Watch video: ரீலோ.. ரியலோ அதே ஸ்டைல்.! தல அஜித்தின் offroad பைக் ரைடு வீடியோ!

offroading எனப்படும் கரடுமுரடான இடத்தில் அஜித் பைக் ஓட்டிச் செல்லும் வீடியோ இணையத்தில் வைரலாகி வருகிறது

அஜித்குமார்

சினிமாவில் நடிப்பதை தன் தொழிலாக கருதும் அஜித், ஓய்வு நேரங்களில் குடும்பத்துடனும், தனக்கு பிடித்ததையும் செய்து வருகிறார். 

சமீபத்தில், இந்திய - பாகிஸ்தான் எல்லையான வாகாவில் கையில் தேசியக் கொடியுடன் அஜித் நிற்கும் புகைப்படம் இணையத்தில் வைரலானது. பைக் ரைட் செய்த அஜித் வாகா எல்லைக்கு சென்று புகைப்படம் எடுத்துள்ளார். அங்குள்ள ராணுவ வீரருடன் கைகுலுக்கி மகிழ்ச்சியை வெளிப்படுத்திய போட்டோவும் வைரலானது. மேலும், சில புகைப்படங்களை தயாரிப்பாளர் போனி கபூர் வெளியிட்டார்.இதன்பின்பு, பாலைவனத்தில் அஜித் பைக்கின் கீழ் அமர்ந்து ஓய்வு எடுத்துக்கொள்வது போன்ற புகைப்படம் வெளியானது.

Nothing can stop him from living his passion and making his each dream come true. Universally Loved. #AjithKumar pic.twitter.com/vcynxZdkZ8

— Boney Kapoor (@BoneyKapoor) October 23, 2021

இந்த நிலையில், offroading எனப்படும் கரடுமுரடான இடத்தில் அஜித் பைக் ஓட்டிச் செல்லும் வீடியோ இணையத்தில் வைரலாகி வருகிறது. தனக்கே உரித்தான ஸ்டைலில் கெத்தாக பைக் ஓட்டிச் செல்கிறார். இந்த வீடியோவை சக பைக் ரைடரான சுப்ரேஜ் வெங்கட் தன்னுடைய ட்விட்டர் பக்கத்தில் பகிர்ந்துள்ளார். 

#AjithKumar offroading! pic.twitter.com/Aiq20mHZ4v

— Suprej Venkat (@suprej) October 27, 2021

அஜித்தின் பைக் ரைடு வீடியோவை அவரது ரசிகர்கள் தங்களுக்கு பிடித்தமான பிஜிஎம் சேர்த்து இணையத்தில் பகிர்ந்தும் வருகின்றனர்.

Edit panitanga vicky https://t.co/ZZ4eSth6D8

— Vignesh dhev (@DhevVignesh) October 27, 2021

படத்தில் பிஸி என்றாலும், அஜித் குமார் தனக்கு பிடித்த விஷயங்களை செய்யத் தவறுவது இல்லை. புகைப்படங்கள் எடுப்பதில் ஆர்வம் கொண்ட அஜித், தன்னுடன் நடித்த சக கலைஞர்களை விதவிதமாக புகைப்படம் எடுத்து அவர்களை மகிழ்வித்தார். ஏரோனாடிக்ஸில் ஆர்வம் கொண்ட அஜித், அந்தப் பாடம் தொடர்பான மாணவர்களுடன் சேர்ந்து ட்ரோன்களை உருவாக்கும் முயற்சியில் ஈடுபட்டார். அத்துடன் மாணவர்களுக்கு ஆலோசகராகவும் செயல்பட்டார்.

இவரின் முயற்சியில் உருவான ட்ரோன்கள் கொரோனா காலத்தில் கிருமி நாசினி தெளிப்பதற்கு மிகவும் உதவிக்கரமாக இருந்தது. இப்படி பல வேலைகளில் ஆர்வம் இருக்கும் அஜித், தற்போது பைக்கில் நாடு முழுவதும் பயணம் மேற்கொண்டு வருகிறார். நீண்ட நாட்களாக படப்பிடிப்பில் இருந்த  ‘வலிமை’ படத்தின் சூட்டிங் சமீபத்தில் முடிவடைந்த நிலையில், அஜித் தற்போது பிடித்தமான பைக்கில் நாட்டின் பல இடங்களுக்கு சென்றுக்கொண்டிருக்கிறார் என்பது குறிப்பிடத்தக்கது