Anna Serial: ஷண்முகத்திற்காக கத்திக்குத்து வாங்கும் சூடாமணி! என்ன ஆனது கல்யாணம்? அண்ணா சீரியலில் இன்று

அண்ணா சீரியலில் ஷண்முகத்தின் உயிரை காப்பாற்ற சூடாமணி கத்திக்குத்து வாங்கிய நிலையில் இன்று என்ன நடக்கப்போகிறது என்பதை காணலாம்.

அண்ணா சீரியல்

Source : twitter

ஜீ தமிழில் ஒளிபரப்பாகும் சீரியல்களில் பிரபலமான சீரியல் அண்ணா. அண்ணன் - தங்கை சென்டிமெண்டை வைத்து உருவாகியுள்ளது இந்த தொடர். இந்த சீரியலின் நேற்றைய எபிசோடில் ஷண்முகம் தாலி இசக்கியிடம் இருப்பதால் அவளை தேடி வந்த நிலையில் இன்றும் நாளையும் நடக்க போவது என்ன? என்பது குறித்து பார்க்கலாம். 

முத்துப்பாண்டி, இசக்கியை காப்பாற்றும் ஷண்முகம்:

இசக்கியைத் தேடி வருகிறார் ஷண்முகம். அங்கே மருதப்பன் ஆட்கள் முத்துபாண்டியை தலையில் தாக்கி மயக்கம் அடைய வைத்துவிடுகின்றனர். இந்த சூழலில், நாயகன் ஷண்முகம் முத்துபாண்டியையும், இசக்கியையும் மருதப்பனின் பிடியில் இருந்து மீட்கிறான். 

பாக்கியம் சித்தரை சந்தித்து "இந்த கல்யாணம் நல்லபடியா நடக்கணும், ஏதாவது பரிகாரம் இருந்தா சொல்லுங்க" என்று கேட்கிறார். ஆனால், சித்தரோ "இந்த கல்யாணம் நடக்கக்கூடாது, நடந்தால் ஒரு உயிர் போவதை யாராலும் தடுக்க முடியாது" என்று சொல்ல ஷண்முகம் அவர் போலி சாமியாராக இருப்பார் என்று உதாசீனம் செய்து விடுகிறார்.

கத்திக்குத்து வாங்கிய சூடாமணி:

அடுத்து கல்யாணத்திற்கான ஏற்பாடுகள் நடக்க சௌந்தரபாண்டி மருதப்பனை ஏற்றிவிடுகிறான். இதனால், சண்முகத்தை கொலை செய்ய கத்தி எடுக்கிறான். அனைவரிடமும் ஆசிர்வாதம் வாங்கி வந்து வெங்கடேஷிடம் தாலியை கொடுக்கின்றனர். 

இதே நேரத்தில் மருதப்பன் கத்தியால் ஷண்முகத்தை குத்த வர, இதை சூடாமணி பார்க்கிறாள். பதறியடித்து ஓடி வரும் சூடாமணி அந்த கத்திகுத்தை தான் வாங்குகிறாள். சூடாமணி சரிந்து விழ ஷண்முகம் மருதப்பனையும் அவனது பிடித்து அடித்து ஓட விடுகிறான்.

சூடாமணியின் உறுதி:

ரத்த வெள்ளத்தில் சூடாமணி கிடக்க அனைவரும் அதிர்ச்சி அடைகின்றனர். பரணி ஹாஸ்பிடலுக்கு போகலாம் என்று சொல்ல வேண்டாம், என் உயிர் என்னை விட்டு போயிட்டே இருக்கு, என்னை காப்பாத்த முயற்சி செய்ய வேண்டாம். என் பொண்ணோட கல்யாணத்தை பார்க்கணும் என்று சொல்லி தாலி கட்ட சொல்கிறாள். 

ஆனால் எல்லாரும் உங்க உயிர் தான் முக்கியம் என்று சொல்ல சூடாமணி தனது முடிவில் உறுதியாக இருக்கிறாள். இப்படியான நிலையில் அடுத்து நடக்க போவது என்ன என்பது குறித்து அறிய அண்ணா சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.