Malavika Mohanan : மாளவிகா பிறந்தநாள்.. ஹைதராபாத்தில் கேக் வெட்டிக் கொண்டாடிய தங்கலான் படக்குழு

தங்கலான் பட நடிகை மாளவிகா மோகனின் பிறந்தநாளை படக்குழுவினர் ஹைதராபாதில் ப்ரோமோஷன் நிகழ்ச்சியின்போது கேக் வெட்டிக் கொண்டாடினர்.

தங்கலான் , மாளவிகா மோகனன்

Source : Twitter

தங்கலான்

பா ரஞ்சித் இயக்கத்தில் உருவாகியுள்ள தங்கலான் படம் வரும் ஆகஸ்ட் 15-ஆம் தேதி வெளியாக இருக்கிறது. விக்ரம் , மாளவிகா மோகனன் , பார்வதி திருவொத்து , பசுபதி உள்ளிட்டவர்கள் இப்படத்தில் முக்கிய கதாபாத்திரத்தில் நடித்துள்ளார். ஸ்டுடியோ கிரீன் இப்படத்தை தயாரித்துள்ளது. ஜி.வி பிரகாஷ் குமார் இசையமைத்துள்ளார்.

தங்கலான் படத்தின் இசை வெளியீடு நாளை ஆகஸ்ட் 5 ஆம் தேதி சென்னை நந்தம்பாக்கத்தில் நடைபெற இருக்கிறது. தமிழ், தெலுங்கு , இந்தி , மலையாளம் , கன்னடம் உள்ளிட்ட மொழிகளில் இப்படம் வெளியாக இருக்கிறது. பா.ரஞ்சித் இயக்கியதில் அதிக பட்ஜெட் படமாக உருவாகியுள்ள இப்படம் பான் இந்திய அளவில் மிகப்பெரிய வெற்றிபெறும் என்று எதிர்பார்க்கப்படுகிறது. தற்போது படத்திற்கான ப்ரோமோஷன்களில் படக்குழு பிஸியாக இருந்து வருகிறது. இன்று ஆகஸ்ட் 3-ஆம் தேதி  ஹைதராபாத்தில் பத்திரிகையாளர்களை படக்குழுவினர் சந்தித்தனர். 

மாளவிகா மோகனன் பிறந்தநாள்..

Anyone who dared to question her existence, knew it through her wrath ❤️‍🔥

Wishing our strong and fierce, Aarathi, @MalavikaM_ a wonderful birthday and a gleaming year ahead 💫#HBDMalavikaMohanan#ThangalaanFromAug15@Thangalaan @chiyaan @beemji @GnanavelrajaKe #StudioGreen… pic.twitter.com/9nH0AFjKVn

— Studio Green (@StudioGreen2) August 4, 2024

தங்கலான் படத்தில் ஆரத்தி கதாபாத்திரத்தில் நடிகை மாளவிகா மோகனன் நடித்துள்ளார். இரானிய இயக்குநர் இயக்கிய 'Beyond the clouds' படத்தில் அறிமுகமாகிய மாளவிகா மோகணன் தமிழில் ரஜினி நடித்த பேட்ட படத்தில் நடித்தார். தொடர்ந்து தனுஷூடன் இவர் நடித்த மாறன் படம் எதிர்பார்த்த வரவேற்பைப் பெறவில்லை. தற்போது அவர் நடித்துள்ள தங்கலான் படம் அவருக்கு குறிப்பிடத்தகுந்த அங்கீகாரத்தைப் பெற்று தரும் என எதிர்பார்க்கப்படுகிறது.

இப்படியான நிலையில்  இன்று மாளவிகா மோகனன் தனது பிறந்தநாளைக் கொண்டாடுகிறார். படத்தின் ப்ரோமோஷனுக்காக ஹைதராபாத் சென்ற படக்குழுவினர் மாளவிகாவின் பிறந்தநாளை கேக் வெட்டிக் கொண்டாடினார்கள். 

#MalavikaMohanan Birthday celebrations from the team of #Thangalaan #HappyBirthdayMalavikaMohanan #HBDMalavikaMohanan @MalavikaM_ pic.twitter.com/kMVtVXFZlh

— Malavika Mohanan Fc™ (@MalavikaM_Team) August 4, 2024

மேலும் தங்கலான் படத்தில் இருந்து ஆரத்தி கதாபாத்திரத்தின் சிறப்பு போஸ்டர் ஒன்றையும் படக்குழு வெளியிட்டுள்ளது. இந்த போஸ்டர் தற்போது சமூக வலைதளத்தில் வைரலாகி வருகிறது.