Rajinikanth: எந்தா சாரே.. தலைவர் 170 ஷூட்டிங்கில் ரஜினியை பார்க்க படையெடுக்கும் மலையாள பிரபலங்கள்!

ரசிகர்கள் மட்டுமில்லாமல் கேரள திரையுலக பிரபலங்களும் தலைவர் 170 படப்பிடிப்பில் இருக்கும் ரஜினிகாந்தை சந்தித்து வருகிறார்கள்.

ஜூட் ஆண்டனி,ரஜினிகாந்த் (image source: twitter)

தலைவர் 170

ரஜினிகாந்த் தற்போது தலைவர் 170 படத்தின் படபிடிப்பைத் தொடங்கி இருக்கிறார். கடந்த 4 ஆக்டோபரின் இந்தப் படத்திற்கு பூஜை போடப்பட்டு படப்பிடிப்பு கேரளாவில் நடைபெற்று வருகிறது. ஜெய் பீம் திரைப்படத்தை இயக்கிய த.செ ஞானவேல் இந்தப் படத்தை இயக்குகிறார்.

அமிதாப் பச்சன். ஃபகத் ஃபாசில், மஞ்சு வாரியர், ராணா டகுபதி, துஷாரா விஜயன், ரித்திகா சிங் உள்ளிட்டோர் இந்தப் படத்தில் நடித்து வருகிறார்கள். அனிருத் இசையமைக்க லைகா ப்ரோடக்‌ஷன்ஸ் இந்தப் படத்தை தயாரித்து வருகிறது. அடுத்த ஆண்டு தீபாவளி அன்று இந்தப் படம் வெளியாகும் என எதிர்பார்க்கப்படுகிறது.

மகிழ்ச்சியில் கேரள ரசிகர்கள்

தற்போது கேரளாவில் தலைவர் 170 படத்தின் படப்பிடிப்பு நடைபெற்று வருவதால் கேரளத்தில் இருக்கும் ரஜினி ரசிகர்கள் மகிழ்ச்சி அடைந்துள்ளார்கள். படப்பிடிப்புத் தளத்தில் தொடர்ச்சியாக ரஜினியைப் பார்ப்பதற்காக ரசிகர்கள் காத்திருந்து வருகிறார்கள். தனக்கு நேரம் கிடைக்கும் போது தனது ரசிகர்களை சந்தித்து வருகிறார் ரஜினிகாந்த்.

சூப்பர்ஸ்டாரை சந்தித்த பிரபலங்கள்

 

 

 

 

 

View this post on Instagram

 

 

 

 

 

 

 

 

 

 

 

A post shared by Jayasurya Jayan (@actor_jayasurya)

ரசிகர்கள் மட்டுமில்லாமல் கேரள திரையுலக பிரபலங்களும் ரஜினிகாந்தை சந்தித்து வருகிறார்கள். தற்போது மலையாள நடிகர் ஜெயசூர்யா ரஜினிகாந்தை சந்தித்த புகைப்படத்தை தனது இன்ஸ்டாகிராம் பக்கத்தில் பதிவிட்டுள்ளது ரசிகர்களின் கவனத்தை ஈர்த்துள்ளது.

கமல்ஹாசன் நடித்த வசூல்ராஜா எம்.பி.பி.எஸ் திரைப்படத்தில் ஜாகிர் என்கிற கதாபாத்திரத்தில் நடித்து தமிழ் ரசிகர்களின் கவணத்தை ஈர்த்தவர். மலையாளத்தில் தொடர்ச்சியாக படங்களில் நடித்து வருகிறார். தனது இன்ஸ்டாகிராம் பக்கத்தில் ரஜினியுடன் பேசும் புகைப்படத்தைப் பகிர்ந்த ஜெயசூர்யா “ இந்த தருணத்திற்காக  நான் பல காலமாக காத்திருந்திருக்கிறேன் . நான் பார்த்த மனிதர்களில் மிக சிறந்த உள்ளம் கொண்ட மனிதரை இன்று சந்தித்தேன்“ என்று பதிவிட்டுள்ளார்.

ரஜினியை சந்தித்த 2018 படக்குழு

 

 

 

 

 

View this post on Instagram

 

 

 

 

 

 

 

 

 

 

 

A post shared by Jude Anthany Joseph (@judeanthanyjoseph)

இந்த ஆண்டின் தொடக்கத்தில் மலையாளத்தில் வெளியான 2018 திரைப்படத்தின் இயக்குநர் ஜூட் ஆண்டனி மற்றும் படத்தின் தயாரிப்பாளர்கள் உட்பட ரஜினிகாந்தை சந்தித்தனர். சர்வதேச திரைப்பட விழாக்களில் மிகப்பெரிய வரவேற்பைப் பெற்ற 2018 திரைப்படம் இந்த ஆண்டு இந்தியா சார்பாக ஆஸ்கர் விருதுக்கு தேர்வாகி இருக்கும் நிலையில் இந்தப் படத்தின் இயக்குநர் ஜூட் ஆண்டனியும் ரஜினியிடம் ஆசீர்வாதம் பெற்றார். இந்த புகைப்படங்களை தனது இன்ஸ்டாகிராம் பக்கத்திலும் அவர் பகிர்ந்துகொண்டுள்ளார்.