Nayanthara Brindha : நயன்தாரா படம்.. சூர்யாவின் தங்கையின் குரல்.. பட்டாசாய் வெளியானது O2 சுவாசமே..

பிருந்தா சிவக்குமாரின் வருடும் குரலில்  “O2” படத்தின் சுவாசமே சுவாசமே பாடலின் லிரிக்கல் வீடியோ வெளியிடப்பட்டுள்ளது.

நயன்தாரா

பிருந்தா சிவக்குமாரின் வருடும் குரலில்  “O2” படத்தின் சுவாசமே சுவாசமே பாடலின் லிரிக்கல் வீடியோ வெளியிடப்பட்டுள்ளது. இந்த லிரிக்கல் வீடியோவுக்கு ரசிகர்கள் மத்தியில் நல்ல வரவேற்பு கிடைத்துள்ளது. இப்படத்தின் டீஸர் அண்மையில் வெளியானது. அது படத்தின் மீதான எதிர்பார்ப்பை அதிகரித்த நிலையில் தற்போது லிரிக்கல் வீடியோ வெளியாகியுள்ளது. இப்படத்தில் இந்த ஒரு பாடல் மட்டும்தான் என்பது குறிப்பிடத்தக்கது.

தமிழின் முன்னணி நாயகியாக வலம் வரும் நயன்தாரா  நடிப்பில், இயக்குநர் விக்னேஷ் GS இயக்கத்தில், ட்ரீம் வாரியர் பிக்சர்ஸ் சார்பில் SR பிரகாஷ் பாபு, SR பிரபு இணைந்து தயாரித்திருக்கும் த்ரில்லர் டிராமா திரைப்படம்  “O2”.  காண்போரின் இதயத்துடிப்பை எகிறவைக்கும் பரபரப்பான த்ரில்லராக இப்படம் உருவாகியுள்ளது. 

ஒரு தாய் தன் 8 வயது மகனுடன் விபத்தில் சிக்கும் ஒரு பேருந்தில் மாட்டிக்கொள்கிறாள். நுரையீரல் பிரச்சனைக்காக  எப்போதும் தன் மகனிடம் இருக்கும் ஆக்ஸிஜன் சிலிண்டரை பேருந்தில் சகபயணிகள் குறிவைக்க தன் மகனை அவள் எவ்வாறு காப்பாற்றுகிறாள் என்பதைப் பரபரப்பாகச் சொல்லும் படம் தான்  “O2”. தமிழ்நாடு , கேரளா இணையும் மலைப்பகுதியில் இக்கதை நடப்பதாக அமைக்கப்பட்டுள்ளது.

இப்படத்தில் தாய் பார்வதியாக நடிகை நயன்தாரா நடிக்க, மகனாக ரித்விக் நடித்துள்ளார். இவர்களுடன் லீணா, RNR மனோகர், ஆடுகளம் முருகதாஸ், ஜாஃபர் இடுக்கி ஆகியோர் நடித்துள்ளனர்.  

இயக்குநர் விக்னேஷ் GS எழுதி இயக்கியுள்ள இப்படத்திற்கு, விஷால் சந்திரசேகர் இசையமைத்துள்ளார். தமிழ் A அழகன் ஒளிப்பதிவு செய்துள்ளார். செல்வா RK படத்தொகுப்பாளராக பணியாற்றியுள்ளார். ட்ரீம் வாரியர் பிக்சர்ஸ் சார்பில் SR பிரகாஷ் பாபு, SR பிரபு இணைந்து இப்படத்தைத் தயாரித்துள்ளனர். 

She is here, and she is ready to take your breath away. #LadySuperstar #Nayanthara stars in O2. #DisneyPlusHotstarMultiplex presents O2 - Coming soon in Tamil, Telugu, Kannada and Malayalam. #O2onHotstar pic.twitter.com/Bnargh76EW

— Disney+ Hotstar (@DisneyPlusHS) May 16, 2022

இந்தத் திரைப்படம் தமிழ், தெலுங்கு,கன்னடா, மலையாளம் உள்ளிட்ட மொழிகளில் வெளியாக உள்ளது. இந்தத் திரைப்படத்திற்கான படப்பிடிப்பு கடந்த ஆண்டு முடிவடைந்தது. 

ரசிகர்களை இருக்கை நுனியில் இருத்தி வைக்கும், பரபரப்பான பொழுதுபோக்கு த்ரில்லர் டிராமாவாக உருவாகியுள்ள இப்படம், விரைவில் டிஸ்னி+  ஹாட்ஸ்டார் தளத்தில் பிரத்யேகமாக ஒளிபரப்பாகவுள்ளது.