Aishwarya Rajesh: தமிழில் வருகிறது ‘தி கிரேட் இந்தியன் கிச்சன்’.. ரிலீஸ் எப்போது தெரியுமா?
இந்த முறை போட்டியில் ஐஸ்வர்யா ராஜேஷின் திரைப்படமே ஐஸ்வர்யா ராஜேஷ் திரைப்படத்துடன் மோதுகிறது
நிமிஷா சஜயன் நடிப்பில் மலையாளத்தில் வெளியாகி பலரின் கவனத்தை பெற்று சமூக வலைதளங்களில் பெரிதும் விவாதிக்கப்பட திரைப்படம் ' தி கிரேட் இந்தியன் கிச்சன் '. பெண்களின் இல்லற வாழ்வில் சுதந்திரம் கொடுக்கப்படுகிறது என ஆண்கள் நினைத்துக் கொண்டு அடிமை படுத்தும் அவலத்தையும், பெண்களது நிலைமையை புரிந்து கொள்ளாது ஆண்கள் வக்கிரமாக நடந்து கொள்வதையும் இத்திரைப்படம் பேசியது; இது பலரின் ஃபேவரைட்டாக அமைந்து பலரின் கவனத்தை பெற்று இணையத்திலும் பெரிதும் விவாதிக்கப்பட்டது.
மலையாளத்தில் நிமிஷா விஜயனுக்கு சுஜாரா வென்ஜரமூடு கணவனாக நடித்திருப்பார். இத்திரைப்படம் இப்போது ஐஸ்வர்யா ராஜேஷ் நடிப்பில் தமிழில் ரீமேக் ஆகியிருக்கிறது. இத்திரைப்படத்தின் ட்ரெய்லர் வெளியாகி வசனங்களுக்காக பெரிதும் பேசப்பட்டது. இத்திரைப்படம் வருகிற டிசம்பர் 29 ஆம் தேதி திரையரங்கத்தில் வெளியாகவுள்ளது. ஒவ்வொரு வார வெள்ளிகிழமையும் தமிழ் சினிமாவின் வழக்கப்படி திரைப்படங்கள் வெளியாகும். இந்த வாரம் விஷால் நடிப்பில் 'லத்தி' திரைப்படமும்,நயன்தாரா நடிப்பில்'கனெக்ட்' திரைப்படமும் வெளியாகின.இதில் 'கனெக்ட்' திரைப்படம் நல்ல விமர்சனங்களை பெற்று வருகிறது.
இது போன்று அடுத்த வாரம் ஐஸ்வர்யா ராஜேஷின் ' டிரைவர் ஜமுனா','தி கிரேட் இந்தியன் கிச்சன்' படங்களும், பிரபு சாலமனின் 'செம்பி' திரைப்படமும் திரைக்கு வரவிருக்கிறது. இந்த முறை போட்டியில் ஐஸ்வர்யா ராஜேஷின் திரைப்படமே ஐஸ்வர்யா ராஜேஷ் திரைப்படத்துடன் மோதுகிறது.'டிரைவர் ஜமுனா' திரைப்படம் டிசம்பர் 30 ஆம் தேதி வெளியாகிறது.
தலைப்பு செய்திகள்
ட்ரெண்டிங் செய்திகள்
