ஓடிடியில் வெளியாகும் காதலிக்க நேரமில்லை...

கிருத்திகா உதயநிதி இயக்கத்தில் ஜெயம் ரவி நித்யா மேனன் நடித்துள்ள காதலிக்க நேரமில்லை நெட்ஃப்ளிக்ஸ் ஓடிடி தளத்தில் வெளியாக இருக்கிறது

காதலிக்க நேரமில்லை

Source : Twitter

காதலிக்க நேரமில்லை

கிருத்திகா உதயநிதி இயக்கத்தில் ஜெயம் ரவி , நித்யா மேனன் நடித்துள்ள படம் காதலிக்க நேரமில்லை. யோகி பாபு · லால் · வினய் ராய் · டி.ஜே. பானு · ஜான் கொக்கன் · வினோதினி வைத்திநாதன் · லக்ஷ்மி ராமகிருஷ்ணன் உள்ளிட்ட பிற நடிகர்களும் இப்படத்தில் நடித்துள்ளார்கள். ஏ. ஆர் ரஹ்மான் இப்படத்திற்கு இசையமைத்துள்ளார். இப்படம் கடந்த ஜனவரி 14 ஆம் தேதி பொங்கலை முன்னிட்டு திரையரங்கில் வெளியானது. 

வணக்கம் சென்னை படத்தின் மூலமாக இயக்குநராக ரசிகர்களை கவர்ந்தார் கிருத்திகா உதயநிதி. காதல் மட்டுமில்லாமல்  , குடும்பம் , குழந்தை வளர்ப்பு தொடர்பாக இன்றைய தலைமுறையினர் எதிர்கொள்ளும் பல பிரச்சனைகளை காதலிக்க நேரமில்லை படத்தில் பேசியுள்ளார் கிருத்திகா உதயநிதி . ஜெயம் ரவி நடித்த அடுத்தடுத்த படங்கள் பெரியளவில் கவனம் பெறாத நிலையில் இந்த படம் அவருக்கு ஒரு நல்ல வெற்றியை பதிவு செய்தது. ஏ.ஆர் ரஹ்மானின் இசை படத்திற்கு கூடுதல் பலமாக அமைந்தது. திரையரங்கில் வெற்றி நடைபோட்ட காதலிக்க நேரமில்லை படத்தின் ஓடிடி ரிலீஸ் தேதி தற்போது வெளியாகியுள்ளது

காதலிக்க நேரமில்லை ஓடிடி ரிலீஸ்

ஃநெட்ஃப்ளிக்ஸ் இப்படத்தின் ஓடிடி ரிலீஸ் உரிமத்தை வாங்கியுள்ளது. அதன்படி வரும் பிப்ரவரி 11 ஆம் தேதி இப்படம் ஓடிடி தளத்தில் வெளியாக இருப்பதாக அதிகாரப்பூர்வ அறிவிப்பு வெளியாகியுள்ளது. தமிழ் , தெலுங்கு , இந்தி , மலையாளம் , கன்னடம் உள்ளிட்ட மொழிகளில் இப்படம் வெளியாக உள்ளது. 

⁠Kadhalargal gavanathirkku 👀💕… kadhalikka neram odhikkirunga, yaena…
Kadhalikka Neramillai is coming soon to Netflix on 11 February, in Tamil, Telugu, Malayalam, Kannada and Hindi!#KadhalikkaNeramillaiOnNetflix pic.twitter.com/nuAQsDsjy9

— Netflix India South (@Netflix_INSouth) February 6, 2025