Dhanush43 Simbu Hastag | தனுஷ் ரசிகர்களுக்கு டஃப் கொடுக்கும் சிம்பு ரசிகர்கள்! - டிவிட்டரில் ட்ரெண்டாகும் ஹேஷ்டேக்!

தமிழ் சினிமாவை பொறுத்தவரையில் சமகால நடிகர்களை போட்டி நடிகர்களாக பார்ப்பது வழக்கமான ஒன்றுதான்!

சிம்பு-தனுஷ்

அட!  என்னப்பா  இன்னைக்கு தனுஷ் பிறந்தநாள் ஆனா ட்விட்டர் ட்ரெண்டிங்ல  சிம்பு இருக்காரே! மாநாடு அப்டேட் எதுவும் வந்திருச்சான்னு பார்த்தா, தனுஷ் ரசிகர்களை பின்னுக்கு தள்ளும் விதமா சிம்புவின் புகைப்படங்களை பகிர்ந்து வற்றாங்க சிம்பு ரசிகர்கள் .  #SilambarasanTR  என்ற ஹேஷ்டேக் மூலமா சிம்புவின் மாநாடு புகைப்படங்கள், வீடியோக்கள், அவரின் டிரான்ஸ்ஃபர்மேஷன் புகைப்படங்கள் உள்ளிட்டவற்றை ரசிகர்கள் பகிர்ந்து வருகின்றனர். சிம்பு தனது ரசிகர்கள்தான் தனது பலம் என பல மேடைகளை தெரிவித்துள்ளார். இந்நிலையில் காலை முதலே சிம்பு ட்விட்டர் டிரெண்டிங்கில் இருந்து வருகிறார்.தமிழ் சினிமாவை பொறுத்த வரையில் சமகால நடிகர்களை போட்டி நடிகர்களாக பார்ப்பது வழக்கம். சம்பந்தப்பட்ட நடிகர்களுக்கு போட்டியாக பார்க்கும் எண்ணம் இருக்கிறதோ இல்லையோ அவரது ரசிகர்களுக்கு நிச்சயம் அது இருக்கும்!.  

இன்னைக்கு யாருக்கு பிறந்தநாள் னு தெரியவில்லை..

Full ஆஹ் தலைவன் #SilambarasanTR சாங் தான்..#Maanaadu
pic.twitter.com/BbXr0xcbcf

— RAM SIMBU (@RamSimbu_) July 28, 2021

எம்.ஜி .ஆர் மற்றும் சிவாஜி, விஜய் மற்றும் அஜித் , விக்ரம்  மற்றும் சூர்யா, தனுஷ் மற்றும்  சிம்பு தொடங்கி தற்போது விஜய்சேதுபதி  மற்றும் சிவகார்த்திகேயன் வரை இது தொடர்ந்துக்கொண்டே செல்கிறது.  தனுஷ் இன்று தனது பிறந்த நாளை கொண்டாடி வருகிறார். அதுமட்டுமல்லாமல் அவரது 43 வது படத்தின் ஃபஸ்ட்லுக் போஸ்டரும் வெளியாக இருப்பதாக அறிவிப்பு வெளியானதால்  நேற்று முதலே ட்விட்டர் டிரெண்டிங்கில் இருந்து வருகிறார் தனுஷ். பொறுக்காத சிம்பு ரசிகர்கள் வேண்டும் என்றே தனுஷ் ரசிகர்களை சீண்டும் விதமாக .  #SilambarasanTR  என்ற டேக் லைனை டிரெண்டாக்கி வருகின்றனர். இதேபோல சிம்பு நடிப்பில் சமீபத்தில்  வெளியான   ஈஸ்வரன் என்னும் திரைப்படத்தில் “நீ அழிக்கிறதுக்காக வந்த அசுரன்னா, நான் காக்கறதுக்காக வந்திருக்கேன்...ஈஸ்வரன்டா’  என்ற வசனத்தை பேசியிருந்தார். உடனே இந்த வசனம் தனுஷ் நடிப்பில் வெளியான ‘அசுரன் ‘ திரைப்படத்திற்கு  பதிலடி கொடுக்கும் விதமாக  எழுதப்பட்டிருப்பதாக சிம்பு ரசிகர்கள் கொண்டாடினர் என்பதும் குறிப்பிடத்தக்கது. 

#SilambarasanTR #Maanaadu pic.twitter.com/dwLb3gl7Le

— Praveen Str (@PraveeStr) July 28, 2021

அவ்வப்போது தமிழ் சினிமாவில் போட்டி நடிகர்களின் ரசிகர்கள் சமூக வலைதளங்களில் மோதிக்கொள்வது இயல்பான ஒன்றுதான். அது தங்கள் நடிகர் மீது இருக்கும் தீவிர அன்பின் வெளிப்பாடாகவே இருக்கிறது. இப்படியான நிலையை மாற்ற வேண்டும் என்பதற்காகவே சினிமாவில் இரு நடிகர்களையும் ஒன்றாக நடிக்க வைக்க வேண்டும் என்றும் சிலர் முயற்சித்து வருகின்றனர். முன்னதாக சிவகார்த்திகேயன் மற்றும் விமல் நடிப்பில் வெளியான கேடி பில்லா கில்லாடி ரங்கா படத்தில் இடம்பெற்ற ஒரு பொறம்போக்கு என்ற பாடலை சிம்புவும், யுவன் சங்கர் ராஜாவும் இணைந்து பாடி இருந்தனர். இந்த பாடலை சிம்புவுடன் இணைந்து தனுஷ் பாடுவதாக இருந்தது ஆனால்  தனுஷ் அப்போது மரியான் படப்பிடிப்பிற்காக வெளிநாடு சென்றுவிட்டார். படப்பிடிப்பில் சிக்கிக்கொண்டதால் அவரால் சிம்புவுடன் இணைந்து பாட இயலவில்லை. இந்த திட்டமிடல் சரியாக அமைந்திருந்தால் ஒரு வேளை இந்த சோஷியல் மீடியா யுத்தம் சற்றும் குறைய வாய்ப்பாக இருந்திருக்கும்.