Ajith Viral Photo: வாழ்கையை கொண்டாடு.. சாந்தமாக பெட்ரோல் போடும் அஜித்.. கொண்டாடித்தீர்க்கும் ரசிகர்கள்..!

நடிகர் அஜித் குமார் தனது பிஎம்டபிள்யூ பைக்கில் பயணம் செய்த புகைப்படங்கள் இணையத்தில் வெளியாகி வைரலாகி வருகிறது.

அஜித்குமார்

நடிகர் அஜித் குமார் தனது பிஎம்டபிள்யூ பைக்கில் பயணம் செய்த புகைப்படங்கள் இணையத்தில் வெளியாகி வைரலாகி வருகிறது.

நடிகர் அஜித் குமார் ஐரோப்பிய நாடுகளில் தனது பிஎம்டபிள்யூ பைக்கில் பயணம் செய்து வருகிறார். அது  தொடர்பான புகைப்படங்கள் நேற்றிலிருந்து சமூக வலைதளங்களில் வைரலாகி வருகிறது. சால்ட் அண்ட் பெப்பர் லுக்கில் நீலக்கலர் ஜாக்கெட்டுடன் கெத்தாக அஜித் போஸ் கொடுக்க, அவரது ரசிகர்கள்  ‘தலடா’ என்று கமெண்டுகளை தட்டி வருகின்றனர். 

 

இந்த நிலையில் அஜித்தின் மேனஜரான சுரேஷ் சந்திரா தனது ட்விட்டர் பக்கத்தில் ஒரு புகைப்படத்தை வெளியிட்டார். அதில், அஜித் பெட்ரோல் பங்கில் தானாகவே பெட்ரோல் போட்டு கொண்டிருக்கிறார். இந்தப்புகைப்படம் தற்போது சமூகவலைதளங்களில் வைரலாகி வருகிறது. 

 

"Fuel up yr passion!!" #AK Motorcycle Diaries @DoneChannel1 pic.twitter.com/sS5cUgj88z

— Suresh Chandra (@SureshChandraa) June 18, 2022

நேர்கொண்ட பார்வை’, `வலிமை’ ஆகிய திரைப்படங்களுக்குப் பிறகு மீண்டும் மூன்றாவது முறையாக நடிகர் அஜித் குமார், இயக்குநர் ஹெச்.வினோத் ஆகியோர் இணைந்து இருக்கின்றனர். இந்தப்படம் ஒரு வங்கிக் கொள்ளையை மையமாக வைத்து எடுக்கப்படுவதாகவும், இதில் அஜித் எதிர்மறையான முக்கிய கதாபாத்திரத்தில் நடித்திருப்பதாகவும் தகவல் வெளியாகியுள்ளது. இந்தப்படத்தின் படப்பிடிப்பு ஹைதராபாத்தில் உள்ள ராமோஜி ராவ் படப்பிடிப்பு தளத்தில் நடைபெற்று வந்தது. 

படத்திற்காக சென்னை அண்ணா சாலையில் பிரமாண்ட செட் அமைக்கப்பட்டிருப்பதாக சொல்லப்படும் நிலையில், அங்கு சில முக்கியமான காட்சிகளை படக்குழு எடுக்கப்போவதாக தெரிகிறது. தற்போது ஒரு சிறிய இடைவேளை எடுத்துக்கொண்டிருக்கும் படக்குழு இராண்டாம் கட்டப்படிப்பிற்காக புனே சென்றிருக்கிறதாம். 3 ஆவது மற்றும் இறுதிக்கட்ட படப்பிடிப்பு சென்னையில் நடக்க இருப்பதாக சொல்லப்படுகிறது.    

முன்னதாக வெளியான வலிமை திரைப்படம் கடுமையான விமர்சனங்களை பெற்ற நிலையில், தற்போது இணைந்திருக்கும் இந்தப்படத்தில் அஜித்தும் வினோத்தும் பெரிய வெற்றியை கொடுத்தே ஆக வேண்டும் என்ற கட்டாயத்தில் இருக்கின்றனர்.