Jayam ravi: ரசிகர் மன்ற நிர்வாகிகளுக்கு இன்சூரன்ஸ்.. நடிகர் ஜெயம்ரவியின் அசத்தல் முன்னெடுப்பு!

ஜெயம்ரவி தனது ரசிகர் மன்ற நிர்வாகிகளுக்கு காப்பீட்டு திட்டத்தை கட்டாய திட்டமாக செயல்படுத்த போவதாக தெரிவித்து இருக்கிறார். 

ஜெயம் ரவி

ஜெயம்ரவி தனது ரசிகர் மன்ற நிர்வாகிகளுக்கு காப்பீட்டு திட்டத்தை கட்டாய திட்டமாக செயல்படுத்த போவதாக தெரிவித்து இருக்கிறார். 

இது குறித்து நடிகர் ஜெயம் ரவி விகடன் யூடியூப் சேனலில் கூறும் போது, “ செந்தில் என்னுடன் ஜெயம் படத்தில் இருந்து இருந்தார். எனக்கு அவர் அவ்வளவு பெரிய ஃபேன். அவர் இறந்து போனது எனக்கு மறக்க முடியாத சம்பவம். அது என்னால் யோசித்து பார்க்க முடியாத சம்பவம். ஒருவரை ஒரு குடும்பம் எவ்வளவு நம்புகிறது. அந்தக்குடும்பத்திற்கு ஏதாவது ஒன்று செய்ய நினைக்கும் போது, எல்லா குடும்பத்திற்கும் அதை செய்தால் என்ன என்று நினைத்தேன் அதற்கான காரணம் அவ்வளவுதான்” என்றார். 

நடிகர் ஜெயம் ரவியின் தீவிர ரசிகராக இருந்த செந்தில் கடந்த மாதம் உயிரிழந்த நிலையில், அவரது வீட்டுக்கு நேரடியாக சென்ற ரவி கண்ணீர் அஞ்சலி செலுத்தினார். தொடர்ந்து அவர்களது குடும்பத்தினருக்கு ஆறுதல் கூறியதோடு, அவர்களது உடன்பிறந்தவர்களின் படிப்பிற்கான மொத்த செலவையும் ஏற்றுக்கொள்வதாக உறுதியளித்தார்.   

ஜெயம் ரவியின் நடிப்பில் இறுதியாக வெளிவந்த படம் பூமி. டிஸ்னி + ஹாட் ஸ்டார் ஓடிடித்தளத்தில் வெளியான இந்தப்படம் படுதோல்வி அடைந்தது.  இழந்த மார்க்கெட்டை மீண்டும் மீட்டெடுக்கும் நோக்கில் தற்போது  ‘அகிலன்’ படத்தை எதிர்நோக்கி காத்திருக்கிறார். முன்னதாக ஜெயம் ரவி நடிப்பில் பாக்ஸிங்கில் நடக்கும் அரசியலை மையமாக வைத்து உருவாக்கப்பட்ட  ‘பூலோகம்’ படத்தை இயக்கிய கல்யாண் கிருஷ்ணன் இந்தப்படத்தை இயக்குகிறார்.

பிரியா பவானிஷங்கர், தன்யா ரவிச்சந்திரன், ஹரிஷ் உத்தமன் ஆகியோர் நடித்துள்ளனர். இந்தப்படம் வருகிற செப்டம்பர் 15 ஆம் வெளியாக இருக்கிறது. மணிரத்னம் இயக்கத்தில் ஏ.ஆர்.ரஹ்மான் இசையில் உருவாகிவரும் பொன்னியின் செல்வன் படத்திலும் ஜெயம் ரவி நடித்து இருக்கிறார். 

View this post on Instagram

A post shared by Madras Talkies (@madrastalkies)

இந்தப்படத்தில் இவருடன்,  சீயான் விக்ரம், கார்த்தி, பிரகாஷ்ராஜ், ஐஸ்வர்யாராய், த்ரிஷா, பார்த்திபன், ஜெயராம், விக்ரம்பிரபு, சரத்கு மார், பிரபு, நிழல்கள் ரவி, ரஹ்மான் உள்ளிட்ட பல நட்சத்திரங்கள் நடித்து வருகின்றனர். இந்தப்படம் செப்டம்பர் 30 தேதி வெளியாக இருக்கிறது.