![ABP Premium](https://cdn.abplive.com/imagebank/Premium-ad-Icon.png)
Marumagal : சன் டிவியில் திங்கள் முதல் புது சீரியல் ஆரம்பம்... வீடு தேடி ஆதிரையாக வரும் 'மருமகள்'
Marumagal : சன் டிவியில் திங்கள் முதல் சனி வரை இரவு 8 மணிக்கு ஒளிபரப்பாக உள்ளது புதிய சீரியல் 'மருமகள்'.
![Marumagal : சன் டிவியில் திங்கள் முதல் புது சீரியல் ஆரம்பம்... வீடு தேடி ஆதிரையாக வரும் 'மருமகள்' Upcoming new serial Marumagal in Sun Tv from Monday June10 Marumagal : சன் டிவியில் திங்கள் முதல் புது சீரியல் ஆரம்பம்... வீடு தேடி ஆதிரையாக வரும் 'மருமகள்'](https://feeds.abplive.com/onecms/images/uploaded-images/2024/06/08/3126d3a752435e760c986f348ad30b071717868047982224_original.jpg?impolicy=abp_cdn&imwidth=1200&height=675)
சின்னத்திரை ரசிகர்கள் மத்தியில் என்றுமே டாப்பில் இருப்பது சன் டிவி தான். அதுக்கு போட்டியாக விஜய் டிவி என்ன தான் முட்டி மோதி விதவிதமான சீரியல்களை ஒளிபரப்பாகி வந்தாலும் சன் டிவியின் டி.ஆர்.பி ரேட்டிங்கை அடித்து கொள்ளவே முடியவில்லை. முன்னணி இடங்களை சன் டிவி தான் தக்க வைத்து வருகிறது.
சரியான வரவேற்பு பெறாத சீரியல்களை உடனடியாக முடிவுக்கு கொண்டு வந்து புது பொலிவுடன் புதிய சீரியல்களை கொண்டு வருகிறது சன் டிவி. அந்த வகையில் 'மருமகள்' என்ற புதிய சீரியல் வரும் திங்கள் (ஜூன் 10 ) முதல் இரவு 8 மணிக்கு ஒளிபரப்பாக உள்ளது. இந்த புதிய சீரியல் திங்கள் முதல் சனி வரை ஒளிபரப்பாக உள்ளது.
குழந்தை நட்சத்திரமாக விஜய் டிவியில் நடித்த கேப்ரியல்லா பின்னர் ஈரமான ரோஜாவே 2 மூலம் ஹீரோயினாக அறிமுகமானார். அதை தொடர்ந்து தற்போது விஜய் டிவியில் இருந்து சன் டிவிக்கு தாவியுள்ளார் கேப்ரியல்லா. 'மருமகள்' சீரியலின் ஹீரோயினாக கேப்ரியல்லா நடிக்க அவருக்கு ஜோடியாக 'கண்ணான கண்ணே' சீரியலில் நடித்ததன் மூலம் பிரபலமான நடிகர் ராகுல் ரவி நடிக்க உள்ளார்.
குடும்பம் தான் தனக்கு எல்லாமே என வாழும் அன்பான மகளாக ஆதிரை என்ற கதாபாத்திரத்தில் நடித்துள்ளார் கேப்ரியல்லா. தேவை என்று வருபவர்களுக்கு யோசிக்காமல் உதவ வேண்டும். சிறு வயது முதலே அதை சொல்லி சொல்லி வளர்க்கப்பட்ட பொண்ணு. நமக்கு இல்லை என்றாலும் அவங்களுக்கு உதவ வேண்டும் என்பதில் தான் மகிழ்ச்சியே அடங்கி இருக்கிறது என்ற குணாதிசயம் கொண்டது ஆதிரை கதாபாத்திரம்.
View this post on Instagram
ஆதிரைக்கு நேரெதிரான குணாதிசயம் கொண்ட கஞ்சனாக சீரியலின் ஹீரோ ராகுல் ரவி நடித்துள்ளார். இவர்கள் இருவரும் எப்படி இணைகிறார்கள் என்பதுதான் 'மருமகள்' சீரியல். வரும் திங்கள் முதல் நம்முடைய வீடு வாசலை தேடி வருகிறாள் ஆதிரை. 'மருமகளை' கொண்டாட காத்திருக்கிறார்கள் சன் டிவி ரசிகர்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)