Baakiyalakshmi: வசமாக மாட்டிக்கொண்ட கோபி... ஆக்ரோஷமாக ராதிகா வீட்டுக்குச் சென்ற பாக்கியா... பாக்கியலட்சுமியில் இன்று!
Baakiyalakshmi Sep 22: கோபி தான் வீடு புகுந்து லைசென்ஸை திருடி சென்று உடைத்து போட்டார் என்பதை அனைவரிடத்திலும் சொல்லி அதிர்ச்சி கொடுக்கிறான் எழில்.
விஜய் டிவியில் ஒளிபரப்பாகும் பாக்கியலட்சுமி (Baakiyalakshmi ) தொடரின் இன்றைய எபிசோடில் பாக்கியாவின் லைசென்ஸ் எப்படி பழனிச்சாமி கைக்கு போச்சு, இன்னும் வேற என்னவெல்லாம் கொடுத்து வைச்சு இருக்க என கேள்விகளால் பாக்கியாவை அவமானப்படுத்த அந்த நேரத்தில் எழில் வீட்டுக்கு வருகிறான்.
கத்திக்கொண்டு இருக்கும் கோபியைப் பார்த்து "லைசென்ஸ் எப்படி அவர் கைக்கு போச்சுன்னு நான் சொல்லட்டுமா? அது ஒன்னும் அவர் கைக்கு நேர போகல இரண்டு துண்டா போச்சு... இப்போவது புரியுதா? ஒருத்தர் வந்து வீட்டில இருந்து லைசென்ஸை திருடிட்டு போய் இரண்டு துண்டா உடைச்சு போட்டாங்க. அந்த உடைஞ்சுபோன துண்டு தான் பழனிச்சாமி சார்கிட்ட போயிருக்கு" என சொல்கிறான் எழில்.
அனைவரும் எதுவும் புரியாமல் பார்க்க, அமிர்தா என்ன சொல்றீங்க எனக்கு எதுவுமே புரியல என்கிறாள்."வீட்டுக்குள் புகுந்து லைசென்ஸை திருடியது இவர் தான். நேரா பிரெண்ட் கிட்ட போய் பாக்கியா நடுத்தெருவில் நிக்கணும், போலீஸ் அரெஸ்ட் பண்ணனும் என்று நீங்க போட்ட பிளான் பத்தி சொன்னது ஞாபகம் இருக்கா? அந்த நேரத்தில் எதேச்சையாக பழனிச்சாமி அந்த ஹோட்டலுக்கு வந்ததால் நீங்க பேசுனது எல்லாத்தியும் கேட்டுட்டார். அப்போ நீங்க உடைச்சு தூக்கி போட்ட லைசென்ஸை தான் பழனிச்சாமி சார் போட்டோ எடுத்து அனுப்பினார்" என்கிறான் எழில். இதைக் கேட்டு அனைவரும் அதிர்ச்சி அடைகிறார்கள்.
"இத்தனை நாளா நீங்க ஏமாற்றுக்காரர் என்று தான் நினைத்தேன் ஆனா இப்படி ஒரு திருட்டு புத்தி இருக்கும்னு தெரியாம போச்சே" என்கிறாள் பாக்கியா. "அப்போ நீ கார் அனுப்பி வச்சது எல்லாம் எங்க மேல இருந்த அக்கறையால இல்லையா? பாக்கியாவை பழிவாங்கணும் அதனால தானா? உனக்கு எப்போ இந்த மாதிரி புத்தி எல்லாம் வந்துச்சு கோபி. நீ செய்தது ரொம்ப தப்பு" என்கிறார் ஈஸ்வரி.
அனைவரும் கோபியை திட்டி வீட்டை விட்டு வெளியே போகச்சொல்கிறார்கள். அசிங்கப்பட்டு பாக்கியா வீடு வெளியே கோபி இருப்பதை ராதிகா பார்த்து விடுகிறாள். கோபி வீட்டுக்குச் சென்றதும் ராதிகா கோபமாக நிற்கிறாள். கோபி பாக்கியா அவருடைய ஆபிஸுக்கு வந்து பீத்திகிட்டு சவால் விட்டுட்டு போன விஷயத்தை பத்தி ராதிகாவிடம் சொல்லி, அதுக்காக நாலு வார்த்தை கேக்கணும்னு தான் வீட்டுக்கு போனேன்.
"என்னோட மொத்த குடும்பத்தை யும்எனக்கு எதிரே திருப்பிட்டா. அவ நல்லாவே இருக்கக் கூடாது. அவ அழியுறத நான் என்னோட கண்ணால பாக்கணும். என்னோட அம்மா அப்பா பசங்க என எல்லாரும் ஒரு குடும்பமா வாழனும்னு ஆசையா இருக்கு" என்கிறார் கோபி.
பாக்கியா, நான் என்ன தப்பு பண்ணேன் என சொல்லி கவலையுடன் பேசுகிறாள். நாம அமைதியா இருக்குறதால தான் இது போல எல்லாம் நடக்குது. இனிமே இது மாதிரி நடக்கக்கூடாது. ஒரு நிமிஷம் நான் போய்ட்டு வந்துடறேன் என சொல்லி ராதிகா வீட்டுக்குப் போய் கதவைத் தட்டுகிறாள். ராதிகா கதவைத் திறந்து பார்க்க, அங்கே பாக்கியா நிற்பதை பார்த்து அதிர்ச்சி அடைகிறாள் ராதிகா. அத்துடன் இன்றைய பாக்கியலட்சுமி (Baakiyalakshmi ) எபிசோட் முடிவுக்கு வந்தது.
தலைப்பு செய்திகள்
ட்ரெண்டிங் செய்திகள்
