KVRK Update | நயன்தாரா படத்தில் நடிக்கும் அனிருத்... - சர்ப்ரைஸ் வீடியோ வெளியிட்ட விக்னேஷ் சிவன்!

முன்னதாக சில படங்களில் பாடல்களில் அனிருத் சிறப்பு தோற்றமாக வந்து ஹீரோவுடன் சில ஸ்டெப்ஸ் போட்டு  அசத்தியிருப்பார்.

காத்துவாக்குல_ரெண்டு_காதல்

கோலிவுட் சினிமாவின் முக்கியமான இசையமைப்பாளர்களுள் ஒருவர் அனிருத். பல முன்னணி நடிகர்களின் படங்களுக்கு இசையமைத்து வருகிறார். இந்நிலையில்  விக்னேஷ் சிவன் மற்றும் நயன்தாராவின் ரவுடி பேபி நிறுவனம், 7 Screen Studios நிறுவனத்துடன் இணைந்து தயாரிக்கும் புதிய திரைப்படம்தான் ”காத்துவாக்குல ரெண்டு காதல்” திரைப்படம். இந்த படத்திற்கும் அனிருத்தான் இசை. வின்னேஷ் சிவன், அனிருத், நயன்தாரா  சினிமாவையும் தாண்டிய நல்ல நண்பர்கள். இவர்கள் கூட்டணியில் உருவாகும் திரைப்படம் என்பதாலேயே படம் மீதான் எதிர்பார்ப்பு அதிகமாக உள்ளது. காத்து வாக்குல ரெண்டு காதல் படத்தின் முதல் சிங்கிள் டிராக் முன்னதாக வெளியான நிலையில், தற்போது இரண்டாவது சிங்கிள் டிராக் வருகிற 18 ஆம் தேதி வெளியிடப்படும் என படத்தின் இயக்குநரும் தயாரிப்பாளருமான விக்னேஷ் சிவன் தெரிவித்துள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Vignesh Shivan (@wikkiofficial)

 

"two two two" என தொடங்கும் அந்த பாடலுக்கு இசையமைத்திருக்கும் அனிருத்  அந்த பாடலில் நடிக்கவும் உள்ளார். சஸ்பன்ஸை அதிகரிக்கும் விதமாக அந்த வீடியோவில் அனிருத் நடனமாட தயாராகும் காட்சிகளை  காட்டி காட்சிகளுடன் முடித்துள்ளனர். இந்த பாடலுக்கு சாண்டி மாஸ்டர் கோரியோகிராஃப் செய்துள்ளார். முன்னதாக சில படங்களில் பாடல்களில் அனிருத் சிறப்பு தோற்றமாக வந்து ஹீரோவுடன் சில ஸ்டெப்ஸ் போட்டு  அசத்தியிருப்பார். அந்த வரிசையில் காத்துவாக்குல ரெண்டு காதல் படத்தின் முழு பாடலிலும் அனிருத் நடனமாடுவார் என எதிர்பார்க்கப்படுகிறது. விஜய் சேதுபதி, நயன்தாரா, சம்ந்தா உள்ளிட்ட முக்கிய நட்சத்திரங்கள் நடித்துவரும் இந்த  படத்திற்கான பணிகள் 2020-ஆம் ஆண்டு டிசம்பர் மாதம் தொடங்கி நடைப்பெற்று வருகிறது.  காதல் காட்சிகள் ததும்பும் ரொமான்டிக் திரைப்படமாக உருவாகும் இந்த திரைப்படத்தின் இறுதிக்கட்ட பணிகள் தற்போது நடைப்பெற்று வருகிறது.படத்தை அடுத்த ஆண்டு காதலர் தினத்திற்கு வெளியிட திட்டமிட்டிருப்பதாகவும் சில தகவல்கள் தெரிவிக்கின்றன.

 

 

 

 

 

View this post on Instagram

 

 

 

 

 

 

 

 

 

 

 

A post shared by Vignesh Shivan (@wikkiofficial)

காத்து வாக்குல ரெண்டு காதல் படத்திற்கு பிரபல  விஜய் கார்த்திக் கண்ணன் ஒளிப்பதிவு பணிகளை மேற்கொள்கிறார். மேலும் 8 தேசிய விருதுகளை பெற்ற ஸ்ரீகர் பிரசாத் இந்த படத்தின் படத்தொகுப்பு பணிகளை மேற்கொள்கிறார். ஸ்ரீகர் பிரசாத் இந்த படத்தின் மாபெரும் பலமாக கருதப்படுவது குறிப்பிடத்தக்கது.நானும் ரவுடி தான் படத்திற்கு பிறகு விக்னேஷ் சிவன் சிவகார்த்திகேயன், த்ரிஷா மற்றும் நயன்தாராவை கொண்டு ஒரு முக்கோண காதல் கதையை உருவாக்க முடிவு செய்தார். ஆனால் இறுதியில் கடந்த 2016ம் ஆண்டு விஜய்சேதுபதி காத்துவாக்குல ரெண்டு காதல் என்ற தலைப்பில் உருவாக உள்ள படத்தில் நடிப்பார் என்று விக்னேஷ் சிவன் அறிவித்தார். சுமார் 4 ஆண்டுகள் கழித்து படத்திற்கான பணிகள் தொடங்கி நடைபெற்று வருவது குறிப்பிடத்தக்கது.