Karthigai Deepam: ஐஸ்வர்யாவை காட்டிக் கொடுத்த பாம்பு.. அபிராமி எடுத்த முடிவு.. கார்த்திகை தீபம் இன்று!

தீபாவை அரிவாளால் வெட்ட வந்த பூசாரி ஆள் நடமாட்டம் இல்லாத இடத்தில் வீழ்ந்து கிடந்து தண்ணீர் தண்ணீர் என கலைத்தபடி கேட்டுக் கொண்டிருக்க, அங்கு ஒரு சிறுமி தண்ணீர் கொண்டு வந்து கொடுக்கிறாள்.

கார்த்திகை தீபம்

தமிழ் சின்னத்திரையில் ஜீ தமிழ் தொலைக்காட்சியில் தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம், இந்த சீரியலில் நேற்றைய எபிசோடில் கோயிலில் ஐஸ்வர்யா பாம்பாட்டியை வைத்து கார்த்தியை பாம்பு கொத்த ஏற்பாடு செய்தாள். இதனைத் தொடர்ந்து இன்று நடக்கப்போவது என்ன என்பது குறித்து பார்க்கலாம். 

அதாவது, தீபாவை அரிவாளால் வெட்ட வந்த பூசாரி ஆள் நடமாட்டம் இல்லாத இடத்தில் வீழ்ந்து கிடந்து தண்ணீர் தண்ணீர் என கலைத்தபடி கேட்டுக் கொண்டிருக்க, அங்கு ஒரு சிறுமி தண்ணீர் கொண்டு வந்து கொடுக்கிறாள். வீடே இல்லாத இடத்தில் நீ எப்படி தண்ணீர் கொண்டு வந்த என்று பூசாரி கேட்க, அந்தப் பெண் அம்மன் என தெரிய வருகிறது. 

“தீபாவை கொல்ல செய்த சதி வேலைகளை நீயே போய் ஒப்பு கொள்” என்று மிரட்ட, பூசாரி “நான் செய்தது தப்பு தான்” என மன்னிப்பு கேட்டு அங்கிருந்து கோயிலுக்கு கிளம்பி செல்கிறார். இங்கே கோயிலில் பூஜை நடந்து கொண்டிருக்க பாம்பாட்டி பாம்பை திறந்து விடுகிறான். 

அந்த பாம்பும் ஆட்கள் இருக்கும் இடத்துக்கு ஊர்ந்து வர எல்லாரும் “பாம்பு வந்து விட்டது, யாரை காட்டிக் கொடுக்கப் போகிறது?” என எதிர்பார்த்து காத்திருக்க, இந்தப் பாம்பு முதலில் கார்த்தியையே பார்த்து விட்டு திடீரென திரும்பி ஐஸ்வர்யாவை கொத்துகிறது. இதனையடுத்து பூசாரி “பூஜை நல்லபடியா முடிந்தது, அந்த அம்மனும் தப்பு பண்ணவங்கள கண்டுபிடிச்சி கொடுத்துருச்சு. இனிமே இது உங்கள் குடும்ப பிரச்சனை, நீங்களே பேசி தீர்த்துக்கோங்க” என்று சொல்லி கிளம்பி செல்ல, ஊர் மக்களும் கலைந்து செல்கின்றனர். 

அதன் பிறகு அங்கு வரும் பூசாரி “அன்னைக்கு கோயில் திருவிழாவில் தீபாவைக் கொல்ல ஏற்பாடு செய்தது ஐஸ்வர்யா தான், பணத்தாசை காட்டி என்னையும் மாற்றிட்டாங்க” என செய்த தவறுகளை உடைக்க, அனைவரும் அதிர்ச்சி அடைகின்றனர். அருண் ஐஸ்வர்யாவை பிடித்து திட்ட மைதிலி அபிராமியை கேள்வி கேள்வி கேட்டு ஏற்றி விடுகிறாள். 

இதனால் உச்சகட்ட கோபமடையும் அபிராமி வீட்டிற்கு வந்ததும் ஐஸ்வர்யாவை பளாரென அறைகிறாள். இப்படியான நிலையில் இன்றைய கார்த்திகை தீபம் எபிசோட் நிறைவடைகிறது.