Nayanthara 75 : திருமண மலர்களுடன், வெற்றி மாலையும்.. லேடி சூப்பர் ஸ்டாரின் 75-வது படம் குறித்த சூப்பர் அப்டேட்..
NAAD ஸ்டுடியோஸ் மற்றும் ட்ரைடென்ட் ஆர்ட்ஸுடன் இணைந்து ஜீ ஸ்டுடியோஸ் தயாரிக்கும் நயன்தாராவின் வரவிருக்கும் படத்திற்கு N75 என்று தற்காலிகமாக பெயரிடப்பட்டுள்ளது.
கோலிவுட்டின் லேடி சூப்பர் ஸ்டார் நயன்தாரா தனது திருமணத்திற்கு பிறகு அடுத்த படத்திற்கான படப்பிடிப்பை தொடங்க இருக்கிறார். இது இவரது 75வது படம் என்பது குறிப்பிடத்தக்கது. நயந்தாரா கடைசியாக நடித்த காத்துவாக்குல ரெண்டு காதல் திரைப்படம் திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றது.
அதனைதொடர்ந்து அவர் நடித்த ஓ 2 படம் ஒடிடி தளமான ஹாட்ஸ்டாரில் வெளியானது. இந்த நிலையில் அடுத்து நயன்தாரா நடிக்கும் படத்திற்கான அறிவிப்பு தற்போது வெளியாகி பெரிய எதிர்பார்ப்பை ஏற்படுத்தியுள்ளது. இந்த படத்தை இயக்குநர் நிலேஷ் கிருஷ்ணா இயக்குகிறார். நிலேஷ் கிருஷ்ணா பிரபல பிரமாண்ட இயக்குநர் ஷங்கரிடம் உதவி இயக்குனராக இருந்தவர்.
நயன்தாராவின் 75வது படம்
NAAD ஸ்டுடியோஸ் மற்றும் ட்ரைடென்ட் ஆர்ட்ஸுடன் இணைந்து ஜீ ஸ்டுடியோஸ் தயாரிக்கும் நயன்தாராவின் வரவிருக்கும் படத்திற்கு N75 என்று தற்காலிகமாக பெயரிடப்பட்டுள்ளது. இதில் நடிகர் ஜெய் மற்றும் மூத்த நடிகர் சத்யராஜ் ஆகியோர் முக்கிய வேடங்களில் நடிக்கின்றனர். தொழில்நுட்பக் குழுவில் ஒளிப்பதிவாளர் தினேஷ் கிருஷ்ணன் டிபி, சூது கவ்வும், கனா மற்றும் தானா சேர்ந்த கூட்டம் போன்ற படங்களில் பணியாற்றியுள்ளார்.
#LadySuperStar75 official announcement.@ZeeStudios_ is excited to collaborate with #Nayanthara for her 75th film.
— Movie Lovers (@movielovers1021) July 12, 2022
Shoot to begin soon! #Nayanthara75 pic.twitter.com/yT3dcLZhCu
N75 என்று தற்காலிகமாக பெயரிடப்பட்ட திரைப்படத்தின் அறிவிப்பை தயாரிப்பு நிறுவனமான ஜீ ஸ்டுடியோஸ் தனது ட்விட்டர் பக்கத்தில் தற்போது வெளியிட்டுள்ளது.
#LadySuperstar75 is official now. pic.twitter.com/FfBk5os8Li
— LetsOTT Global (@LetsOTT) July 12, 2022
நயன்தாரா தற்போது அட்லி இயக்கத்தில் நடிகை ஷாருக்கானின் ஜவான் படத்தில் நடித்து வருகிறார். இந்த படத்தின் மூலம் பாலிவுட் அறிமுகமாகிறார் நயன். ஜவான் திரைப்படம் 2023 இல் திரையரங்குகளில் வர இருக்கிறது. ஜவான் படத்தை முடித்த பிறகு, இயக்குனர் அகமதுவுடன் ஜெயம் ரவியின் படப்பிடிப்பைத் தொடங்குவார். அவரது தயாரிப்பு நிறுவனமான ரெளடி பிக்சர்ஸ் மூலம் பல்வேறு படங்களையும் தயாரித்து வருகிறார்.
ALSO READ | Iravin Nizhal Review: படமா இது? அதுக்கும் மேல... உலக பார்வையில் விழும் இரவின் நிழல்!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
