![ABP Premium](https://cdn.abplive.com/imagebank/Premium-ad-Icon.png)
Varisu Box Office Record: குடும்பங்கள் கொண்டாடும் வெற்றி.. ரூ.100 கோடியை எட்டிய வாரிசு ... மீண்டும் நம்பர் 1 என நிரூபித்த விஜய்..!
வாரிசு படம் ரூ.100 கோடி வசூலை எட்டியுள்ள நிலையில்., வசூலில் எப்போதும் தான் நம்பர் ஒன் என்பதை நடிகர் விஜய் நிரூபித்துள்ளதாக ரசிகர்கள் மகிழ்ச்சியடைந்துள்ளனர்.
![Varisu Box Office Record: குடும்பங்கள் கொண்டாடும் வெற்றி.. ரூ.100 கோடியை எட்டிய வாரிசு ... மீண்டும் நம்பர் 1 என நிரூபித்த விஜய்..! Varisu 100 crore Gross Thalapathy Vijay Box Office Record Only Tamil Actor Registered 11th 100 crore film Varisu Box Office Record: குடும்பங்கள் கொண்டாடும் வெற்றி.. ரூ.100 கோடியை எட்டிய வாரிசு ... மீண்டும் நம்பர் 1 என நிரூபித்த விஜய்..!](https://feeds.abplive.com/onecms/images/uploaded-images/2023/01/15/a0c8c905b8db015b699cc3b2d117b0341673760011434572_original.jpg?impolicy=abp_cdn&imwidth=1200&height=675)
வாரிசு படம் ரூ.100 கோடி வசூலை எட்டியுள்ள நிலையில்., வசூலில் எப்போதும் தான் நம்பர் ஒன் என்பதை நடிகர் விஜய் நிரூபித்துள்ளதாக ரசிகர்கள் மகிழ்ச்சியடைந்துள்ளனர்.
பொங்கல் வெளியீடாக நடிகர் விஜய் நடித்துள்ள வாரிசு படம் கடந்த ஜனவரி 11 ஆம் தேதி உலகமெங்கும் வெளியானது. வம்சி பைடிபள்ளி இயக்கிய இப்படத்தில் ராஷ்மிகா மந்தனா ஹீரோயினா நடித்திருந்தார். மேலும் சரத்குமார், ஷாம், பிரபு, சங்கீதா, ஜெயசுதா, ஸ்ரீகாந்த், சம்யுக்தா, பிரபு, பிரகாஷ்ராஜ், எஸ்.ஜே.சூர்யா, யோகிபாபு உள்ளிட்ட பலரும் நடித்திருந்த நிலையில் தமன் இப்படத்திற்கு இசையமைத்திருந்தார்.
And the celebrations of #Varisu begin !!!#VarisuPongal #BlockbusterVarisu 🔥🔥🔥#Thalapathy @actorvijay sir @directorvamshi @MusicThaman @iamRashmika @7screenstudio @TSeries #VarisuPongal pic.twitter.com/Lci0piZYGF
— Sri Venkateswara Creations (@SVC_official) January 11, 2023
முன்னதாக படத்தின் தியேட்டர் விநியோக உரிமையை சென்னை, கோவை, ஆற்காடு, செங்கல்பட்டு ஆகிய மாவட்டங்களில் உதயநிதி ஸ்டாலினின் ரெட் ஜெயன்ட் நிறுவனமும், மற்ற இடங்களில் செவன் ஸ்க்ரீன் ஸ்டுடியோ நிறுவனமும் கைப்பற்றியிருந்தது. படத்தின் ப்ரோமோஷன் பணிகள் விறுவிறுப்பாக நடைபெற்ற நிலையில், மெட்ரோ ரயில்கள், எக்ஸ்பிரஸ் ரயில்கள் என பார்க்கும் இடமெங்கும் வாரிசு படத்தின் போஸ்டர்கள் ரசிகர்களை கவர்ந்தது.
With #Varisu, #ThalapathyVijay has registered his 11th 100 crore (Gross) film. Only Tamil actor to do so... pic.twitter.com/0lG4aF0I92
— Rajasekar (@sekartweets) January 15, 2023
இதனிடையே படம் வெளியாகி ஒருபுறம் விஜய் ரசிகர்களிடம் கலவையான விமர்சனத்தைப் பெற்றாலும், மறுபுறம் குடும்பங்கள் கொண்டாடும் வெற்றியாக பேமிலி ஆடியன்ஸை கட்டிப்போட்டுள்ளது. இதனால் ஜனவரி 17 ஆம் தேதி வரை பெரும்பாலான தியேட்டர்கள் ஹவுஸ்ஃபுல் காட்சிகளாக மாறியுள்ளது. தெலுங்கை தவிர பிற மொழிகளில் வாரிசு படம் 11 ஆம் தேதி வெளியான நிலையில், நேற்று தான் தெலுங்கில் வெளியானது. வழக்கமாக தெலுங்கு திரையுலக ஹீரோக்களுக்கு கொடுக்கப்படும் வரவேற்பு விஜய்க்கும் கொடுக்கப்பட்டது தமிழ் திரையுலகினரை ஆச்சரியத்தில் ஆழ்த்தியது.
இந்நிலையில் வாரிசு படம் உலகமெங்கும் சேர்த்து ரூ.100 கோடி வசூலைப் பெற்றுள்ளது. இதன்மூலம் துப்பாக்கி, கத்தி, புலி, பைரவா, தெறி, பைரவா, மெர்சல், சர்கார், பிகில், மாஸ்டர் உள்ளிட்ட படங்களுக்கு பிறகு 11வது முறையாக விஜய் படம் 100 கோடி வசூலைப் பெற்றுள்ளதாக ரசிகர்கள் சமூக வலைத்தளங்களில் கொண்டாடி வருகின்றனர். அதேசமயம் வாரிசுடன் வெளியான நடிகர் அஜித் நடித்த துணிவு படம் ரூ.100 கோடி வசூலை பெற்றாலும், இதுவரை 5 முறை தான் அஜித் 100 கோடி வசூலை எட்டியுள்ளார் என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)