Karthigai Deepam: காலை வாரிய ரூபஸ்ரீ.. சிதம்பரத்துக்கு சவால் விட்ட கார்த்திக்.. கார்த்திகை தீபம் இன்று!

இந்த சீரியலின் நேற்றைய எபிசோடில் பாட வந்தது பல்லவி இல்லை என்ற விஷயம் கார்த்திக்கு தெரிய வந்ததை தொடர்ந்து இன்று நடக்கப் போவது என்ன என்பது குறித்து பார்க்கலாம். 

கார்த்திகை தீபம்

தமிழ் சின்னத்திரையில் ஜீ தமிழ் தொலைக்காட்சியில் தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம்.  இந்த சீரியலின் நேற்றைய எபிசோடில் பாட வந்தது பல்லவி இல்லை என்ற விஷயம் கார்த்திக்கு தெரிய வந்ததை தொடர்ந்து இன்று நடக்கப் போவது என்ன என்பது குறித்து பார்க்கலாம். 

அதாவது ஸ்டுடியோவில் இருந்து கோபமாக வெளியே கிளம்பும் கார்த்திக் நேராக ரூபஸ்ரீ வீட்டுக்கு வந்து சத்தம் போடுகிறான். "இதுல என்னோட கரியரே இருக்கு, இதுல உன்னால எப்படி பொய் சொல்ல முடிந்தது?” என்று சத்தம் போட, அங்கிருக்கும் கோகிலா “இது எங்க பிசினஸ்.. நாங்க எதுக்கு பல்லவிய காட்டணும்” என்று எதிர்த்து பேசி வாக்குவாதம் செய்ய, “இப்போதைக்கு உங்ககிட்ட பேச முடியாது” என்று கார்த்திக் அங்கிருந்து கிளம்பி வருகிறான். 
 
“அடுத்து என்ன செய்வது, அல்லது எப்படி பாட வைப்பது” என யோசனையில் வரும் கார்த்திக்கு போன் செய்யும் சிதம்பரம், “பல்லவி விஷயம் என்னாச்சு?” என்று கேட்க, “இதெல்லாம் உங்க வேலை தானா? நிச்சயம் நான் பல்லவியை தேடி கண்டுபிடிப்பேன். உங்ககிட்ட சொன்னா மாதிரி இருபதாம் தேதிக்குள்ள பல்லவி பாடுவா” என்று சவால் விட்டு போனை வைக்கிறான். 

அதனைத் தொடர்ந்து வீட்டுக்கு வந்த கார்த்திக் அபிராமி உட்பட எல்லோரிடமும் அவள் பல்லவியே இல்லை என்ற உண்மையை உடைக்க, அபிராமி “நல்லா தானே பாடுனா” என்று சொல்ல “பல்லவி கிட்ட ஒரு தயக்கம் இருக்கும், அந்த தயக்கம் இவகிட்டையும் இருந்தது. அதனால நான் நம்பி ஏமாந்துட்டேன், தப்பு என் மேல தான்” என்று கார்த்திக் வருத்தப்பட்டு பேசுகிறான்.  இப்படியான நிலையில் இன்றைய கார்த்திகை தீபம் எபிசோட் நிறைவடைகிறது.