Thalapathy 65 First Poster | துப்பாக்கியில் இருந்து சீறும் புல்லட் - தளபதி 65 படக்குழு வெளியிட்ட வீடியோ!

'தளபதி 65’ பர்ஸ்ட் லுக் இன்று மாலை வெளியாகவுள்ள நிலையில், அதற்கான முன்னோட்ட வீடியோவை தற்போது தயாரிப்பு நிறுவனம் வெளியிட்டுள்ளது.

தளபதி 65

அடுத்தடுத்து வரும் அப்டேட்களால் விஜய் ரசிகர்கள் குஷியில் உள்ளனர். தற்போது சன் பிக்சர்ஸ் தயாரிப்பில் நெல்சன் இயக்கத்தில் ஒரு படத்தில் நடித்து வருகிறார் விஜய். இதுவரை பெயரிப்படவில்லை என்பதால் ‘தளபதி 65’என்ற பெயரில் அழைக்கப்படுகிறது. வேகமாக ஷூட்டிங் சென்றுகொண்டிருந்த நிலையில் தற்போது கொரோனாவால் படப்பிடிப்பு நிறுத்திவைக்கப்பட்டுள்ளது.  இந்த நிலையில் சோர்ந்திருந்த ரசிகர்களை உற்சாகப்படுத்தும் விதமாக அப்டேட் செய்தியை அறிவித்தது தயாரிப்பு நிறுவனம். 

 

Namaku solradha vida seiradhu dhan romba easy! Senjurlama? 😎#Thalapathy65FLToday @ 6pm! #Thalapathy65FirstLook #Thalapathy65@actorvijay @Nelsondilpkumar @anirudhofficial @hegdepooja pic.twitter.com/Mlys8bo2Ug

— Sun Pictures (@sunpictures) June 21, 2021

விஜயின் பிறந்த தினத்தை முன்னிட்டு ஜூன் 21ம் தேதியான இன்று மாலை பர்ஸ்ட் லுக் வெளியாகும் என படக்குழு அறிவித்தது. அதன்படி இன்று மாலை பர்ஸ்ட் லுக் வெளியாகவுள்ளது. அதற்கான முன்னோட்ட வீடியோவை தற்போது தயாரிப்பு நிறுவனம் வெளியிட்டுள்ளது. துப்பாக்கியில் இருந்து புல்லட் பாய்ந்து சென்று தளபதி 65 என்று தோன்றும் முன்னோட்டம் ரசிகர்களிடையே எதிர்பார்ப்பை எகிற வைத்துள்ளது. இந்த முன்னோட்ட வீடியோவையே ரசிகர்கள் சோஷியல் மீடியாவில் கொண்டாடி வருகின்றனர்.

தளபதி 65 படத்தில் தளபதி விஜய் ஒரு புதிய அவதாரத்தில் காணப்படுவார் என்று பட குழுவினர் தெரிவித்துள்ளனர் . மேலும் இந்த படம் அதிரடி, காதல் மற்றும் நகைச்சுவை நிறைந்ததாக இருக்கும் என்று எதிர்பார்க்கப்படுகிறது. இந்த படத்தில் பூஜா ஹெக்டே விஜய்யுடன் ஜோடியாக நடிக்கிறார் , மேலும் இந்த  அழகான நடிகை ஒன்பது ஆண்டுகளுக்குப் பிறகு கோலிவுட் பக்கம் திரும்பியுள்ளார். யோகி பாபு, அபர்ணா தாஸ் மற்றும் பலர் முக்கிய வேடங்களில் நடிக்கின்றனர். சன் பிக்சர்ஸ் தயாரிக்கும் படத்தில் அனிருத் ரவிச்சந்தர் இசையமைத்துள்ளார்.

தளபதி 65 குறித்த அப்டேட்டுகள் அடுத்தது கசிந்து வருவதால் விஜய் ரசிகர்கள் தற்போது குஷியடைந்து வருகின்றனர். அதே நேரத்தின் படத்தின் பெயர் என்னவாக இருக்கும் என பலரும் யூகங்களை தெரிவித்து வருகின்றனர்.

Enna nanba? Waiting ah? 😉

It's worth the wait! 🔥#Thalapathy65FLToday #Thalapathy65FLDay #Thalapathy65FirstLook #Thalapathy65 pic.twitter.com/jPoZutqixn

— Sun Pictures (@sunpictures) June 21, 2021