Weapon: வெப்பன் படத்தில் சூப்பர் பவர் கொண்ட மனிதராக சத்யராஜ்.. டீசரிலே மிரட்டிய படக்குழு..!

சத்யராஜ் மாறுபட்ட வேடத்தில் நடித்துள்ள அதிரடி ஆக்ஷன் படமான 'வெப்பன்' படத்தின் டீசர் தற்போது வெளியாகியுள்ளது

வெப்பன் படத்தில் சத்யராஜ் - வசந்த்ரவி

‘சவாரி’, ‘வெள்ள ராஜா’ போன்ற இணைய தொடர்களை இயக்கியதன் மூலம் பிரபலமான இயக்குநர் குகன் சென்னியப்பன் இயக்கத்தில் நடிகர் சத்யராஜ் ஒரு வித்தியாசமான கதாபாத்திரத்தில் நடித்துள்ள திரைப்படம் 'வெப்பன்'. சூப்பர் ஹூமன் ஜானரில் உருவாகியுயுள்ள இப்படத்தில் ராஜீவ் மேனன், ராஜீவ் பில்லை, தான்யா தோப், மைம் கோபி, யாஷிகா ஆனந்த் மற்றும் பலர் நடித்துள்ளனர். மில்லியன் ஸ்டுடியோஸ் நிறுவனத்தின் சார்பில் எம்.எஸ்.மஞ்சூர் இப்படத்தை தயாரித்துள்ளார்.

வெப்பன்:

சூப்பர்ஸ்டார் ரஜினிகாந்த் நடிப்பில் மிகுந்த எதிர்பார்ப்புக்கு மத்தியில் உலகெங்கிலும் வெளியாகியுள்ள திரைப்படம் 'ஜெயிலர்'. இப்படத்தில் முக்கிய கதாபாத்திரத்தில் நடித்துள்ள வசந்த் ரவி முன்னணி  கேரக்டரில் நடித்துள்ள 'வெப்பன்' திரைப்படத்தின் டீசரை சற்றுமுன் வெளியிட்டுள்ளது படக்குழு. இதன் டீசரை நடிகர் விஷால் தனது சோசியல் மீடியா பக்கம் மூலம் வெளியிட்டார். 

 

 

டீசர் வெளியானது :

அதிரடியான கதையம்சம் கொண்ட இப்படத்தில் அபூர்வ சக்தி கொண்ட ஒரு மனிதனாக சத்யராஜ் நடித்துள்ளார். உலகில் உள்ள எந்த ஒரு ஆயுதத்தாலும் அழிக்க முடியாத ஒரு மனிதனை எப்படி எதிர்கொள்கிறார்கள்? அவனை அழிக்கும் முயற்சிகள் என்ன ஆனது என்பது தான் படத்தை கதைக்களம் என்பது தற்போது வெளியாகியுள்ள 'வெப்பன்' டீசர் மூலம் வெளிப்படுகிறது. 

சூப்பர் ஹியூமன் ஜானர்: 

உலகில் உள்ள எந்த ஆயுதத்தாலும் அவனை அழிக்க முடியாது, ஏனென்றால் அவன் 'சூப்பர் ஹியூமன்' என்ற அதிரடியான பஞ்ச் ரசிகர்களின் ஆர்வத்தை அதிகரித்துள்ளது. படத்தின் கதையம்சத்திற்கு ஏற்றவாறு பல வித்தியாசமான கோணங்களில் காணப்படும் சத்யராஜ் இதுவரையில் ஏற்று நடிக்காத ஒரு மாறுபட்ட கேரக்டரில் நடித்துள்ளார். 

 

Happy to share the Teaser of the movie #Weapon. All the very best to the entire cast & crew, GB

Tamil: https://t.co/v7ABpYYiQD
Telugu: https://t.co/LqpsRrqpXR
Hindi: https://t.co/oveOIzRiOU@manzoorms @GuhanSenniappan #Sathyaraj @iamvasanthravi #WeaponTeaser

— Vishal (@VishalKOfficial) August 10, 2023

ரிலீஸ் எப்போ ?

ஜிப்ரான் இசையமைப்பில் உருவாகியுள்ள இப்படம் தமிழ், தெலுங்கு, கன்னடம், மலையாளம் மற்றும் ஹிந்தி என பான் இந்திய திரைப்படமாக வெளியாக உள்ளது. சென்னை, கேரளாவில் உள்ள வயநாடு உள்ளிட்ட பகுதிகளில் படத்திற்கான ஷூட்டிங் நடைபெற்றதாக கூறப்படுகிறது. இப்படத்தின் படப்பிடிப்பு பணிகள் முழுவதுமாக முடிவடைந்து தற்போது போஸ்ட் புரொடக்ஷன் பணிகள் நடைபெற்று வருகிறது. விரைவில் படத்தின் ரிலீஸ் தேதி குறித்த விவரங்களை படக்குழு வெளியிடும் என எதிர்பார்க்கப்படுகிறது. 

வெளியாகியுள்ள 'வெப்பன்' படத்தின் டீசர் திரை ரசிகர்கள் மத்தியில் மாபெரும் வரவேற்பை பெற்றதோடு படத்திற்கான எதிர்பார்ப்பையும் அதிகரித்துள்ளது.