Rajinikanth Grandson : சூப்பர் ஸ்டார் ரஜினிகாந்தின் கோலிவுட் வாரிசு..! ஹீரோவாக அறிமுகமாகும் தனுஷ் மகன்?
தனுஷின் மூத்த மகனும், நடிகர் ரஜினிகாந்தின் பேரனுமான யாத்ரா விரைவில் சினிமாவில் அடியெடுத்து வைப்பதாகவும் இதனால் தான் தன் மகன்களை தனுஷ் ஹாலிவுட் வரை அழைத்துச் சென்றதாகவும் தகவல்கள் கசிந்துள்ளன.
நடிகர் தனுஷின் மகனும், சூப்பர் ஸ்டார் ரஜினிகாந்தின் கொள்ளுப் பேரனுமான யாத்ரா விரைவில் ஹீரோவாக கோலிவுட்டில் அறிமுகமாகவிருப்பதாகத் தகவல்கள் வந்துள்ளன.
மகன்களுடன் தனுஷ்
முன்னதாக ’த க்ரே மேன்’ ப்ரொமோஷன் பணிகளில் தனுஷ் தனது இரண்டு மகன்களுடன் க்யூட்டாக கொடுத்த போஸ் சமூக வலைதளங்களில் ஹிட் அடித்தது.
இந்நிலையில், தனுஷின் மூத்த மகனும், நடிகர் ரஜினிகாந்தின் பேரனுமான யாத்ரா விரைவில் கோலிவுட்டில் நாயகனாக அடியெடுத்து வைக்க உள்ளதாகவும், இதனால் தான் தன் மகன்களை தனுஷ் ஹாலிவுட் வரை அழைத்துச் சென்றதாகவும் தகவல்கள் கசிந்துள்ளன.
விரைவில் ஹீரோவாகும் யாத்ரா
தனுஷ் நடிப்பில் விரைவில் வெளிவரவிருக்கும் ’த க்ரே மேன்’ படத்தை அவெஞ்சர்ஸ் இன்பினிட்டிவார், அவெஞ்சர்ஸ் என்ட்கேம் கேப்டன், கேப்டன் அமெரிக்கா உள்ளிட்ட படங்களை இயக்கிய ஜோய் ருசோ, ஆண்டனி ருசோ ( ருஸ்ஸோ பிரதர்ஸ்) இயக்கியுள்ளனர்.
#Dhanush with his sons..❣️#TheGrayMan pic.twitter.com/vnMrVsdTIZ
— Laxmi Kanth (@iammoviebuff007) July 14, 2022
இந்தப்படத்தில் முக்கியக் கதாபாத்திரத்தில் நடித்திருப்பதன் மூலம் ஹாலிவுட்டில் அறிமுகமாகிறார் தனுஷ். இவருடன் கிறிஸ் ஈவான்ஸ், ரயன் காஸ்லிங் உள்ளிட்ட பல நடிகர்கள் நடித்துள்ளனர். இப்படம் விரைவில் வெளியாகவுள்ள நிலையில் அதற்கான விளம்பர நிகழ்ச்சிகளில் நடிகர்கள் கலந்துகொண்டுள்ளனர்.
அந்த வகையில் நிகழ்ச்சிகளில் கலந்துகொண்டுள்ள தனுஷ், தன் மகன்களான யாத்ரா, லிங்கா இருவருடன் கோட் சூட் அணிந்து கொடுத்த போஸை கோலிவுட் ரசிகர்கள் வைரல் செய்தனர். மேலும் இப்புகைப்படத்தில் தனுஷ் தன் மகன்களுக்கு அண்ணனாகவே தெரிவதாகவும் குறிப்பிட்டு இருந்தனர்.
அம்மாவுடன் தனுஷ் மகன்கள்
தன் முன்னாள் மனைவி ஐஸ்வர்யா ரஜினிகாந்தை பிரிந்த நிலையில், தனுஷ் தொடர்ந்து தன் மகன்களுடன் நேரம் செலவிடும் வீடியோக்கள் புகைப்படங்களைப் பகிர்ந்து வருகிறார்.
மேலும் அப்பா தனுஷ் உடன் மகன்கள் இருக்கும் புகைப்படங்கள் சமூக வலைதளங்களில் டிரெண்டானதை அடுத்த அம்மா ஐஸ்வர்யா ரஜினிகாந்த் உடன் மகன்கள் இருக்கும் புகைப்படங்களும் வெளியாகி இணையத்தை ஆக்கிரமித்தது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
