இயக்குநரை வலைபோட்டு தேடும் அண்ணாச்சி.. அடுத்த ரவுண்டுக்கு ப்ளான்! - நெஸ்ட் மூவி அப்டேட்!
Legend Saravanan: லெஜெண்ட் சரவணன் அடுத்த படத்திற்கு தயாராகிவிட்டார். பலரிடமும் நல்ல கதை இருக்கிறதா என்று கேட்டு வருகிறார். டைரக்டர் மாட்டும் தான் இன்னும் கிடைக்கவில்லை. யாரு அந்த அதிர்ஷ்டசாலி.
Legend Saravanan Next Movie update: அண்ணாச்சி உங்களுக்கு என்னாச்சி... அடுத்த படத்திற்கு தயாராகும் லெஜெண்ட் சரவணன்
சென்னையின் அடையாளமாக மாறிவிட்ட ஒரு ஸ்தாபனம் சரவணா ஸ்டோர்ஸ். அப்படி ஒரு அடையாளத்தை உருவாக்கிய ஸ்தாபனத்தின் ஒரு பிரிவான லெஜெண்ட் சரவணா ஸ்டோர்ஸின் உரிமையாளரான லெஜெண்ட் சரவணனின் நீண்ட நாள் கனவு சமீபத்தில் நிறைவேறியது.
நடிப்பில் இருந்த ஆர்வம் :
ஒரு பெரிய தொழில் அதிபராக இருந்தாலும் ஒரு படத்தில் நடிக்க வேண்டும் என்ற அவரது ஆசை நிறைவேறியது. பெரும் பொருட்செலவில் உருவாக்கப்பட்ட திரைப்படம் "லெஜெண்ட்". ஆனால் இப்படத்தில் நடித்ததற்காக பெரும் அளவில் சமூகவலைத்தளங்களில் ட்ரோல் செய்யப்பட்ட ஒரு நடிகர் லெஜெண்ட் சரவணன். ஆனால் வேறு எந்த ஒரு நடிகருக்கும் இல்லாத ஓப்பனிங் இவருக்கு இருந்தது என்பது ஒரு மறுக்க முடியாத ஒரு விஷயம். தமிழ்நாட்டில் மட்டுமே சுமார் 6 கோடி ரூபாய்க்கு மேல் வசூலை ஈட்டியுள்ளது "லெஜெண்ட்" திரைப்படம் என கூறப்படுகிறது. இருப்பினும் அண்ணாச்சியின் நடிப்பு, மேக் அப் என அனைத்தும் கிண்டலும் கேலியுமாய் பேசப்பட்டாலும் ஒரு சில திரை விமர்சனங்கள் படத்தில் தொழில்நுட்பம் சிறப்பாக இருத்தது என குறிப்பிட்டுள்ளன. அவரின் நடிப்பு பற்றி விமர்சனங்கள் இருந்தாலும் கூட இவர் அடுத்து என்ன செய்ய போகிறார், யாருடைய இயக்கத்தில் நடிக்க போகிறார் என்பதை பற்றி எல்லாம் நிறைய பேச்சுகள் சினிமா வட்டாரத்தில் பேசப்பட்டு வருகின்றன.
அண்ணாச்சியை இயக்க போகும் தொலைக்காட்சி நிறுவனம்:
லெஜெண்ட் சரவணான் சுமார் 30 - 40 கோடி ருபாய் செலவு செய்து இப்படத்தை தயாரித்தார். இவரை வைத்து யார் அத்தனை பெரிய தொகை செலவில் படம் எடுப்பார்கள் என்ற கேள்விகளுக்கு தற்போது விடை ஒன்று கிடைத்துள்ளது. ஆம் அவருக்கு ஒரு தயாரிப்பாளர் கிடைத்துள்ளார். நீங்கள் இந்த படத்திற்காக இவ்வளவு செலவு செய்தது சரியில்லை. செலவை கொஞ்சம் குறைத்து கரெக்டான ஒரு பட்ஜெட்டில் ஒரு தரமான படத்தில் நீங்கள் நடிக்கலாம். கிட்டத்தட்ட 6 கோடி ருபாய் வசூல் செய்து விட்டீர்கள். அப்படி என்றால் உங்களுக்கென்று ஒரு தனி ரசிகர் பட்டாளம் இருக்கிறது. அவர்கள் நிச்சயம் உங்கள் படத்தை ரசிப்பார்கள் அது ஒரு வெற்றிப்படமாக அமையும் என்றுள்ளார் அந்த தயாரிப்பாளர்.
Last one uhh🥲#Legendsaravanan @ #Suriya42 pic.twitter.com/hlgoHvURT6
— 𝘚𝘢𝘮𝘶𝘦𝘭 𝘨𝘢𝘳𝘤𝘪𝘢🦋 (@adj657) August 21, 2022
தயாரிப்பாளருக்கே தயாரிப்பாளரா:
லெஜெண்ட் சரவணனே ஒரு பெரிய தயாரிப்பாளர் அவருக்கு யாருடா படம் தயாரிக்கிறேன் என்று சொன்னது என்பது தானே உங்கள் கேள்வி. அது ஒரு தொலைக்காட்சி நிறுவனம். விஜய் தொலைக்காட்சி நிறுவனம் தான் அந்த தயாரிப்பாளர். படத்திற்கான பட்ஜெட் எல்லாம் முடிவாகிவிட்டதாம். மேலும் லெஜெண்ட் படத்தில் பணிபுரிந்த தொழில்நுட்ப கலைஞர்களிடம் உங்களிடம் நல்ல கதை இருத்தல் சொல்லுங்கள் என்ற அளவிற்கு அடுத்த கட்டத்திற்கு நகர்ந்துள்ளது. ஆனால் டைரக்டர் மட்டும் இன்னும் முடிவாகவில்லை. கூடிய விரைவில் ஒரு இயக்குனருக்கு லக் அடிக்க போகிறது ஆனால் அந்த அதிர்ஷ்டசாலி யார் என்பது தான் இன்னும் முடிவாகவில்லை.
லெஜெண்ட் சரவணன் அண்ணாச்சி அடுத்த ரவுண்டு வர முடிவு எடுத்துவிட்டார். திரை ரசிகர்களை ஆவலாக காத்திருங்கள்.
தலைப்பு செய்திகள்
ட்ரெண்டிங் செய்திகள்
