Kanchana 4: மீண்டும் காஞ்சனாவை கையில் எடுத்த ராகவா லாரன்ஸ்.. 4 ஆம் பாகம் ஷூட்டிங் எப்போ தெரியுமா?

காஞ்சனா 4 படம் பற்றிய தகவல் வெளியாகியுள்ளது. அதன்படி ராகவா லாரன்ஸ் தயாரித்து இயக்கும் இப்படத்தின் ஷூட்டிங் செப்டம்பரில் தொடங்கவுள்ளதாக தெரிவிக்கப்பட்டுள்ளது.

காஞ்சனா 4 படம்

நடிகர் ராகவா லாரன்ஸ் இயக்கி, நடிக்கவுள்ள “காஞ்சனா 4” படத்தின் ஷூட்டிங் செப்டம்பரில் தொடங்கவுள்ளதாக தகவல் வெளியாகியுள்ளார். 

அமர்க்களம் படத்தின் மூலம் நடிகராக அறிமுகமானவர் ராகவா லாரன்ஸ். பல படங்களில் பாடல்களில் பின்னணியில் ஆடும் டான்ஸராக சினிமா பயணத்தை தொடங்கிய அவர் நடிகர், தயாரிப்பாளர், இயக்குநர், நடன இயக்குநர் என பன்முகம் கொண்டவராக வலம் வருகிறார்.2004 ஆம் ஆண்டு தெலுங்கில் நாகார்ஜூன் நடிப்பில் வெளியான மாஸ் படம் இயக்குநராக அறிமுகமானார். தொடர்ந்து ஸ்டைல் படத்தை இயக்கிய அவர், 2007 ஆம் ஆண்டு முனி என்ற பேய் படத்தை இயக்கினார். இப்படம் மிகப்பெரிய அளவில் ராகவா லாரன்ஸூக்கு திருப்புமுனையை கொடுத்தது. 

Raghava Lawrance’s #Kanchana4 🔥 pic.twitter.com/YYzxNT9gD8

— Christopher Kanagaraj (@Chrissuccess) June 6, 2024

காஞ்சனா 

அந்த படத்தில் 2011 ஆம் ஆண்டு முனி படத்தின் 2ஆம் பாகத்தை “காஞ்சனா” என்ற பெயரில் எடுத்தார். இந்த படத்தில் கோவை சரளா, லட்சுமி ராய், தேவதர்ஷினி, ஸ்ரீமன் என பலரும் நடித்தனர். தமன் இசையமைத்த இந்த படத்தில் சரத்குமார் திருநங்கை வேடத்தில் நடித்து ஆச்சரியப்படுத்தினார். இந்த படம் மிகப்பெரிய அளவில் வெற்றியைப் பெற்றது. 

காஞ்சனா 2

2015 ஆம் ஆண்டு காஞ்சனா படத்தின் 2ஆம் பாகம் வெளியானது. ராகவா லாரன்ஸ் இயக்கி நடித்த இப்படத்தில் டாப்ஸி, நித்யா மேனன், கோவை சரளா, மயில் சாமி, ஸ்ரீமன், பூஜா ராமச்சந்திரன், ஜாங்கிரி மதுமிதா என பலரும் நடித்தனர். மாற்றுத்திறனாளியாக நித்யா மேனன் நடித்து பாராட்டைப் பெற்றார். இந்த படம் ஓரளவு வெற்றி பெற்ற நிலையில் வசூலை வாரி குவித்தது. 

காஞ்சனா 3

2019 ஆம் ஆண்டு காஞ்சனா 3 ஆம் பாகம் வெளியானது. இந்த படத்தில் ராகவா லாரன்ஸ், ஓவியா, வேதிகா, கோவை சரளா, தேவதர்ஷினி, சூரி, அனுபமா குமார் உள்ளிட்ட பலரும் நடித்தனர். இந்த படம் சுமாரான வெற்றியை பெற்ற நிலையில் வசூலை அள்ளியது. இதனைத் தொடர்ந்து காஞ்சனா படத்தின் முதல் பாகத்தை இந்தியில் அக்‌ஷய்குமாரை வைத்து லாரன்ஸ் இயக்கி வெற்றி கண்டார். அதேசமயம் ராகவா லாரன்ஸ் பல படங்களில் ஹீரோவாகவும் தன்னை நிலை நிறுத்தி வருகிறார். 

காஞ்சனா 4

இந்நிலையில் காஞ்சனா 4 படம் பற்றிய தகவல் வெளியாகியுள்ளது. அதன்படி ராகவா லாரன்ஸ் தயாரித்து இயக்கும் இப்படத்தின் ஷூட்டிங் செப்டம்பரில் தொடங்கவுள்ளதாக தெரிவிக்கப்பட்டுள்ளது. இப்படத்தில் ஹீரோயினாக மிருணாள் தாகூர் நடிக்கவுள்ளார் என கூறப்படுகிறது.