KRK Making video : வைக்கோல்போரில் விஜய்சேதுபதி! தரையில் விக்னேஷ்சிவன்.. கலகல சம்மு, நயன் - KVRK மேக்கிங் வீடியோ!!

விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா உள்ளிட்டோர் நடிப்பில் உருவான காத்துவாக்குல ரெண்டு காதல் திரைப்படம் கடந்த ஏப்ரல் 28-ம் தேதி வெளியானது.

காத்துவாக்குல ரெண்டு காதல்

விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா உள்ளிட்டோர் நடிப்பில் உருவான காத்துவாக்குல ரெண்டு காதல் திரைப்படம் கடந்த ஏப்ரல் 28-ம் தேதி வெளியானது. ரசிகர்களிடையே கலவையான விமர்சனத்தை பெற்று வருகிறது. மேலும், பல திரைபிரபலங்களும் இந்த படத்தின் பிரபலங்கள் சிலரும் படத்தை பார்த்து தங்களது விமர்சனங்களை பதிவிட்டு வருகின்றனர். 

தானா சேர்ந்த கூட்டம் படத்திற்கு பிறகு விக்னேஷ் சிவன் சிறிய இடைவெளிக்கு பிறகு இந்த படத்தை இயக்கினார். ரவுடி பிக்சர்ஸ் தயாரித்த இந்த படம் சென்னையிலே பெரும்பாலான காட்சிகள் படமாக்கப்பட்டது. படத்திற்கு அனிருத் இசையமைத்திருந்தார். 

இந்தநிலையில் தற்போது காத்துவாக்குல ரெண்டு காதல் படத்தின் மேகிங் வீடியோவை செவன் ஸ்க்ரீன் ஸ்டுடியோ தனது யூடியூப் பக்கத்தில் வெளியிட்டுள்ளது. வீடியோவின் தொடக்கத்தில் அருவியில் எடுக்கப்பட்ட விஜய் சேதுபதியின் காட்சிகள் இடம் பெற்று இருந்தது. அதன் தொடர்ச்சியாக அனிருத் குரலில் " சிக்கி நிக்குறானே" பாடல் ஒலிக்க, நயன்தாரா, சமந்தா, பார்கவ் என அனைவரும் நடித்த காட்சிகள் அடுத்தடுத்து காட்டப்பட்டது. 

விஜய் சேதுபதி செய்யும் சேட்டைகள், சமந்தாவின் க்யூட் ரீயாக்ஷன், நயன்தாராவின் சிரிப்பு, பார்கவின் நடிப்பு, இயக்குநர் விக்னேஷ் சிவனின் இயக்கம் என அந்த வீடியோவே அதிரிபுதிரியாக இருந்தது. வீடியோவின் இடை இடையில் நடிகர் பிரபு, திரைப்பட தொழிலாளர்கள் படத்திற்கு செய்த வேலைகள் என அனைத்தும் காட்சிப்படுத்த பட்டு இருந்தது. தற்போது இந்த வீடியோ மேகிங் காட்சிகள் யூடியூப்பில் கிட்டத்தட்ட 6,000 பார்வையாளர்களை கடந்து, 1.3 k லைக்ஸ்களை பெற்றுள்ளது. 

அடுத்ததாக அஜித் படத்தை இயக்க இருக்கும் இவர் அஜித்தின் ‘என்னை அறிந்தால்’ படத்தில் ‘அதாரு அதாரு’ பாடல், வலிமையில் ‘நாங்க வேற மாதிரி’ ‘அம்மா’ உள்ளிட்ட பாடல்களை விக்னேஷ் சிவன் எழுதியிருந்தார். விஜய் சேதுபதியை வைத்து இயக்கிய நானும் ரவுடிதான் படத்தில்தான் நயன்தாராக்கும், விக்னேஷ் சிவனுக்கும் காதல் மலர்ந்தது. இந்தநிலையில், இவர்கள் இருவரும் வருகிற ஜூன் 9 ம் தேதி திருப்பதியில் திருமணம் செய்ய இருப்பதாக தகவல் வெளியாகி வருகிறது.  

Actress nayanthara - director Vignesh Sivan wedding will take place on the 9th of next month in tirupati#Nayanthara #wedding #vigneshsivan pic.twitter.com/Mrrw3L0A1w

— balaji govindaraj (@SaiBalaji_1) May 7, 2022

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண