Vasco Da Gama Ott Release : ஒரே நேரத்தில் இரண்டு ஓடிடி தளங்களில் வெளியாகிய நகுலின் வாஸ்கோடகாமா

நகுல் நடித்து கடந்த ஆகஸ்ட் மாதம் திரையரங்குகளில் வெளியாகிய வாஸ்கோடகாமா படம் தற்போது ஒரே நேரத்தில் இரு ஓடிடி தளங்களில் வெளியாகி உள்ளது

வாஸ்கோடகாமா , நகுல்

Source : Twitter

 நடிகர் நகுல் 

ஷங்கர் இயக்கிய பாய்ஸ் படத்தில் அறிமுகமானார் நடிகர் நகுல். 2008 ஆம் ஆண்டு வெளியான காதலில் விழுந்தேன் படம் நகுலை நாயகனாக தமிழ் சினிமாவிற்கு அறிமுகப் படுத்தியது. இதனைத் தொடர்ந்து மாசிலாமணி , வல்லினம்,  தமிழுக்கு எண் ஒன்றை அழுத்தவும், நான் ராஜாவாக போகிறேன் உள்ளிட்ட படங்களில் நடித்தார். 15 ஆண்டுகளுக்கும் மேலாக சினிமாவில் இருக்கும் நகுல் திரைத்துறையில் பெரிய வெற்றிப் படத்திற்காக காத்திருக்கிறார்.

நகுல் நடித்து நீண்ட நாட்களாக வெளியாகாமல் கிடப்பில் இருந்த வாஸ்கோடகாமா படம் கடந்த ஆக்ஸ்ட் 2 ஆம் தேதி வெளியானது. இப்படத்தில்  நகுல், கே.எஸ். ரவிக்குமார், மன்சூர் அலிகான், முனிஷ்காந்த், ரெடின் கிங்ஸ்லி, பிரேம்குமார், டி.எம். கார்த்திக், படவா கோபி, நமோ நாராயணா, ரவி மரியா மற்றும் பலர்  நடித்துள்ளார்கள். அறிமுக இயக்குநர் ஆர்.ஜி கிருஷ்ணன் இப்படத்தை இயக்கியுள்ளார். அருண் என்.வி இப்படத்திற்கு இசையமைத்துள்ளார். என்.எஸ் சதீஷ் குமார் ஒளிப்பதிவு செய்துள்ளார். இப்படம் நகுலுக்கு கம்பேக் படமாக அமையும் என்று எதிர்பார்க்கப்பட்ட நிலையில் இப்படமும் பெரியளவில் கவனம் பெறாமல் போனது. 

இரு ஓடிடி தளங்களில் வெளியாகிய வாஸ்கோடகாமா

The Hilarious Entertainer for this weekend has arrived 💥

Gather up your family and friends for #VascoDaGama Now Streaming on @PrimeVideoIN & @ahatamil @director_rgk @5656Production @Dhananjayang @CreativeEnt4 @ksravikumardir @Sathishmarx90 @_nvmusic @Exepro_Gopinath pic.twitter.com/gVq6JUsgmB

— Nakkhul (@Nakkhul_Jaidev) September 6, 2024

தற்போது நகுல் டி- 3 இயக்குநர் பாலாஜி இயக்கத்தில் “ தி டார்க் ஹெவன் ‘ என்கிற ஹாரர் படத்தில் நடித்து வருகிறார். இந்நிலையில் நகுல் நடித்த வாஸ்கோடகாமா படம் ஒரே இரு நேரத்தில் இரு ஓடிடி தளங்களில் வெளியாகியுள்ளது. திரையரங்கிலே பெரியளவில் கவனம் பெறாத நிலையில் இப்படத்திற்கு ஓடிடி ரிலீஸ் கிடைக்குமா என்கிற சந்தேகம் இருந்து வந்தது. ஆனால் இப்படம் ஒரே நேரத்தில் அமேசன் பிரைம்  மற்றும் ஆஹா தமிழ் ஓடிடி தளங்களில் வெளியாகியுள்ளது ஆச்சரியத்தை ஏற்படுத்தியுள்ளது. 

---

மேலும் படிக்க : Nivin Pauly: வெளியானது முக்கிய ஆதாரம்! நிவின் பாலி மீதான பாலியல் குற்றச்சாட்டில் புது ட்விஸ்ட் - சூடுபிடிக்கும் விசாரணை