Next AGS: ப்ளீஸ்.. இவர்களில் யாரையாவது AGSஆ போடுங்க பா..! கோரிக்கை வைக்கும் எதிர்நீச்சல் ஃபேன்ஸ்..!  

எதிர் நீச்சலில் அடுத்த ஆதி குணசேகரன் யார்? சில தகுதியான நடிகர்களின் பட்டியலை பகிர்ந்த தீவிர ரசிகர்கள். 

அடுத்த ஆதி குணசேகரன் யார்?

சன் டிவியில் ஒளிபரப்பாகும் சீரியல்கள் அனைத்திற்குமே மக்கள் மத்தியில் நல்ல வரவேற்பு இருக்கும். அந்த வகையில் டி.ஆர்.பி ரேட்டிங்கில் முதலிடத்தை தொடர்ந்து தக்க வைத்து வரும் ஒரு தொடர் இயக்குநர் திருச்செல்வம் இயக்கி வரும் 'எதிர் நீச்சல்' (Ethir neechal) தொடர்.

எதிர்நீச்சல்:

திங்கள் முதல் ஞாயிறு வரை இரவு 9.30 மணிக்கு ஒளிபரப்பாகி வரும் இந்த சீரியல் சின்னத்திரை ரசிகர்கள் மத்தியில் அமோகமான வரவேற்பை பெற்றுள்ளது. நாளுக்கு நாள் இந்த சீரியலுக்கான ரசிகர் கூட்டம் என்பது அதிகரித்த வண்ணமாக இருக்கிறது. ஆணாதிக்கம் நிறைந்த ஒரு குடும்பத்தில் படித்த பட்டதாரிகளை திருமணம் செய்து அழைத்து வந்து அவர்களை அடிமைகளாக நடத்தும் கதைக்களத்தை மையமாக வைத்து ஒளிபரப்பாகி  வருகிறது. 

 

கரடு முரடான ஆதி குணசேகரன் :

எதிர் நீச்சல் சீரியலின் மாபெரும் வெற்றிக்கு முக்கியமான காரணம் அந்த சீரியலில் நடிக்கும் நடிகர்களின் யதார்த்தமான நடிப்பு. அதிலும் மூத்த அண்ணனாக ஆதி குணசேகரனாக நடிகர் மாரிமுத்து நடித்து வந்த நெகட்டிவ் கதாபாத்திரத்துக்கு எக்கச்சக்கமான பேன்ஸ் உள்ளனர். எதிர்நீச்சல் தொடர் வெற்றிக்கு முக்கியமான கேரக்டராக கருதப்பட்ட குணசேகரன் கதாபாத்திரத்தில் நடித்து வந்த மாரிமுத்து கடந்த வாரம் திடீரென ஏற்பட்ட மாரடைப்பு காரணமாக உயிரிழந்தார். அவரின் இழப்பு திரையுலகத்தினர் மற்றும் ரசிகர்களுக்கு பெரும் அதிர்ச்சியை ஏற்படுத்தியது. 

அடுத்த AGS யார் ?
 
எதிர் நீச்சல் சீரியலில் மிக முக்கியமான கேரக்டரில் நடிகர் மாரிமுத்து நடித்து வந்ததால் அவரின் இறப்புக்கு பிறகு அந்த கதாபாத்திரத்தில் நடிக்க முதலில் எழுத்தாளர் மற்றும் நடிகர் வேல ராமமூர்த்தியிடம் பேச்சுவார்த்தை நடத்தப்பட்டது. அவர் சினிமாவில் பிஸியாக இருக்கும் காரணத்தால் வேறு சில நடிகர்களையும் தேர்வு செய்து அவர்களுடன் பேச்சுவார்த்தை நடத்தப்பட்டு வருகிறது. இருப்பினும் இன்னும் அதிகாரப்பூர்வமான அறிவிப்பு வெளியாகவில்லை.

 

யார் அந்த நடிகர்கள்?

மாரிமுத்துவை தவிர வேறு யாராலும் ஆதி குணசேகரன் கதாபாத்திரத்தை அத்தனை யதார்த்தமாக நக்கல் நையாண்டி கலந்த வில்லனாக செய்ய முடியாது. இருப்பினும் அவருக்கு பதிலாக அந்த கதாபாத்திரத்தில் ஒரு நடிகர் தேர்வு செய்யப்பட வேண்டிய காட்டாயம் இருப்பதால் எதிர் நீச்சல் சீரியலின் தீவிர ரசிகர்கள் காமெடி கலந்த வில்லன் கதாபாத்திரத்தில் நடிக்க கூடிய ஒரு சில நடிகர்களை சஜஸ்ட் செய்துள்ளனர். 

அந்த வரிசையில் நடிகர்கள் பொன்னவண்ணன், ரஞ்சித், இளவரசு உள்ளிட்டவர்கள் பொருத்தமாக இருப்பார்கள் என்பது ஒரு சிலரின் கருத்தாக இருக்கிறது. நக்கலும் நையாண்டியும் கலந்த ஒரு வில்லனாக இருக்க வேண்டும் என்றால் அதை சிறப்பாக செய்ய கூடிய  நடிகர் என பார்த்தால் ஆனந்த்ராஜ் ஒரு காலகட்டத்தில் மிரட்டலான வில்லனாக இருந்து தற்போது காமெடியிலும் கலக்கி வருகிறார் என்பதால் அவர் பொருத்தமானவராக இருக்கலாம் என்கிறார்கள்.  நடிகர் பசுபதியும் எதார்த்தமான நடிப்பை வெளிப்படுத்த கூடியவர். அவருக்கு வாய்ப்பளித்தால் சிறப்பாக இருக்கும் என்பது ரசிகர்களின் கருத்தாக இருக்கிறது.

மேலும் சமுத்திரக்கனி, தம்பி ராமையா, நாசர், மதன்குமார் தக்ஷிணாமூர்த்தி, விஜயன் உள்ளிட்டோரும் அடுத்த AGS கதாபாத்திரத்தில் நடிக்க தகுதியானவர்கள். இவர்களின் உடல் மொழியும் பேச்சு வழக்கும் கூட  ஆதி குணசேகரன் கதாபாத்திரத்துக்கு பொருத்தமாக இருக்கும். 

அடுத்த ஆதி குணசேகரனாக யார் நடிக்க போகிறார் என்பதை தெரிந்து கொள்ள ரசிகர்கள் மிகுந்த ஆர்வம் காட்டி வருகிறார்கள்.