சிக்கா Vs மன்னை சாதிக்... எல்லை மீறிப்போகும் தெருச் சண்டை! நாறும் யூடியூப்!

எப்படியும் மன்னை சாதிக் போட்ட வீடியோவுக்கு சிக்கா பதில் வீடியோ போடுவாரு. அதையும் பார்த்து தொலைய வேண்டியது தான்... அதுவே நம் தலைவிதியும் கூட!

சிக்கா-மன்னை_சாதிக்_(1)

முன்னாள் டிக்டாக் பிரபலம் என்கிற பெயரில், சூர்யா தேவி, ரவுடி பேபி சூர்யா, திருச்சி சாதனா, ஜி.பி.முத்து, மன்னை சாதிக் செய்யும் அட்டகாசம் நாளுக்கு நாள் அதிகரித்து வருகிறது. ரவுடி பேபி சூர்யா, சூர்யா தேவி சமீபமாக கொஞ்சம் விலகிப் போன நிலையில், சிக்கா தற்போது உச்சத்தில் இருக்கிறார். மன்னை சாதிக் வழக்கம் போல கோமாளித் தனத்தை தொடர்கிறார். இவர்களுக்குள் இருக்கும் பிரச்சினை என்னவென்றால், இவர்கள் எப்போது மோதிக்கொள்வார்கள் என்றே தெரியாதே! இப்போது திடீரென மதுரையில் இருக்கும் சிக்கா என்கிற சிக்கந்தரும், மன்னார் குடியில் உள்ள மன்னை சாதிக்கும் இப்போது களம் 8 ல் மோதிக் கொண்டிருக்கிறார்கள். 

இதில் என்ன விசயம் என்றால், சிக்காவுக்கும் ஆர்.கே.முத்துரவி என்பவருக்கும் ஏதோ பிரச்சினை. மீதை எடுத்தது, தாடி எடுத்தது என ஏதேதோ அதற்கு விளக்கம் தரப்படுகிறது. அதை என்னவென்று ஆராய்ந்து நேரத்தை வீணடிக்க விரும்பவில்லை. ஆராய்ந்தாலும் அல்ப காரணமாகத்தான் இருக்கும். இப்போ என்ன பிரச்சினைனா... ஆர்.கே.முத்துரவி-சிக்கா பிரச்சினையில் தானாக வந்து மூக்கை நுழைத்திருக்கிறார் மன்னை சாதிக்.

ஒரு எட்டு நிமிட வீடியோ. அதில் வரும் ஆபாச வார்த்தைகள். போதும் போதும் என்கிற அளவிற்கு சிக்காவை சின்னாபின்னப்படுத்தியிருக்கிறார் மன்னை சாதிக். சிக்கா ஒரு வீடியோவில் வந்து தன் தாய் மீது சத்தியம் செய்து, ஒரு வாக்குறுதியை கொடுத்து விட்டாராம். அதற்கு கவுன்டர் தருவதற்காக கூலிங் கிளாஸ் சகிதமாக வந்து மன்னை சாதிக் பொங்கியிருக்கிறார். அந்த வீடியோ போட்டதால் மன்னை சாதிக்கிற்கு என்ன பிரச்சினை, மன்னை சாதிக் வீடியோ போடுவதால் யாருக்கு பிரச்சினை என ஒரே பிரச்சினையாக போய்க் கொண்டிருக்கிறது யூடியூப் தளம். 

வலைதளத்தை திறந்தாலே, இவங்க அக்கப்போர் தான். சமகால அரசியலை ஓரங்கட்டும் அளவிற்கு ஒப்பாரியும், ஓலமுமாய் கலீச்சாகிவிட்டது யூடியூப். இதுக்கு எண்டே இல்லையா என பலரும் கேட்டுக்கொண்டிருக்கிறார்கள். உண்மையில் இதற்கு எண்ட் இல்லை என்று தான் தோன்றுகிறது. எப்படியும் மன்னை சாதிக் போட்ட வீடியோவுக்கு சிக்கா பதில் வீடியோ போடுவாரு. அதையும் பார்த்து தொலைய வேண்டியது தான்... அதுவே நம் தலைவிதியும் கூட! இதில் ஆறுதல் பட வேண்டிய விசயம்... ரவுடிபேபி சூர்யாவும், சூர்யா தேவியும் இந்த பந்தயத்திலிருந்து ஒதுங்கி நிற்பது தான் .இல்லையென்றால் களம் 10 களைகட்டும். அந்த வகையில் திருப்தியடைந்து கொள்ள வேண்டியது தான். 

 

மேலும் பல சுவாரஸ்ய செய்திகளுக்கு...