அன்பு மழை பொழிந்த நடிகர் கார்த்தி... பாசத்தில் நனைந்த யுவன்... இப்படி ஒரு பரிசா..?

கார்த்தி நடிப்பில் வெளியான பருத்திவீரன், நான் மகான் அல்ல, பையா, பிரியாணி மற்றும் வெளியாகவிருக்கும் விருமன் உள்ளிட்ட படங்களில் பல சூப்பர்ஹிட் பாடல்களை யுவன் இசையமைத்திருந்தார்.

கார்த்தி - யுவன்சங்கர்ராஜா

உண்மையான நட்பை போற்றுவதில், பொக்கிஷமாகப் பாதுகாப்பதில் பெயர் பெற்ற நடிகர் கார்த்தி. சமீபத்தில் தனது நெருங்கிய நண்பரான யுவன் ஷங்கர் ராஜாவுக்கு பிரீமியம் கைக்கடிகாரம் ஒன்றை பரிசாக வழங்கியுள்ளார். தற்போது இந்த புகைப்படம் இணையத்தில் படு வைரலாகி வருகிறது. 

முன்னதாக, கார்த்தி நடிப்பில் வெளியான பருத்திவீரன், நான் மகான் அல்ல, பையா, பிரியாணி மற்றும் வெளியாகவிருக்கும் விருமன் உள்ளிட்ட படங்களில் பல சூப்பர்ஹிட் பாடல்களை யுவன் இசையமைத்திருந்தார். பருத்திவீரன் படத்தின் வெற்றிக்கு முக்கிய காரணமாக கருதப்படுவது யுவனின் இசை என்பது குறிப்பிடத்தக்கது. 

Actor @Karthi_Offl Gifted A Premium Watch For @thisisysr As A Token Of Love, As Yuvan Completes 2️⃣5️⃣ Years In Cinema. ❤️👌#Yuvan Will Start The Background Score For #Viruman Soon.

Film Is Set To Release In Theatres On August 31. #VirumanFromAug31 #Karthi #YuvanShankarRaja pic.twitter.com/ETR9CWORaq

— DonBala Balaji (@DonBalaBalaji) May 21, 2022

இந்தநிலையில், யுவனுக்கு இந்த விலையுயர்ந்த பரிசை தனது அன்பின் அடையாளமாக வழங்கியுள்ளார் கார்த்தி. கார்த்தி மற்றும் யுவன் இருவரும் ஒரே பள்ளியில் படித்தவர்கள். அந்தப் பருவத்திலிருந்தே இருவருக்குள்ளும் நல்ல நட்பு இருந்தது. 

திரைத்துறையில் 25 ஆண்டுகளை நிறைவு செய்த யுவனுக்கு விலையுயர்ந்த பிரீமியம் கைக்கடிகாரம் தந்து ஆச்சரியப்படுத்தியுள்ளார் கார்த்தி.

விருமன் படத்தின் பின்னணி இசையை யுவன் ஷங்கர் ராஜா விரைவில் தொடங்க இருக்கிறார். விநாயகர் சதுர்த்தியை முன்னிட்டு ஆகஸ்ட் 31 அன்று விருமன் திரைக்கு வர உள்ளது. ஏற்கனவே, விருமானுக்காக யுவன் இசையமைத்து சித் ஸ்ரீராம் பாடிய கஞ்சா பூவு கண்ணால பாடலின் அழகான முன்னோட்டம், சுமார் 3.7 மில்லியன் பார்வைகளைப் பெற்று இன்னும் யூடியூப்பில் ட்ரெண்டிங்கில் உள்ளது.

#Viruman Team confirms their release on Aug31st on occasion of Vinayagar chaturthi & also our Little Maestro @thisisysr's 43rd bday it is, & the movie which is turned as Musical treat for U1ians!😍#VirumanFromAug31 #YuvanShankarRaja pic.twitter.com/NsiHlIT6l1

— YuvanFansFc◽ (@YuvanFansFc) May 18, 2022

விருமன் திரைப்படத்தை தொடர்ந்து கார்த்திக்கு இன்னும் இரண்டு திரைப்படங்கள் இவரது நடிப்பில் இந்த ஆண்டு வெளியாகவிருக்கிறது. மணிரத்னம் இயக்கத்தில் உருவாகியிருக்கும் பிரம்மாண்டப் படைப்பான பொன்னியின் செல்வன் வருகின்ற செப்டம்பர் 30ஆம் தேதியும், மித்ரன் இயக்கத்தில் ஆக்‌ஷன் த்ரில்லரான சர்தார் திரைப்படத்தின் வெளியீட்டு தேதியை தயாரிப்புத் தரப்பு விரைவில் அறிவிக்கலாம் என்று தெரிகிறது. 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூடிபில் வீடியோக்களை காண