Karthigai Deepam: மறைந்து கொண்ட கார்த்தி! கொலை செய்ய சதித்தீட்டம் தீட்டிய சாமுண்டீஸ்வரி - கார்த்திகை தீபத்தில் இன்று

கார்த்திகை தீபம் தொடரில் கார்த்தி சாமுண்டீஸ்வரியிடம் இருந்து எப்படி தப்பிக்கிறார்? ராஜசேதுபதி பேரனுக்கு எதிராக சாமுண்டீஸ்வரி போடும் ப்ளான்? என்ன என்பது குறித்து கீழே விரிவாக காணலாம்.

கார்த்திகை தீபம்

Source : twitter

தமிழில் ஒளிபரப்பாகும் முன்னணி தொலைக்காட்சியில் மக்கள் மத்தியில் பிரபலமான தொலைக்காட்சி ஜீ தமிழ். இந்த தொலைக்காட்சியில் ஒளிபரப்பாகும் தொடர்களில் மிகவும் பிரபலமான தொடர் கார்த்திகை தீபம். இந்த தொடர் திங்கள் முதல் சனி வரை ஒளிபரப்பாகி வருகிறது.  இந்த சீரியலின் நேற்றைய எபிசோடில் கார்த்திக் சாமுண்டீஸ்வரி டிரைவராக கார் ஓட்ட வேண்டிய சூழ்நிலை உருவான நிலையில் இன்று நடக்கப் போவது என்ன என்பது குறித்து பார்க்கலாம். 

கோட், சூட்டில் கார்த்திக்:

அதாவது கார்த்திக் டிரைவராக கார் ஓட்டிச் செல்ல சாமுண்டீஸ்வரி திருவிழா நடக்கும் இடத்தில் ஏற்பாடு செய்துள்ள பூஜைக்கு செல்கிறாள். இந்த சமயத்தில் கார்த்தியின் சகோதரர்கள் அருண், ஆனந்த் அங்கு வந்து நீ உடனடியா ஒரு ஜூம் மீட்டிங் அட்டென்ட் பண்ணனும் என்று சொல்ல, சாமுண்டீஸ்வரி தூரத்தில் இருந்து இதை பார்த்து என்ன விஷயம்? என்னாச்சு? யார் அவர்கள் என கேட்கிறாள். 

கார்த்திக் லண்டனுக்கு எப்படி போவது என வழி கேட்டு வந்திருப்பதாக பொய் சொல்லி சமாளிக்கிறான். அதை பிறகு நீங்க போங்க நான் வந்துறேன் என்று சொல்லி அண்ணன்களை அனுப்பி வைத்துவிட்டு, காரை லாக் செய்து கார்த்திக் கோவில் அருகே சென்று கோட்டு சூட்டு மாட்டிக்கொண்டு zoom மீட்டிங் அட்டென்ட் செய்கிறான். 

மறைந்து கொள்ளும் கார்த்திக்:

இங்கே பூஜை முடித்த சாமுண்டீஸ்வரி கார் அருகே வர அங்கு கார்த்தி இல்லாத நிலையில் அவனைத் தேடி நடந்து வருகிறாள். காருக்குள் மீட்டிங் அட்டென்ட் செய்து கொண்டிருக்கும் கார்த்தியை பார்த்து விடுவாளா என்ற பில்டப் காட்சிகள் எகிற சாமுண்டீஸ்வரி நெருங்கி வரும் சமயத்தில் கார்த்திக் மறைந்து கொள்கிறான். 

பிறகு கார்த்திக் மீண்டும் கார் அருகே வந்துவிட துப்பாக்கி உடன் காத்திருக்கும் சாமுண்டீஸ்வரி உண்மையை சொல்லு எங்க போன என்று கேட்க, கார்த்திக் போட்டோ ஒன்றை காட்டி இதுதான் ராஜசேதுபதியின் பேரன் என்று சொல்கிறான். இந்த தகவலை கொண்டு வரத்தான் போயிருந்தியா? என்று கார்த்தியை மன்னித்து விடுகிறாள் சாமுண்டீஸ்வரி. 

ராஜசேதுபதியின் பேரனை போட்டுத் தள்ள ப்ளான் போடும் சாமுண்டீஸ்வரி:

பிறகு வீட்டுக்கு வந்த அவள் ராஜசேதுபதியின் பேரன் இந்த ஊருக்குள்ள நுழையவே முடியாது அவனை எங்க பாத்தாலும் போட்டு தள்ளுங்க என தனது அடியாட்களுக்கு ஆர்டர் போடுகிறாள்.  இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.