Jailer: இன்று பிரமாண்டமாக நடைபெறும் ஆடியோ லாஞ்ச்... ஜெயிலர் படத்தின் புதிய போஸ்டர் வெளியீடு

ஜெயிலர் திரைப்படத்தின் புதிய போஸ்டரை படக்குழு வெளியிட்டுள்ளது. இது ரசிகர்கள் மத்தியில் வரவேற்பை பெற்று வருகிறது.

ஜெயிலர்

ஜெயிலர் திரைப்படம் ஆகஸ்ட் 10-ஆம் தேதி ரிலீஸ் ஆக உள்ள நிலையில் இப்படத்தின் ஆடியோ லாஞ்ச் இன்று சென்னையில் உள்ள நேரு உள் விளையாட்டு அரங்கில் நடைபெறுகிறது. இந்நிலையில் ஜெயிலர் படத்தின் புதிய போஸ்ட்டரை படக்குழு வெளியிட்டுள்ளது. அந்த போஸ்டரில் நடிகர் ரஜினிகாந்த் குடை பிடித்துக் கொண்டு ஒரு சிறுவனுடன் நடந்து செல்கிறார். இதை பார்த்த ரசிகர்கள் படத்தில் செண்டிமென்ட் உள்ளதா என கேள்வி எழுப்பி வருகின்றனர். மேலும் இந்த புதிய போஸ்டர் படத்தின் மீதான எதிர்பார்ப்பை மேலும் அதிகப்படுத்தி உள்ளது.

இயக்குனர் நெல்சன் இயக்கத்தில் ரஜினிகாந்த் நடித்துள்ள 'ஜெயிலர்' திரைப்படத்தின் இறுதிக்கட்ட பணிகள் மும்முரமாக நடைபெற்று வரும் நிலையில், நடிகர் ரஜினிகாந்த்  அடுத்த மாதம் இமயமலைக்கு செல்ல இருப்பதாக தகவல் வெளியாகி உள்ளது. அவர் கடந்த 2010-ம் ஆண்டு வரை தனது ஒவ்வொரு படத்தின் படப்பிடிப்பு முடிந்ததும், இமயமலைக்குச் செல்வதை வழக்கமாகக் கொண்டிருந்தார். உடல்நலக்குறைவு உள்ளிட்ட காரணங்களால் இடையில் சில ஆண்டுகளாக அவர் இமயமலை செல்லவில்லை எனக் கூறப்படுகிறது. பின்னர் மீண்டும் காலா, 2.0 ஆகிய படங்களின் படப்பிடிப்பு முடிந்ததும், இமயமலைக்குச் சென்று வந்தார்.  அதன் பிறகு கடந்த 2 ஆண்டுகளாக அவர் இமய மலைக்கு செல்லவில்லை.


தற்போது ஜெயிலர் படத்தின் படபிடிப்பு முடிந்து இறுதிக்கட்ட பணிகள் நடந்து வரும் நிலையில், வரும் ஆகஸ்ட் 6-ஆம் தேதி இமயமலை செல்லும் ரஜினிகாந்த், அங்கு ஒரு வாரம் தங்கி, பத்ரிநாத், கேதர்நாத், பாபாஜி குகை உள்ளிட்ட புனித தலங்களுக்கு செல்ல உள்ளதாக கூறப்படுகிறது.  ரஜினிகாந்த் மட்டும் தனியாக இமயமலை செல்கிறாராம்.

இமயமலை பயணத்திற்கு முன்பாக ஜெய்லர் படத்தின் முன்னோட்டக் காட்சியைப் பார்த்து விட்டு, படக்குழுவினரிடம் தனது கருத்துகளைக் கூறிவிட்டு புறப்பட உள்ளதாகவும் தகவல் வெளியாகியுள்ளது. 'ஜெயிலர்' படம் திரையரங்குகளில் வெளியாகும் போது அவர் இமயமலையில் இருப்பார் என்றும் ரஜினிகாந்தின் நெருங்கிய வட்டாரங்களில் இருந்து தகவல்கள் வெளியாகி உள்ளன. 

மேலும் படிக்க,