சி மற்றும் இ சிதைவடையக்கூடிய சத்துக்களை அப்படியே பெற உதவும். ஆனால் செரிமான பிரச்னை ஏற்பட வாய்ப்புள்ளதை கவனத்தில் கொள்ளவும். அதிகப்படியான வெப்பத்தில் சமைக்க வேண்டாம்.
• உலர்ந்த பழங்கள்: இதனை பச்சையாக சாப்பிடும்போது அதிக ஊட்டச்சத்துக்கள் கிடைக்கின்றது. வறுத்தெடுக்கும்போது அவற்றில் உள்ள வைட்டமின் ஈ மற்றும் ஆக்ஸிஜனேற்றிகள் அளவு குறைகிறது. அதனால்தான் உலர் பழங்களை சிறிய அளவில் உட்கொள்வது அதிக நன்மை பயக்கும் என சொல்லப்படுகிறது. 
• பீட்ரூட்:  அத்தியாவசிய ஊட்டச்சத்துக்கள் நிறைந்த பீட்ரூட்டை நாம் பச்சையாக சாப்பிட்டால் அதன் சத்துகள் முழுமையாக கிடைக்கும். இதனால்    இரத்த ஓட்டம் மற்றும் இதய ஆரோக்கியம் ஆகியவை கிடைக்கும்.