Oscars 2026: 98வது ஆஸ்கர் விருது வழங்கும் விழா எப்போது? - நேரம், நேரலை விவரம் இதோ!

Oscars 2026 Date and Time: உலக சினிமாவின் மிக உயரிய விருதாக ஆஸ்கர் பார்க்கப்படுகிறது. இந்த மிகப்பெரிய விருது விழாவுக்கு உலகமெங்கும் பல்வேறு மொழிகளைச் சார்ந்த சினிமா பிரபலங்கள் பலரும் வருகை தருவார்கள்.

ஆஸ்கர் விருதுகள் 2026

Source : X

2026ம் ஆண்டுக்கான 98வது ஆஸ்கர் அகாடமி விருதுகள் வழங்கும் விழா அமெரிக்காவில் இன்று நடைபெறுகிறது. இந்திய நேரப்படி நாளை அதிகாலையில் அந்நிகழ்ச்சி ஒளிபரப்பாகும் என தெரிவிக்கப்பட்டுள்ளது. 

உலக சினிமாவின் மிக உயரிய விருதாக ஆஸ்கர் பார்க்கப்படுகிறது. இந்த மிகப்பெரிய விருது விழாவுக்கு உலகமெங்கும் பல்வேறு மொழிகளைச் சார்ந்த சினிமா பிரபலங்கள் பலரும் வருகை தருவார்கள். அமெரிக்காவின் லாஸ் ஏஞ்சல்ஸ் நகரில் உள்ள அரங்கில்  அதிகாலை 4:30 மணிக்கு இந்த நிகழ்ச்சி நடைபெறுகிறது.

தொகுப்பாளர் - விருது வழங்குபவர்கள்

தொடர்ச்சியாக 2வது ஆண்டாக அமெரிக்க தொலைக்காட்சி தொகுப்பாளர், நகைச்சுவை நடிகர் மற்றும் எழுத்தாளர் கோனன் ஓ பிரைன் இந்நிகழ்ச்சியை தொகுத்து வழங்கவுள்ளார். மேலும் இந்திய நடிகை பிரியங்கா சோப்ரா, டாம்ரான் ஹால் மற்றும் ஜெஸ்ஸி பால்மர், ஜோ சல்டானா, ராபர்ட் டவுனி ஜூனியர், ஆன் ஹாத்வே, நிக்கோல் கிட்மேன், பெட்ரோ பாஸ்கல், பால் மெஸ்கல், க்வினெத் பேல்ட்ரோ, ஜிம்மி கிம்மல், சேஸ் இன்பினிட்டி, டெமி மூர், குமைல் நஞ்சியானி, டெல்ராய் லிண்டோ, இவான் மெக்ரிகோர், வாக்னர் மௌரா, பில் புல்மேன், லூயிஸ் புல்மேன், சானிங் டாட்டம் மற்றும் சிகோர்னி வீவர் ஆகியோர் விருதுகளை வழங்க தேர்வு செய்யப்பட்டுள்ளார்கள். 

Do you have what it takes to predict this year’s Oscar winners? Play the Oscars Pick’em game for FREE and compete for prizes.

Watch the #Oscars LIVE on Sunday, March 15th, at 7e/4p on ABC and Hulu. #OnlyAtTheOscarshttps://t.co/YczsBrKg55

— The Academy (@TheAcademy) March 13, 2026

நேரலையில் பார்ப்பது எப்படி?

இந்த நிகழ்ச்சியானது ஜியோ ஹாட் ஸ்டார் மற்றும் அகாடமி விருதுகளின் அதிகாரப்பூர்வ யூட்யூப் பக்கத்தில் நேரடியாக ஒளிபரப்பப்படும் என தெரிவிக்கப்பட்டுள்ளது. சிறந்த படம், ஹீரோ, ஹீரோயின், இயக்குநர், துணை நடிகை, சர்வதேச திரைப்படம், அனிமேஷன், ஒரிஜினல் பாடல், ஆவணப்படம், குறும்படம், திரைக்கதை, ஒளிப்பதிவு, பின்னணி இசை, விஷூவல் காட்சிகள், ஆடை வடிவமைப்பு, படத்தொகுப்பு, ஒலிக்கலவை, இசை என பல பிரிவுகளில் விருது வழங்கப்படுகிறது. 

முன்னணி நிலவரம் என்ன?

இந்த ஆஸ்கர் விருது பட்டியலில் சிறந்த படம், இயக்குனர், ஹீரோ, துணை நடிகர் மற்றும் துணை நடிகை உட்பட 16 பிரிவுகளில் ரியான் கூக்லரின் சின்னர்ஸ் படம் இடம் பெற்றுள்ளது. இதேபோல் ஒன் பேட்டில் ஆஃப்டர் அனதர் படம் 13 பிரிவுகளில் விருதுக்கு பரிந்துரை செய்யப்பட்டுள்ளது. ஃபிராங்கண்ஸ்டைன், சென்டிமென்டல் வேல்யூ மற்றும் மார்டி சுப்ரீம் ஆகிய படங்கள் தலா ஒன்பது பிரிவில் தேர்வாகியுள்ளது. இந்த படங்களில் எதற்கு விருது கிடைக்கும் என்ற கேள்வி எழுந்துள்ளது.