Thunivu Trailer: தயார் நிலையில் துப்பாக்கிகள்.. துணிவு டிரெய்லர் வெளியாகும் நேரம் இதுதான்..! எதிர்பார்ப்பில் ரசிகர்கள்..

அஜித் நடித்துள்ள துணிவு படத்தின் டிரெய்லர் வெளியாகும் நேரத்தை படக்குழு அதிகாரப்பூர்வமாக அறிவித்துள்ளது.

துணிவு படத்தில் அஜித்

போனி கபூர் - ஹெச். வினோத் - அஜித் கூட்டணி நேர்கொண்ட பார்வை, வலிமை திரைப்படங்களை தொடர்ந்து மூன்றாவது முறையாக இணைந்துள்ள துணிவு திரைப்படம் பொங்கலுக்கு வெளியாக தயாராக உள்ளது. ரசிகர்கள் மத்தியில் ஏகபோக வரவேற்பு இப்படத்தின் ரிலீசுக்காக இருப்பதற்கு முக்கியமான காரணம் பல ஆண்டுகளுக்கு பிறகு தமிழ் சினிமாவின் இரண்டு முன்னணி நடிகர்களான அஜித் மற்றும் விஜய் இருவரின் திரைப்படங்களும் ஒரே நேரத்தில் அதுவும் பொங்கல் ரிலீஸாக வெளியாவது தான்.

துணிவு டிரெயிலர் எப்போது..?

இந்நிலையில், இன்று காலை முதலே படத்தில் நடிகர்களின் கதாபாத்திரங்களின் பெயர்களை படக்குழு வெளியிட்டு வந்தது. அதன் தொடர்ச்சியாக அஜித்குமார் நடிக்கும் கதாபாத்திரத்தின் பெயரும் வெளியாகும் என ரசிகர்கள் எதிர்பார்த்து இருந்தனர்.

இந்நிலையில், துணிவு திரைப்படத்தின் டிரெய்லர் நாளை மாலை 7 மணிக்கு வெளியாகும் என படக்குழு அறிவித்துள்ளது. இதுதொடர்பான அறிவிப்பில், துப்பாக்கிகள், தைரியம் மற்றும் மகிமை என அனைத்தும் நாளை ஸ்டைலாக எரிய தயாராக உள்ளன. நாளை மாலை 7 மணிக்கு உங்கள் அலாரங்களை தயார்படுத்திக் கொள்ளுங்கள் எனவும், துணிவு திரைப்படத்தின் படக்குழு அறிவித்துள்ளது.

Guns, guts and glory - all set to fire up in style tomorrow!

Set your alarms for 7PM tomorrow, the #ThunivuTrailer is coming

Stay tuned to - https://t.co/pLyyVed06t#ThunivuPongal #NoGutsNoGlory #Ajithkumar #HVinoth @BoneyKapoor @ZeeStudios_ @BayViewProjOffl @RedGiantMovies_ pic.twitter.com/Vczo9W4Fwj

— Zee Studios South (@zeestudiossouth) December 30, 2022

முன்னதாக, துணிவு படத்தின் அப்டேட் இன்று வெளியாகும் என ஏற்கனவே படக்குழுவினர் அறிவித்தது போல இன்று காலை முதல் படத்தின் கதாபாத்திரங்கள் ஒவ்வொருவராக அறிமுகப்படுத்தப்பட்டனர். 

முதல் அறிமுகம் மோகன சுந்தரம் :

முதல் அறிவிப்பாக வெளியானது பிரபல பட்டிமன்ற பேச்சாளர் மோகன சுந்தரத்தின் கதாபாத்திரம்; இவரது கதாபாத்திரத்தின் பெயர் மைப்பா. தன்னுடைய நகைச்சுவையான பேச்சால் மக்கள் மூலம் மிகவும் பிரபலமான இவர் நடிப்பில் தற்போது இறங்கியுள்ளார்; ஐடி கார்டு போட்டபடி இருக்கும் இவரின் அறிமுகம் ஒரு ஊழியராக இருப்பதற்கான வாய்ப்புகள் உள்ளன என யூகிக்கப்படுகிறது. 

அதைதொடர்ந்து, மஞ்சு வாரியர், சமுத்திரக்கனி, மகாநதி ஷங்கர், ஜி.எம். சுந்தர் உள்ளிட்ட பலர் முக்கிய கதாபாத்திரங்கள் அறிமுகப்படுத்தப்பட்டன. பொங்கலுக்கு வெளியாக தயாராக இருக்கும் இப்படத்தை தமிழ்நாட்டில் வெளியிடும் உரிமையை கைப்பற்றியுள்ளது உதயநிதி ஸ்டாலினின் ரெட் ஜெயண்ட் மூவிஸ் நிறுவனம். 

பாடல்கள் சூப்பர் ஹிட் :

ஜிப்ரான் இசையமைத்துள்ள துணிவு படத்தின் 'சில்லா சில்லா', 'காசேதான் கடவுளடா', 'கேங்ஸ்டா' உள்ளிட்ட பாடல்கள் வெளியாகி ரசிகர்களின் மத்தியில் அமோகமான வரவேற்பை பெற்றது; நடிகர் அஜித் நடிப்பில் இதுவரையில் வெளியான எந்த படத்தின் கதாபாத்திரங்களும் படத்தின் ரிலீசுக்கு முன்னரே அறிமுகப்படுத்தியதில்லை. படம் திரையரங்கில் வெளியாவதற்கு முன்னரே அறிமுகப்படுத்தப்படுவது இதுவே முதல்முறை என்பது குறிப்பிடத்தக்கது.