வில்லனாக அடுத்தடுத்த படங்கள் தோல்வி..எஸ்.ஜே.சூர்யாவுக்கு கைகொடுக்குமா ஜெயிலர் 2?

வில்லனாக அடுத்தடுத்த படங்கள் ஏமாற்றம் தந்த நிலையில், ஜெயிலர் 2 திரைப்படம் எஸ்.ஜே.சூர்யாவுக்கு கம்பேக் திரைப்படமாக அமையுமா ?

ரஜினிகாந்த் , எஸ் ஜே சூர்யா , ஜெயிலர் 2

Source : X

எஸ்.ஜே.சூர்யா என்றாலே வித்தியாசமான கதாபாத்திரங்கள் , தனித்துவமான நடிப்பும் தான்  நினைவுக்கு வரும். குறிப்பாக வில்லன் கதாபாத்திரங்களில் உடல்மொழி மற்றும் வசன உச்சரிப்பால் ரசிகர்களிடம் தனி வரவேற்பை பெற்றவர். ஆனால் சமீபகாலமாக அவர் நடித்த படங்கள் எதிர்பார்த்த வெற்றியை பெறாத நிலையில், ஜெயிலர் 2 அவருக்கு மீண்டும் கைகொடுக்குமா என்ற கேள்வி எழுந்துள்ளது.

இயக்குநர் , ஹீரோ என பல அடையாளங்கள் இருந்தாலும் வில்லன் கதாபாத்திரம் என்று வந்துவிட்டால் ஹீரோவையே மிஞ்சிவிடும் அளவிற்கு அவரது நடிப்பு இருக்கும். ஏ ஆர் முருகதாஸ் இயக்கத்தில் 2017 ஆம் ஆண்டு வெளியான ஸ்பைடர் படத்தில் முதல் முறையாக வில்லன் கதாபாத்திரத்தை ஏற்று நடித்தார். தொடர்ந்து மெர்சல் படத்தில் அவரது கதாபாத்திரம் பரவலாக பேசப்பட்டது.  மாநாடு படத்தில் படத்தின் இரண்டாவது ஹீரோ என்று சொல்லும் அளவிற்கு தனது நடிப்பை வெளிப்படுத்தியிருந்தார்.  தொடர்ந்து ராயன் மற்றும் சர்பரோ சனிவாரம் , மார்க் ஆண்டனி  ஆகிய படங்களில் எஸ்.ஜே.சூர்யாவின் நடிப்பு கவனம் பெற்றது.

வில்லனாக அடுத்தடுத்த தோல்விகள்

வில்லனாக கலக்கி வந்த எஸ் ஜே சூர்யா தொடர்ந்து வில்லன் கதாபாத்திரங்களை ஏற்று நடித்து வந்தார். ஆனால் கடந்த சில ஆண்டுகளில் அவர் நடித்த  இந்தியன் 2, கேம் சேஞ்சர், வீர தீர சூரன் , எல் ஐ கே  மற்றும் சர்தார் 2 ஆகிய படங்களில் அவர் வில்லன் கதாபாத்திரங்களில் சிறப்பாக நடித்திருந்தாலும் இந்த படங்கள் வசூல் ரீதியாக எதிர்பார்த்த வெற்றிபெறவில்லை. 

கைகொடுக்குமா ஜெயிலர் 2 ?

இந்நிலையில், நெல்சன் திலீப்குமார் இயக்கத்தில் ரஜினிகாந்த் நடிக்கும் ஜெயிலர் 2 படத்தில் எஸ்.ஜே.சூர்யா முக்கிய கதாபாத்திரத்தில் நடித்துள்ளார். படத்தின் டிரெய்லர் அக்டோபர் 5 அன்று வெளியான நிலையில், அதில் எஸ்.ஜே.சூர்யாவின் கதாபாத்திரமும் முக்கியமாக இடம்பெற்றுள்ளது. ரஜினிகாந்தின் முத்துவேல் பாண்டியனுக்கும் எஸ்.ஜே.சூர்யாவின் கதாபாத்திரத்துக்கும் இடையிலான மோதல் எப்படி இருக்கும் என்ற எதிர்பார்ப்பு உருவாகியுள்ளது.

ஜெயிலர் 2 படத்தில்  வித்யா பாலன்  மோகன்லால், சிவராஜ்குமார், ஜாக்கி ஷெராஃப் , மிதுன் சக்கரவர்த்தி , குஞ்சக்கோ போபன் , சூரஜ் வெஞ்சரமூடு  உள்ளிட்ட  பல்வேறு கதாபாத்திரங்கள் நடித்துள்ளார்கள் என்றாலும் எஸ் ஜே சூர்யாவின் கதாபாத்திரமே இவர்களுக்கு தலைவனாக இருக்கும் என எதிர்பார்க்கப்படுகிறது. இத்தனை நடிகர்கள் மத்தியில் எஸ் ஜே சூர்யா தனது தனித்துவமான நடிப்பால் நிச்சயம் ரசிகர்கள் கவர்வார் என்று எதிர்பார்க்கலாம்