Naane Varuven First Single: யுவன் - செல்வா மேஜிக்! லேட்டானாலும் லேட்டஸ்ட்தான்.. வெளியானது 'நானே வருவேன்' ஃபர்ஸ்ட் சிங்கிள்!

துள்ளுவதோ இளமை, காதல் கொண்டேன், புதுப்பேட்டை, மயக்கம் என்ன ஆகிய படங்களை தொடர்ந்து செல்வராகவன் - தனுஷ் கூட்டணி 5வது முறையாக இணைந்துள்ள படம் “நானே வருவேன்”.

நானே வருவேன் பட போஸ்டர்

தனுஷ் நடித்துள்ள நானே வருவேன் படத்தின் முதல் பாடல் வெளியாகி ரசிகர்களை பெரிதும் கவர்ந்துள்ளது. 

துள்ளுவது இளமை, காதல் கொண்டேன், புதுப்பேட்டை, மயக்கம் என்ன ஆகிய படங்களை தொடர்ந்து செல்வராகவன் - தனுஷ் கூட்டணி 5வது முறையாக இணைந்துள்ள படம் “நானே வருவேன்”. கிட்டதட்ட 14  ஆண்டுகளுக்குப் பின் இந்த கூட்டணியுடன் யுவனின் இசையும் இணைந்துள்ளதால் ரசிகர்களுக்கு பட அறிவிப்பு குறித்து வெளியாகும் போதே பெரும் எதிர்பார்ப்பு ஏற்பட்டது.

நீங்கள் மிக ஆவலுடன் எதிர்பார்த்துக்கொண்டிருக்கும் #NaaneVaruven படத்தின் முதல் lyrical video #வீராசூரா இன்னும் சில மணிநேரங்களில். @dhanushkraja @selvaraghavan @thisisysr @omdop @Rvijaimurugan @saregamasouth pic.twitter.com/SH1JHJjWZU

— Kalaippuli S Thanu (@theVcreations) September 7, 2022

கலைப்புலி எஸ். தாணு தயாரிக்கும் இப்படம் குறித்து அவ்வப்போது அப்டேட்டுகளோடு புதுப்புது போஸ்டர்களும் வெளிவருவது வழக்கம். இந்தப் படத்தின் நாயகியாக இந்துஜா நடித்து வரும் நிலையில் படப்பிடிப்பு முடிவடைந்து போஸ்ட் புரொடக்‌ஷன்ஸ் பணிகள் நடைபெற்று வருகிறது. அதன்படி கடந்த ஜூலை 13 ஆம் தேதி படத்தின் டப்பிங் பணிகள் தொடங்கிய நிலையில், ஜூலை 27 ஆம் தேதி தனுஷின் பிறந்தநாளையொட்டி ஃபர்ஸ்ட் லுக் போஸ்டர் வெளியானது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Selvaraghavan (@selvaraghavan)

இதனிடையே நானே வருவேன் படம் விரைவில் தியேட்டர்களில் வெளியாகும் என புதிய இரு போஸ்டர்களோடு  கடந்த வாரம் அப்டேட் வெளியானது. இதனைத் தொடர்ந்து யுவனின் பிறந்தநாளன்று புது போஸ்டரோடு விரைவில் அப்டேட் வெளியாகும் என அறிவிக்கப்பட்டது. இதற்கிடையில் நானே வருவேன் படத்தின் முதல் பாடல் செப்டம்பர் 7 ஆம் தேதி வெளியாகும் என கலைப்புலி எஸ். தாணு அறிவித்திருந்தார். அதன்படி "வீரா சூரா” என தொடங்கும் பாடல் மாலை 4.40 மணிக்கு வெளியாகும் என எதிர்பார்த்த ரசிகர்களுக்கு ஏமாற்றமே மிஞ்சியது.

கிட்டதட்ட 20 நிமிடங்கள் தாமதமாகவே பாடல் வெளியானது. இப்பாடலை கேட்ட ரசிகர்கள் சூப்பராக உள்ளதாக சமூக வலைத்தளங்களில் கருத்து தெரிவித்து வருகின்றனர்.