சர்தார் அப்டேட்: கார்த்தியின் நியூ லுக்! நெற்றி சுருக்கமும்.. சால்ட் அண்ட் பெப்பரும்.. கொண்டாடும் ரசிகர்கள்

நடிகர் கார்த்தியின் சர்தார் திரைப்படத்தின் புகைப்படங்கள் இணையத்தில் வெளியாகியுள்ளன. நடிகர் கார்த்தி நடிப்பில் உருவாகி வரும் 22வது திரைப்படம் சர்தார்.

சர்தார் கார்த்தி

நடிகர் கார்த்தியின் சர்தார் திரைப்படத்தின் புகைப்படங்கள் இணையத்தில் வெளியாகியுள்ளன. நடிகர் கார்த்தி நடிப்பில் உருவாகி வரும் 22வது திரைப்படம் சர்தார்.

இந்தப் படத்தை இரும்புத்திரை, ஹீரோ ஆகிய படங்களை இயக்கிய இயக்குநர் மித்ரன் இயக்குகிறார். ஜார்ஜ் வில்லியம்ஸ் ஒளிப்பதிவு செய்கிறார். இசையமைப்பாளர் ஜிவி பிரகாஷ் குமார் இசையமைக்கிறார். இந்தப்படத்தின் மோஷன் போஸ்டர் சில தினங்களுக்கு முன்பு வெளியிடப்பட்டது. அது ரசிகர்கள் மத்தியில் நல்ல வரவேற்பைப் பெற்றது. இந்நிலையில் படத்தில்

கார்த்தியின் கெட்டப் ஃபோட்டோக்கள் வெளியாகியுள்ளது.

மேலும் இந்தப் படத்தில் கார்த்திக்கு ஜோடியாக ராஷி கண்ணாவும், ராஜிஷா விஜயனும் நடிக்கின்றனர்‌. ரூபன் படத்தொகுப்பு செய்ய, திலீப் சுப்பராயன் சண்டைபயிற்சி இயக்குநராக பணியாற்றுகிறார். கலை இயக்குனராக கதிர் பணியாற்றுகிறார். பிரின்ஸ் பிக்சர்ஸ் இந்தப் படத்தை தயாரிக்கிறது.

இந்நிலையில் சர்தார் படத்தின் BTS புகைப்படங்கள் வெளியாகி உள்ளன. நடிகர் கார்த்தியின் கெட்டப் வைரலாகி ரசிகர்களின் பாராட்டை பெற்று வருகிறது. 

சர்தார் படத்தின் படப்பிடிப்பு கோகுலம் ஸ்டூடியோஸில் செட் அமைத்து நடைபெற்று வருகிறது. கடைசியாக கார்த்தி நடிப்பில் சுல்தான் படம் திரை அரங்கில் வெளியானது. அதனைத் தொடர்ந்து கார்த்தி, பொன்னியின் செல்வன் படபிடிப்பிலும், விருமன் ஷூட்டிங்கிலும் பிஸியாக இருந்தார். பொன்னியின் செல்வன் படப்பிடிப்பு மத்திய பிரதேசத்தில் மகேஸ்வர், ஆர்ச்சா, குவாலியர் நகரில் நடந்து வந்தது. பின்னர் விருமன் படத்தின் படப்பிடிப்பில் கலந்து கொண்டனர். விருமன் படத்தின் படப்பிடிப்பு மதுரை தேனி மாவட்ட பகுதியில் நடந்தது. இதன் காரணமாக சர்தார் படத்தின் படப்பிடிப்பு ஒத்திவைக்கப்பட்டது.

மேலும், இடையில் கொரோனா ஊரடங்கால் தடைபட்ட இப்படத்தில் படப்பிடிப்பு இப்போது மீண்டும் தொடங்கியுள்ளது. 

Shoot resumes with the very-amazing @Karthi_Offl #Sardar pic.twitter.com/GJwcF0u6G0

— PS Mithran (@Psmithran) January 6, 2022

ஏற்காடு சவாரி:

சில நாட்களுக்கு முன் ஏற்காட்டில் நடிகர் கார்த்தி குதிரை சவாரி செய்யும் புகைப்படங்கள் வெளியாகின. விடுமுறை தின கொண்டாட்டத்திற்காக ஏற்காட்டில் ஓய்வு எடுக்கிறாரா? அல்லது சர்தார் படத்தின் அடுத்தகட்ட படப்பிடிப்பு ஏற்காடு பகுதியில் நடந்து வருகிறதா என கார்த்தி ரசிகர்கள் சமூக வலைதளங்களில் கேட்டு வந்தனர். அப்போது சர்தார் படக்குழு இது பற்றி அதிகாரப்பூர்வமாக அறிவிக்கவில்லை. ஆனால் இப்போது இயக்குநர் பி.எஸ்.மித்ரன், சர்தார் படத்தில் கார்த்தியின் பிடிஎஸ் ஸ்டைல் புகைப்படங்களை ட்விட்டர் தளத்தில் பகிர்ந்துள்ளார்.