Ponniyin Selvan Collection: சரசரவென 100 கோடியை எட்டிய மணிரத்னத்தின் காவியம்..ரெக்கார்ட்களை அடித்து நொறுக்கும் பொன்னியின் செல்வன்!

பொன்னியின் செல்வன் படம் 100 கோடி ரூபாயை வேகமாக வசூல் செய்துள்ளது என லைகா நிறுவனம் அறிவித்துள்ளது

பொன்னியின் செல்வன்

பொன்னியின் செல்வன் திரைப்படம் தமிழகத்தில் ரூ.100 கோடியை எட்டியுள்ளதாக லைகா நிறுவனம் அதிகாரப்பூர்வமாக அறிவித்துள்ளது. 

ரசிகர்களிடம் மிகப்பெரிய எதிர்பார்ப்பை ஏற்படுத்தியிருந்த ‘பொன்னியின் செல்வன்’ திரைப்படம் கடந்த செப்டம்பர் 30 ஆம் தேதி உலகம் முழுக்க 5,500 க்கும் மேற்பட்ட திரையரங்குகளில் வெளியிடப்பட்டது. கல்கியின் ஆகச்சிறந்த படைப்பான ‘ பொன்னியின் செல்வன்’ நாவலை அடிப்படையாக கொண்டு உருவாக்கப்பட்ட இந்தப்படம் நாவலை படித்தவர்கள் மத்தியிலும் சரி, படிக்காதவர்கள் மத்தியிலும் சரி நல்ல வரவேற்பை பெற்று வருகிறது.

இதனிடையே, அண்மையில் இந்தப்படத்தின் வசூல் தொடர்பான விவரங்களை வெளியிட்ட தயாரிப்பு நிறுவனம், முதல் நாளில் உலகம் முழுவதும் 80 கோடி ரூபாயையும், இரண்டாவது நாளில் 150 கோடி ரூபாயையும், மூன்றாவது நாளில் 200 கோடி ரூபாயையும் வசூல் செய்தது என அறிவித்தது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Lyca Productions (@lyca_productions)

இதனை தொடர்ந்து விடுமுறை நாட்கள் வந்ததால் மக்கள் குடும்பம், குடும்பமாக படத்தை காண சென்றனர். இதனால், தமிழ்நாட்டில் திரையிடப்பட்ட அனைத்து காட்சிகளும் ஹவுஸ்புல் ஆனது. மேலும் தமிழ்நாட்டில் மட்டுமே 100 கோடி ரூபாயை இப்படம் வசூல் செய்துள்ளது என்ற தகவல் வந்த நிலையில் பொன்னியின் செல்வன் படமானது தமிழ்நாட்டில் முதல் ஐந்து நாட்களில் 100 கோடி ரூபாயை வேகமாக வசூல் செய்து சாதனை புரிந்துள்ளது என்ற அதிகாரபூர்வ தகவலை லைகா நிறுவனம் வெளியிட்டுள்ளது.

முன்னதாக விக்ரம், கார்த்தி, ஜெயம்ரவி, ஐஸ்வர்யாராய், த்ரிஷா, சரத்குமார், பார்த்திபன், ஐஸ்வர்யா லட்சுமி என ஒரு நட்சத்திரப்பட்டாளமே நடித்திருக்கும் இந்தப்படத்திற்கு பிரபல இசையமைப்பாளர் ஏ.ஆர்.ரஹ்மான் இசையமைத்து இருக்கிறார். இந்தப் படத்தின் பிரோமோஷனின் ஆரம்பமாக படத்தின் ரிலீஸ் தேதி அறிவிக்கப்பட்ட நிலையில், தொடர்ந்து படத்தில் இருந்து போஸ்டர்கள் வெளியிடப்பட்டன. அதனைத்தொடர்ந்து படத்தின் டீசர் வெளியிடப்பட்டது. ஆனால் டீசர் ரசிகர்களை பெரிதாக கவரவில்லை. 

அதனைத்தொடர்ந்து கடந்த செப்டம்பர் 6 ஆம் தேதி படத்தின் இசை மற்றும் ட்ரெய்லர் வெளியீட்டு விழா சென்னை உள்விளையாட்டு அரங்கில் பிரமாண்டமாக நடைபெற்றது.இந்த நிகழ்ச்சியில் தமிழ் திரையுலக ஜாம்பவான்களாக இருக்கும் ரஜினிகாந்த் மற்றும் கமல்ஹாசன் ஆகியோர் கலந்து கொண்டு ட்ரெய்லரை வெளியிட்டனர். இந்த நிகழ்வில் படத்தில் நடித்த கலைஞர்கள் தொழில்நுட்ப கலைஞர்கள் மற்றும் இதர தமிழ் பிரபலங்களும் கலந்து கொண்டனர். அதனைத்தொடந்து பல்வேறு இடங்களுக்கு சென்று பிரோமோஷன் தொடர்பான பணிகளும் படத்தின் மீதான எதிர்பார்ப்பை எகிற வைத்தது குறிப்பிடத்தக்கது.