Thalapathy 67 Update: விஜயுடன் மோதும் சஞ்சய் தத்.. லாக் செய்த லோகேஷ்.. சம்பளம் எவ்வளவு தெரியுமா?

‘தளபதி 67’ படத்தில் நடிகர் சஞ்சய் தத் வில்லனாக நடிப்பது உறுதியாகியுள்ளது.

தளபதி 67 அப்டேட்

‘தளபதி 67’ படத்தில் நடிகர் சஞ்சய் தத் வில்லனாக நடிப்பது உறுதியாகியுள்ளது. 

நடிகர் விஜய் திரைப்படங்களுக்கு எப்பொழுதுமே எதிர்பார்ப்பு அதிகம். தற்போது வாரிசு திரைப்படத்தின் இறுதி கட்ட படப்பிடிப்பில் இருக்கும் விஜய், அடுத்ததாக நடிக்க உள்ள திரைப்படம் அவரது ரசிகர்களால்  ‘தளபதி 67’ என்று அழைக்கப்படுகிறது. பெயர் வைக்கப்படாத இத்திரைப்படத்தை லோகேஷ் கனகராஜ் இயக்க இருக்கிறார்.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Lokesh Kanagaraj (@lokesh.kanagaraj)

இந்தப்படத்திற்கான ஸ்கிரிப்ட் சம்பந்தமான வேலைகள் மும்மரமாக நடந்து கொண்டிருக்கும் நிலையில், இந்தப்படத்தில் நடிகைகள் த்ரிஷா மற்றும் கீர்த்தி சுரேஷை நடிக்க வைப்பதற்கான பேச்சுவார்த்தைகள் நடந்து வருவதாக தகவல்கள் வெளியாகின. மேலும் நடிகை சமந்தாவை வில்லியாக நடிக்க வைப்பதற்கும் படக்குழு திட்டமிட்டு இருப்பதாக கூறப்படுகிறது. 

அண்மையில் லோகேஷ் கனகராஜ் கொடுத்த பேட்டி ஒன்றில், நடிகர் மன்சூர் அலிகான் இந்தப்படத்தில் வித்தியாசமான கதாபாத்திரம் ஒன்றில் நடிப்பதை உறுதி செய்தார். இதைத்தவிர நெகட்டிவ் கதாபாத்திரங்களில் நடிக்க பிரித்விராஜ், சமந்தா, அர்ஜூன் ஆகியோரிடம் பேச்சு வார்த்தை நடத்தப்படுவதாகவும்,மிக முக்கிய வில்லன் கதாபாத்திரத்தில் பாலிவுட் நடிகர் சஞ்சய் தத்தை நடிக்க வைக்க ஏற்பாடுகள் நடந்து வருவதாகவும் தகவல் வெளியாகியிருந்தது.

உறுதியான அப்டேட் 

இந்த நிலையில்  ‘தளபதி 67’ படத்தில் நடிகர் சஞ்சய் தத் நடிப்பதை தனியார் செய்தி நிறுவனம் உறுதிப்படுத்தியுள்ளது. அதன்படி லோகேஷ் கனகராஜ்  ‘தளபதி 67’ படத்தில் சஞ்சய் தத்தை வில்லனாக ஒப்பந்தம் செய்துள்ளதாகவும், இந்தப்படத்திற்காக அவருக்கு 10 கோடி சம்பளம் வழங்கப்பட்டுள்ளதாகவும், படத்தின் ஷூட்டிங் வருகிற அக்டோபர் இறுதியில் தொடங்கும் எனவும் அந்த செய்தியில் குறிப்பிடப்பட்டுள்ளது.

முன்னதாக, 1940 களில் வரும் கேங்ஸ்டர் கதாபாத்திரத்தில் நடிகர் விஜய் நடிப்பதாகவும், இந்தப்படத்தில் பாட்ஷா படத்தில் ரஜினி வருவது போல நடிகர் விஜய் வருவதாகவும் அந்த செய்தி நிறுவனம் தகவல் வெளியிட்டு இருந்தது குறிப்பிடத்தக்கது.       

முன்னதாக  ‘கைதி’ ‘மாஸ்டர்’ ‘விக்ரம்’ உள்ளிட்ட படங்களில் இணை கதாசிரியராக பணியாற்றிய ரத்னகுமார் இந்தப்படத்திலும் லோகேஷூடன் இணைந்து பணியாற்றுகிறார். அண்மையில் ஜில் ஜங் ஜக்  படத்தின் இயக்குநர்  தீரஜ் வைத்தி  லோகேஷ் மற்றும் ரத்னகுமாருடன் இருப்பது போன்ற போட்டோவை பகிர்ந்தார். இதன் மூலம் இந்தக்கூட்டணியில் அவரும் இணைகிறார் என்ற தகவலும் திரைவட்டாரத்தில் பேசப்பட்டன.  அண்மையில் நடந்த பத்திரிகையாளர் சந்திப்பில்  தொலைப்பேசியில் தொடர்பு கொண்ட லோகேஷ் கனகராஜ் ‘தளபதி 67’ படத்தில் தன்னை நடிக்க கேட்டதாக  யோகிபாபு கூறியிருக்கிறார். இதன் மூலம் விஜயுடன் யோகிபாபு 6 ஆவது முறையாக இணைய இருப்பதாக சொல்லப்படுகிறது.