Raththam OTT Release: ஓடிடியில் வெளியாகும் விஜய் ஆண்டனியின் ‘ரத்தம்' படம்... இதுதான் தேதி!

விஜய் ஆண்டனி நடிப்பில் வெளியான ‘ரத்தம்’ திரைப்படத்தின் ஓடிடி ரிலீஸ் தேதி வெளியாகி உள்ளது.

ரத்தம் படம், விஜய் ஆண்டனி (Image Source: Twitter)

ரத்தம்

விஜய் ஆண்டனி நடிப்பில் கடந்த அக்டோபர் 6 ஆம் தேதி வெளியான திரைப்படம் ரத்தம். தமிழ்ப்படம் படத்தை இயக்கிய சி.எஸ்.அமுதன் இந்தப் படத்தை இயக்கினார். விஜய் ஆண்டனி, நந்திதா ஸ்வேதா, மஹிமா நம்பியார், ரம்யா நம்பீசன், நிழல்கள் ரவி, ஜெகன் கிருஷ்ணன் உள்ளிட்டவர்கள் நடித்துள்ளார்கள். கண்ணன் நாராயணன் இந்தப் படத்துக்கு இசையமைத்திருக்கிறார். கோமல் போஹ்ரா, பங்கஜ் போஹ்ரா, தனஞ்சயன் ஆகியவர்கள் இணைந்து இந்தப் படத்தை தயாரித்துள்ளார்கள்.

#Raththam breaks on Amazon Prime on Nov 3rd. It’s got real flashbacks, don’t miss! pic.twitter.com/hAhpQBtcRv

— CS Amudhan (@csamudhan) October 31, 2023

 

ரத்தம் படத்தின் கதை கதை பிரபல பத்திரிகை நிறுவனத்தில் பத்திரிகையாளர் செழியன் என்பவரை அடையாளம் தெரியாத ஒரு இளைஞர் கொலை செய்கிறார். தனது தலைவரைப் பற்றி செய்தி எழுதியதற்காக தான் இந்தக் கொலையை செய்ததாக தனது செயலை நியாயப்படுத்துகிறான் கொலையாளி. இந்தக் கொலையை அந்த இளைஞர் ஏன் செய்கிறார் என்கிற புதிரில் இருந்து தொடங்கும் கதை, மெல்ல நமது கதாநாயகன் ரஞ்சித் குமாரை (விஜய் ஆண்டனி) நோக்கி நகர்கிறது.

ஒரு காலத்தில் உலக அளவில் புகழ்பெற்ற புலனாய்வு பத்திரிகையாளராக இருந்த ரஞ்சித் தற்போது தனது மகளுடன் கொல்கத்தாவில் வசித்து வருகிறார். தனது மனைவி இறந்துவிட்ட  குற்றவுணர்ச்சியால் தீவிர மதுபோதைக்கு அடிமையாகிறார். சந்தர்ப்ப சூழ்நிலையால் மீண்டும் தனது வேலைக்குத் திரும்பும் ரஞ்சித் மர்மமான முறையில் நடக்கும் இந்தக் கொலைகளை செய்பவர்களை தேடிக் கண்டுபிடிப்பதே படத்தின் கதை.

ஓடிடி ரிலீஸ்

வழக்கமான ஒரு கிரைம் த்ரில்லர் பாணியில் எடுக்கப்பட்டிருக்கும் ரத்தம் திரைப்படம், தீவிர சமூகப் பிரச்னைகளை எப்படி ஒரு கும்பல் தங்களுடைய தனிப்பட்ட ஆதாயத்திற்காக பயன்படுத்துகிறது என்பதைப் பற்றிய படமாக உருவாகி இருக்கிறது. இந்த வில்லன் கூட்டத்தின் தலைவராக இருக்கும் மஹிமா நம்பியார் க்யூட்டான ஒரு கொடூர வில்லியாக நடித்திருக்கிறார். ரத்தம் ஓடிடி ரிலீஸ் தற்போது ரத்தம் திரைப்படத்தில் ஓடிடி ரிலீஸ் தேதியை வெளியிட்டுள்ளது படக்குழு. வருகின்ற நவம்பர் 3 ஆம் தேதி அமேசான் பிரைம் வீடியோவில் ரத்தம் திரைப்படம் வெளியாக இருக்கிறது.