![ABP Premium](https://cdn.abplive.com/imagebank/Premium-ad-Icon.png)
Alia and Ranveer : இது மரணக்குத்து.. ரன்வீர் சிங் - ஆல்யா பட்டின் ஷூட்டிங் ஸ்பாட் நடனம்.. இது கங்குபாய் கலாட்டா
ரன்வீர் சிங் ஆலியாவுடன் கல்லிபாய் படத்தில் ஒன்றாக நடித்தார் என்பது குறிப்பிடத்தக்கது. தற்போது இருவரும் ராக்கி ஆவுர் ராணி என்கிற படத்திலும் இணைந்து நடித்து வருகின்றனர்.
![Alia and Ranveer : இது மரணக்குத்து.. ரன்வீர் சிங் - ஆல்யா பட்டின் ஷூட்டிங் ஸ்பாட் நடனம்.. இது கங்குபாய் கலாட்டா Ranveer Singh dances with Alia Bhatt to Dholida in unseen BTS video from Gangubai Kathiawadi sets. Watch Alia and Ranveer : இது மரணக்குத்து.. ரன்வீர் சிங் - ஆல்யா பட்டின் ஷூட்டிங் ஸ்பாட் நடனம்.. இது கங்குபாய் கலாட்டா](https://feeds.abplive.com/onecms/images/uploaded-images/2022/04/28/09588284192ba867b01b1e161add128a_original.jpg?impolicy=abp_cdn&imwidth=1200&height=675)
சஞ்சய் லீலா பன்சாலி இயக்கத்தில் ஆலியா பட் நடிப்பில் அண்மையில் வெளியான திரைப்படம் கங்குபாய் கத்தியாவாடி. படம் பாலிவுட்டில் சூப்பர் ஹிட்டானது. இதையடுத்து ஆலியா பட்டும் அவரது நடிப்புக்காக மிகவும் பாராட்டப்பட்டார். படத்தில் அவருடன் அஜய் தேவ்கனும் முக்கியக் கதாப்பாத்திரத்தில் நடித்திருந்தார். இதற்கிடையே தற்போது அந்தப் படத்தில் வரும் டோலிடா பாடலில் ஆலியாவுடன் நடிகர் ரன்வீர் சிங்கும் நடனமாடும் வீடியோ ஒன்று வெளியாகி உள்ளது. படத்துக்கான இசையைத் தயாரித்த நிறுவனமான சரிகம தனது யூட்யூப் தளத்தில் இந்த வீடியோவை வெளியிட்டுள்ளது. ரன்வீர் சிங் ஆலியாவுடன் கல்லிபாய் படத்தில் ஒன்றாக நடித்தார் என்பது குறிப்பிடத்தக்கது. தற்போது இருவரும் ராக்கி ஆவுர் ராணி என்கிற படத்திலும் இணைந்து நடித்து வருகின்றனர்.
அண்மையில்தான் நடிகர் ரன்பீர் கபூருக்கும் ஆலியா பட்டுக்கும் திருமணம் நடந்தது. திருமணத்துக்கு பல்வேறு பிரபலங்கள் வாழ்த்து தெரிவித்திருந்த நிலையில் வொண்டர் வுமன் நடிகையான கால் கெடாட் ஆலியாவுக்கு திருமண வாழ்த்துகளைப் பகிர்ந்துள்ளார். கால் கேடாட்டுடன் ஆலியா ஹார்ட் ஆஃப் ஸ்டோன் என்கிற படத்தில் நடித்தார் என்பது குறிப்பிடத்தக்கது. முன்னதாக, ஐந்து வருடங்களாக நாங்கள் ஒன்றாக நேரத்தை செலவழித்த பால்கனியே திருமண மேடையாக மாறியிருக்கிறது என்னும் அழகான வாசகத்துடன் திருமண புகைப்படங்களை பகிர்ந்திருக்கிறார் ஆல்யா பட்.
View this post on Instagram
தனது இன்ஸ்டாகிராம் செய்தியில், "எங்கள் பால்கனியிலேயே திருமணம் நிகழ்ந்திருக்கிறது. இனி அன்பை, முத்தங்களை, செல்ல சண்டைகளின் நினைவுகளை ஒன்றாக கட்டியமைக்கப்போகிறோம். மிக முக்கியமான இந்த நேரத்தில் உங்கள் அனைவரின் அன்புக்கும் என் நன்றி. இந்த அன்பு எங்களுடன் இருக்கும்” என தெரிவித்திருக்கிறார் ஆல்யா பட்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)