‛கெட்ட நேரத்தில் தயாரிக்கப்பட்ட உதயா படம்... விஜய் ஒன்று சொன்னார்...’ - நொந்து கொண்ட தயாரிப்பாளர் பிரமிட் நடராஜன்!

உதயா படம் நிறைவடையும் சமயத்தில் இந்தப் படத்தை ஹோல்ட் செய்யுங்கள். எனது வேறொரு படத்தை ரிலீஸ் செய்தால் உங்களுக்கு கொஞ்சம் ரிலாக்ஸாக இருக்குமென விஜய் கூறினார் - பிரமிட் நடராஜன்

பிரமிட் நடராஜன்

விஜய் நடிப்பில் 2004ஆம் ஆண்டு வெளியான படம் உதயா. மணிரத்னத்தின் உதவி இயக்குநரும், தற்போது நடிகராக இருப்பவருமான் அழகம்பெருமாள் இப்படத்தை இயக்கியிருந்தார். அழகம்பெருமாள் டும் டும் டும் படத்தின் இயக்குநரும்கூட.

சிம்ரன், நாசர் உள்ளிட்ட பலர் நடித்திருந்த உதயா படத்துக்கு ஏ.ஆர். ரஹ்மான் இசையமைத்திருந்தார். ஆனால் உதயா படம் எதிர்பார்த்த வெற்றியை பெறவில்லை. இன்னும் சொல்லப்போனால் விஜய்யின் படங்களிலேயே உதயா படம்தான் பெரும் தோல்வியை சந்தித்தது என்ற பேச்சும் கோலிவுட் வட்டாரத்தில் இன்றுவரை உண்டு.

இந்நிலையில் உதயா படத்தை தயாரித்த தயாரிப்பாளரும், நடிகருமான பிரமிட் நடராஜன், சாய் வித் சித்ரா நிகழ்ச்சியில் உதயா படம் குறித்தும், விஜய் குறித்தும் பல்வேறு விஷயங்களை பேசினார்.

அந்த நிகழ்ச்சியில் பேசிய அவர், “ நல்ல நேரம் இருந்தால் நமக்கு நல்லது நடக்கும். உதயா படம் தயாரித்தபோது கெட்ட நேரம் நடந்துவிட்டதுபோல. அப்போது பல விஷயங்கள் ஒழுங்காக நடக்கவில்லை. முதலில் படம் தாமதமானது. அந்த சமயத்தில் விஜய் ஒன்று சொன்னார். அதை நான் கேட்கவில்லை.

உதயா படம் நிறைவடையும் சமயத்தில் இந்தப் படத்தை ஹோல்ட் செய்யுங்கள். எனது வேறொரு படத்தை ரிலீஸ் செய்தால் உங்களுக்கு கொஞ்சம் ரிலாக்ஸாக இருக்குமென என்னிடம் தனிப்பட்ட முறையில் சொன்னார். ஆனால் ஏற்கனவே ஆன தாமதம், பொருளாதார ரீதியாக வந்த அழுத்தங்கள் என எனக்கு வேறு வழியில்லை என விஜய்யிடம் சொன்னேன்.

நல்ல கதையோடும், இசையோடும் உருவான படம் தோல்வியை சந்தித்தது. விஜய் சொன்னதை கேட்காதது எனக்கு அவ்வளவு வருத்தம். இருந்தாலும் அவர் என்னை பார்த்தால் மரியாதையாக பேசுவார்" என்றார்.

மேலும் பேசிய அவர்  "வாலி , வைரமுத்துவுடன் பணியாற்றியிருக்கிறேன். ஆனால் துரதிர்ஷ்டவசமாக கண்ணதாசனோடு பணியாற்ற முடியாமல் போயிற்று. வாலி ஒரு ஜீனியஸ். ராகவேந்திரா திரைப்படத்தின் பாடல் ஒன்றில் ஒரு பல்லவி, மூன்று சரணங்களுக்குள் ராமாயணத்தையே வைத்தார்” என்றார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண  

மேலும் வாசிக்க: Vijay Rolls Royce Issue: முடிவுக்கு வந்தது விஜயின் ரோல்ஸ் ராய்ஸ் கார் விவகாரம்! அதிரடி உத்தரவிட்ட சென்னை உயர் நீதிமன்றம்