Iravin Nizhal: திமுக தொண்டன் ஆனார் பார்த்திபன்! உதயநிதிக்கு புதுவித புகழாரம்!

நான் லீனியர் எனப்படும் முறையில் சிங்கிள் ஷாட்டில் எடுக்கப்பட்டுள்ள உலகின் முதல் படமாக இப்படம் அமைந்துள்ளதாக படக்குழுவினர் ஏற்கெனவே தெரிவித்துள்ளனர்.

பார்த்திபன் உதயநிதி

பார்த்திபன் இயக்கியுள்ள இரவின் நிழல் படத்தின் பாடலை திமுக சட்டமன்ற உறுப்பினரும் நடிகருமான உதயநிதி ஸ்டாலின் நாளை (ஜூன்.16) வெளியிடுகிறார் எனத் தெரிவிக்கப்பட்டுள்ளது. 

நான் லீனியர் படம்

’ஒத்த செருப்பு’ படத்துக்குப் பிறகு பிரபல நடிகரும் இயக்குனருமான பார்த்திபன் இயக்கி நடித்துள்ள படம் ’இரவின் நிழல்’.

நான் லீனியர் எனப்படும் முறையில் சிங்கிள் ஷாட்டில் எடுக்கப்பட்டுள்ள உலகின் முதல் படமாக இப்படம் அமைந்துள்ளதாக படக்குழுவினர் ஏற்கெனவே தெரிவித்துள்ளனர்.

ரஹ்மான் இசை

ஏ.ஆர்.ரஹ்மான் இசையமைத்துள்ள இப்படத்தில், வரலட்சுமி சரத்குமார், பிரிஜிடா சாகா, ஆனந்த கிருஷ்ணன் உள்ளிட்டோர் பார்த்திபனுடன் இணைந்து நடித்துள்ளனர். முன்னதாக இப்படத்தின் பாடல்களும், டீஸரும் வெளியாகி கவனத்தை ஈர்த்தது.

 

Friends Good Evening #இரவின்நிழல்@udhaystalin@arrahman @theVcreations @ArthurWisonA @RVijaimurugan
@KalyaniSarthak@Hiralviradia pic.twitter.com/rAzyC4x7tL

— Radhakrishnan Parthiban (@rparthiepan) June 15, 2022

இந்நிலையில் இப்படத்தின் மற்றொரு பாடலான கண்ணெதிரே எனும் பாடலை திமுக சட்டப்பேரவை உறுப்பினரும் நடிகருமான உதயநிதி ஸ்டாலின் நாளை (ஜூன்.16) வெளியிட உள்ளதாக பார்த்திபன் முன்னதாக அறிவித்துள்ளார்.

திமுக தொண்டன் என அறிவித்த பார்த்திபன்...

தன் வார்த்தை ஜாலத்தாலும் கோர்வையான பேச்சாலும் பலரையும் கவர்ந்திழுப்பதில் வல்லவரான பார்த்திபன் முன்னதாக நேற்று பகிர்ந்த ட்வீட்டில், உதயநிதி பாடல் வெளியிடுவதைக் குறிப்பிட்டு, திமுக தொண்டன் பார்த்திபன் அதாவது, ’திரைப்பட முன்னேற்றக் கழகத் தொண்டன்’ பார்த்திபன் என தனது அக்மார்க் குறும்புடன் பகிர்ந்திருந்தார்.

 

Good evening friends #இரவின்நிழல்@udhaystalin ⁦@arrahman⁩ ⁦⁦@theVcreations⁩ @ArthurWisonA @varusarath5 @GenauRanjith @RVijaimurugan @k33rthana @raakiparthepan @wired__ @Brigidasaga22 @The90skrishna @iamrobosankar @onlynikil @divomovies ⁦ pic.twitter.com/nSePNJOcQT

— Radhakrishnan Parthiban (@rparthiepan) June 14, 2022

இந்நிலையில், பார்த்திபனின் இந்த ட்வீட் முன்னதாக சமூக வலைதளங்களில் பேசுபொருளானது.

இப்படத்தில் இடம்பெற்றுள்ள காயம், பேஜாரா, மாயவா தூயவா ஆகிய பாடல்கள் ஏற்கெனெவே வெளியாகி உள்ளன. உலகம் முழுவதும் இப்படம் வரும் ஜூன் 24ஆம் தேதி வெளியாக உள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண