Maaveeran Third Single: சிவகார்த்திகேயன் ரசிகர்களுக்கு ஹேப்பி நியூஸ். ’வா வீரா!’ - மாவீரன் மூன்றாவது பாடல் நாளை ரிலீஸ்!

Maaveeran Third Single: சிவகார்த்திகேயன், அதிதி சங்கர் நடித்து பெரும் எதிர்பார்ப்பை ஏற்படுத்தியுள்ள ‘மாவீரன்’ திரைப்படத்தின் மூன்றாவது பாடல் நாளை (07/07/2023) வெளியாகிறது. 

மாவீரன் மூன்றாவது பாடல்

சிவகார்த்திகேயன், அதிதி சங்கர் நடித்து பெரும் எதிர்பார்ப்பை ஏற்படுத்தியுள்ள ‘மாவீரன்’ திரைப்படத்தின் மூன்றாவது பாடல் நாளை (07/07/2023) வெளியாகிறது. 

இந்தத் திரைப்படத்தின் தயாரிப்பு நிறுவனமான சாந்தி டாக்கீஸ் தனது டிவிட்டர் பக்கத்தில் இது தொடர்பான அறிவிப்பினை வெளியிட்டுள்ளது. 

மூன்றாவது பாடல்: 

’மாவீரன்’ திரைப்படத்தின் ட்ரெயிலர் சமீபத்தில் வெளியாகி ரசிகர்களிடம் எதிர்ப்பார்த்தை அதிகப்படுத்தியுள்ளது. சிவகார்த்திகேயன் மேலா பார்க்கும்போது, அவருக்குள் ஏதோ மாற்றம் ஏற்பட்டுவிடுவது போல அமைந்திருந்த்து. ‘எமனே தவறு செய்தாலும் தட்டிக் கேட்பேன்’ என்ற வசனம் இருந்தது. சிவகார்த்திகேயன் பத்திரிகை நிறுவனம் ஒன்றில் கார்டூன் வரையும் பணியை செய்கிறார். அதனால், எழும் சிக்கல்கள் சார்ந்து கதை நகர்கிறது. அதிதி சிவகார்த்திகேயனுடன் பணிபுரிகிறார். சரிதா சிவகார்த்திகேயன் அம்மாவாக வருகிறார். ட்ரெய்லரின் சில ஷாட்களில் பிறரிடம் அடி வாங்கும் சிவகார்த்திகேயன், பின்னர், திருப்பி அடிக்கிறார். இந்த ட்ரெயிலரில் சிவகார்த்திகேயனுக்கு திடீரென மேலே பார்த்ததும் என்ன நடக்கிறது? என்பது குறித்து கேள்விகளை எழுப்பியுள்ளது. 

சிவகார்த்திகேயன் நடித்த ப்ரின்ஸ் படம் வெளிவந்ததா என்பது அவரது ரசிகர்களுக்கே பெரிய கேள்வி. இந்நிலையில், சிவகார்த்திகேயனின் மாவீரன் திரைப்படம்  வரும் ஜூலை 14- ஆம் தேதி பெரும் எதிர்பார்ப்புகளுக்கு மத்தியில் படம் வெளியாக உள்ளது. 

மண்டேலா திரைப்படத்தை இயக்கிய மடோன் அஸ்வின் இயக்கியிருக்கும் அடுத்த திரைப்படம் மாவீரன். மாவீரன் படத்துக்கு பரத் சங்கர் இசையமைத்துள்ள நிலையில், இப்படத்தின் இரண்டு பாடல்கள் அண்மையில் வெளியாகி நல்ல வரவேற்பைப் பெற்றன. முதல் பாடல் சீனா. சீனா.. இதில் இரண்டாவது பாடலான ‘வண்ணாரப்பேட்டையில’ பாடலை சிவகார்த்திகேயன் - அதிதி சங்கர் இருவரும் இணைந்து பாடியுள்ளனர்.. மேலும் இப்படத்தின் டைட்டில் டீசரும் முன்னதாக வெளியாகி நல்ல வரவேற்பைப் பெற்றது. 'எதிர்த்து நின்றான்' எனும் கேப்ஷனுடன் சிவகார்த்திகேயன் படங்களுடன் கூடிய காமிக்ஸ் வரைபடங்களும் இந்த டீசரில் காணப்பட்டன. இப்படத்தின் ஓடிடி உரிமையை அமேசான் ப்ரைம் நிறுவனம் கைப்பற்றியுள்ளது. தொலைக்காட்சி உரிமத்தை சன் டிவி பெற்றுள்ளது.  இந்நிலையில் மாவீரன் படத்தின் மூன்றாவது பாடல் நாளை வெளியாக உள்ளது.மாவீரன் படத்தின் தமிழ்நாட்டு வெளியீட்டு உரிமையை, உதயநிதி ஸ்டாலினுக்கு சொந்தமான ரெட் ஜெயண்ட் மூவிஸ் பெற்றுள்ளதாக தெரிவிக்கப்பட்டுள்ளது.

மாவீரன் ப்ரீ-ரிலீஸ் விழா:

இப்படத்தின் ப்ரீ ரிலீஸ் விழா வரும் ஜூலை 2-ம் தேதி சென்னை, தாம்பரத்தில் உள்ள சாய் கல்லூரியில் பிரம்மாண்டமான முறையில் நடைபெற்றது.சிவகார்த்திகேயன், அதிதி, மிஷ்கின், யோகிபாபு, சரிதா ஆகியோரின் ஆஃப்ஸ்க்ரீன் காட்சிகள் இதில் இடம்பெற்றுள்ளன.  இதற்கான முன்னோட்ட வீடியோ இணையத்தில் வெளியாகி வைரலானது.

மாறிய வெளியீட்டு தேதி:

மாவீரன் ஆகஸ்ட் 11 ஆம் தேதி வெளியாகவுள்ளதாக ஏற்கனவே அதிகாரப்பூர்வமாக அறிவிக்கப்பட்டது. ஆனால், பல்வேறு காரணங்களால் அப்படத்தின் வெளியீட்டு தேதி மாற்றப்பட்டு, தற்போது முன்கூட்டியே ஜுலை 14ம் தேதி வெளியாகும் என தெரிவிக்கப்பட்டுள்ளது

சிவகார்த்திகேயன் அடுத்த புராஜெக்ட்:

மாவீரன் படத்தை தொடர்ந்து ராஜ்குமார் பெரியசாமி இயக்கத்தில் கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனத்தின் தயாரிப்பில் எஸ்.கே. 21 என தற்காலிகமாக பெயரிடப்பட்டுள்ள படத்தில் நடித்து வருகிறார் சிவகார்த்திகேயன். ஜி.வி.பிரகாஷ் இசையமைக்கும் இப்படத்தில் எஸ்.கேக்கு ஜோடியாக முதல் முறையாக இணைகிறார் நடிகை சாய் பல்லவி.  

---