GV Prakash: சைந்தவியுடன் பேசிதான் பிரிந்தேன்.. ஆதாரமில்லாமல் என்னனாலும் சொல்லலாமா? - கடுப்பான ஜி.வி.பிரகாஷ்!

இருவரும் பரஸ்பரம் ஒப்புக்கொண்டு பிரிந்ததன் பின்னணியையும், காரணங்களையும் என்னுடன் நெருங்கிய பழகிய நண்பர்கள், உறவினர்கள் நன்கறிவார்கள்.

சைந்தவி - ஜி.வி.பிரகாஷ்குமார்

தனிநபரின்" வாழ்க்கையை பாதிக்கும் என்பதை உணராத அளவுக்கு தமிழர் மாண்பு குறைந்து விட்டதா...? என இசையமைப்பாளர் ஜி.வி.பிரகாஷ் பரபரப்பு அறிக்கை ஒன்றை வெளியிட்டுள்ளார். 

இசையமைப்பாளர் ஜி.வி.பிரகாஷ்குமாரும், பாடகி சைந்தவியும் காதலித்து கடந்த 2013 ஆம் ஆண்டு திருமணம் செய்துக் கொண்டனர். இந்த தம்பதியினருக்கு ஒரு குழந்தை இருக்கும் நிலையில், ஜி.வி.பிரகாஷ்குமார் தற்போது படங்களுக்கு இசையமைப்பதோடு, ஹீரோவாகவும் நடித்து வருகிறார். இப்படியான நிலையில் தம்பதியினர் இருவருக்கும் இடையே சமீபகாலமாக கருத்து வேறுபாடு நிலவி வருவதாக தகவல் பரவி வந்தது. 

இப்படியான நிலையில் ஜி.வி.பிரகாஷ் குமார், சைந்தவி ஆகிய இருவரும் நேற்று முன்தினம் இரவில் (ஜூன் 13) தாங்கள் பரஸ்பரம் பிரிவதாக அறிவித்தனர். இதற்கு என்ன காரணம் என பலரும் பலவிதமாக சமூக வலைத்தளங்களில் கருத்துகளை பதிவிட்டனர். இதற்கு எதிர்ப்பு தெரிவித்து ஜி.வி.பிரகாஷ், சைந்தவி ஆதரவு கருத்துகளை அவரது ரசிகர்கள் பதிவிட்டனர். நேற்று சமூக வலைத்தளங்கள் முழுக்க முழுக்க இவர்கள் பற்றிய பேச்சுகளாக தான் இருந்தது. 

pic.twitter.com/FI5pnEOblL

— G.V.Prakash Kumar (@gvprakash) May 15, 2024

இந்நிலையில் ஜி.வி.பிரகாஷ் குமார் வெளியிட்டுள்ள பதிவில், “புரிதலும், போதுமான விவரங்கள் இல்லாமலும் அனுமானத்தின் பேரில் இரு மனங்கள் இணைவது, பிரிவது குறித்து பொதுவெளியில் விவாதிக்கப்படுது துரதிஷ்டவசமானது.பிரபலமான நபராக இருப்பதாலே ஒருவரின் தனிப்பட்ட வாழ்விற்குள் அத்துமீறி நுழைந்து தரம் தாழ்ந்த விமர்சனங்கள் வைப்பதும் ஏற்புடையதல்ல. தங்களின் கற்பனைக்கு வார்த்தைகள் மூலம் வடிவம் கொடுத்து சமூக ஊடகங்களில் வெளிப்படுத்துவதால் அது "யாரோ ஒரு தனிநபரின்" வாழ்க்கையை பாதிக்கும் என்பதை உணராத அளவுக்கு தமிழர் மாண்பு குறைந்து விட்டதா...?

இருவரும் பரஸ்பரம் ஒப்புக்கொண்டு பிரிந்ததன் பின்னணியையும், காரணங்களையும் என்னுடன் நெருங்கிய பழகிய நண்பர்கள், உறவினர்கள் நன்கறிவார்கள். அனைவரிடமும் கலந்தாலோசித்து பின்புதான் இருவரும் இந்த முடிவை மேற்கொண்டோம். எங்களை பிரபலங்களாக உருவாக்கிய உரிமையிலோ அல்லது என் தனிப்பட்ட வாழ்க்கை மீது தங்களுக்கு இருந்த பேரன்பின் வெளிப்பாடாகவோ தங்களின் ஆதங்கமான விமர்சனங்கள் இருந்தாலும் சம்பந்தப்பட்டவர்களின் மனதை அது மிகவும் காயப்படுத்துகிறது என்பதை உணர்த்தவே இதை பதிவிடுகிறேன். ஒவ்வொரு தனி மனிதரின் நியாயமான உணர்வுக்கும் மதிப்பளியுங்கள் தங்களின் பேரன்புக்கும் ஆதரவுக்கும் என் நெஞ்சார்ந்த நன்றி” என தெரிவித்துள்ளார்.