Maanaadu: தம்பி சிம்பு பிச்சுட்டான்.. மாஸ் மாநாடு.. புகழ்ந்து தள்ளிய சீமான்
பொதுப்புத்தியில் கட்டமைக்கப்பட்டிருக்கும் தவறானப் பிம்பத்தை தகர்த்தெரியும் விதத்திலான வசனங்களையும், காட்சிகளையும் படத்தின் கருப்பொருளாக அமையச் செய்திருப்பது இத்திரைப்படத்தின் சிறப்பு.
சமகாலத்திற்குத் தேவையான அரசியலைப் மாநாடு பேசியுள்ளதாக நாம் தமிழர் கட்சி தலைவர் சீமான் கூறியுள்ளார்.
இது குறித்து அவர் வெளியிட்டு இருக்கும் அறிக்கையில், “ சிலம்பரசன் நடிப்பில் வெளியான ‘மாநாடு’ திரைப்படத்தை பார்த்தேன். மதத்தால் மக்களைப் பிரித்தாளும் சூழ்ச்சி சமகாலத்தில் ஆளும் வர்க்கத்தால் நாளும் அரங்கேற்றப்படும்போது, அதனை வெகுமக்களுக்கு உணர்த்தும் சுவைமிக்கக் கலைப்படைப்பாக இத்திரைப்படத்தைத் தந்திருக்கிறார் தம்பி வெங்கட்பிரபு.
இசுலாமிய மக்கள் குறித்துப் பரப்பப்படும் கற்பிதங்களைக் கேள்விக்குள்ளாகி, கோவை கலவரத்தில் அவர்களுக்கு இழைக்கப்பட்ட அநீதியைப் போகிறபோக்கில் பேசி, அவர்கள் குறித்துப் பொதுப்புத்தியில் கட்டமைக்கப்பட்டிருக்கும் தவறானப் பிம்பத்தை தகர்த்தெரியும் விதத்திலான வசனங்களையும், காட்சிகளையும் படத்தின் கருப்பொருளாக அமையச் செய்திருப்பது இத்திரைப்படத்தின் சிறப்பு.
View this post on Instagram
எனது தம்பி சிலம்பரசன் அவர்கள் தனது துடிப்பான நடிப்பாற்றலாலும், மக்களின் மனம்கவரும் வகையிலான தனித்துவமிக்க திரைமொழி ஆளுகையினாலும், நுட்பமான உடல்மொழியாலும், உயிரோட்டமான வசன உச்சரிப்புகளாலும் மீண்டுமொரு முறை முத்திரைப் பதித்திருக்கிறார். அன்புச் சகோதரன் எஸ்.ஜே.சூர்யா அவர்கள் எதிர்மறை கதாபாத்திரத்தைத் ஏற்றிருந்தாலும் தனக்கே உரித்தான மொழி நடையாலும், எவரையும் சுண்டியிழுக்கும் வகையிலான அளப்பெரும் நடிப்புத்திறனாலும் படத்தினையே தாங்கி நிற்கிறார். அவர் தொடர்பான காட்சிகள் அனைத்தையுமே ரசித்தேன். இப்படி ஒரு படத்தை தயாரித்த சுரேஷ் காமாட்சியை எவ்வளவு பாராட்டினாலும் தகும்.
நானே வெற்றிபெற்றதாக எண்ணிப் பெருமிதம் கொள்கிறேன்! இப்படைப்புக்காக உழைத்திட்ட அத்தனை பேருக்கும் எனது வெற்றி வாழ்த்துகளையும், உளப்பூர்வமான பாராட்டுக்களையும் தெரிவித்துக்கொள்கிறேன்!” என்று குறிப்பிட்டுள்ளார்.
மேலும் படிக்க:
”இதெல்லாம் எனக்கு கொரோனா கற்றுக்கொடுத்ததுங்க" : பூமிகா கொடுக்கும் லைஃப் அட்வைஸ்..#BhumikaChawlahttps://t.co/JgWUJlL8Wh
— ABP Nadu (@abpnadu) November 30, 2021Watch Video : அச்சு அசல் கபில்தேவ்.. மிரட்டும் ரன்வீர்.. அசத்தும் தீபிகா..வெளியானது 83 ட்ரெய்லர்#WatchVideo #83 #Kapildev #DeepikaPadukone #RanveerSinghhttps://t.co/pkoCokc1yn
— ABP Nadu (@abpnadu) November 30, 2021
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
