Thiruchitrambalam: திருச்சிற்றம்பலம் படத்திற்காக தனுஷூக்கு வழங்கப்பட்ட சம்பள விபரம் கசிந்தது!

திருச்சிற்றம்பலம் படத்திற்கு தனுஷ் வாங்கிய சம்பளம் குறித்தான தகவல் வெளியாகியுள்ளது.

தனுஷ் திருச்சிற்றம்பலம்

திருச்சிற்றம்பலம் படத்திற்கு தனுஷ் வாங்கிய சம்பளம் குறித்தான தகவல் வெளியாகியுள்ளது. 

தனுஷ் நடிப்பில் வெளியான "யாரடி நீ மோகினி", "உத்தம புத்திரன்", "குட்டி" உள்ளிட்ட படங்களை இயக்கிய மித்ரன் ஆர்.ஜவஹர்  4வது முறையாக அவருடன் இணைந்துள்ள படம் “திருச்சிற்றம்பலம்”. இந்த படத்தை தனுஷின் படிக்காதவன், மாப்பிள்ளை படங்களை தொடர்ந்து 3வது முறையாக சன்பிக்சர்ஸ் நிறுவனம் தயாரிக்கிறது. இப்படத்தில் நடிகைகள் நித்யாமேனன், பிரியா பவானி ஷங்கர்,ராஷி கண்ணா, நடிகர்கள் பிரகாஷ்ராஜ், இயக்குனர் பாரதிராஜா ஆகியோர் முக்கிய கதாபாத்திரத்தில் நடிக்க அனிருத் இப்படத்திற்கு இசையமைத்துள்ளார். 

 

                                       

இப்படத்தின் ட்ரைலர் அண்மையில் வெளியாகி ரசிகர்களிடம் நல்ல வரவேற்பை பெற்றது. இந்த நிலையில் திருச்சிற்றம்பலம் படத்திற்காக நடிகர் தனுஷ் வாங்கிய சம்பளம் குறித்தான தகவல் வெளியாகியுள்ளது.

சம்பளம் எவ்வளவு? 

இந்தியா டுடே வெளியிட்ட தகவலின் படி,  தனுஷ் திருச்சிற்றம்பலம் படத்திற்காக 12 முதல் 15 கோடி வரை சம்பளம் வாங்கியுள்ளார். படத்தின் அடிப்படையில் தனது சம்பளத்தை நிர்ணயம் செய்யும் தனுஷ், தமிழ் தெலுங்கு என இரண்டு மொழிகளிலும் வெளியாக இருக்கும்  “வாத்தி” படத்திற்கு தற்போது வாங்கும் சம்பளத்தில் இருந்து மேலும் 5 கோடி அதிகரித்து வாங்கியிருக்கலாம் என சொல்லப்படுகிறது. முன்னதாக தனுஷ் நடிப்பில் வெளியான  ‘தி கிரே மேன் படத்திற்காக தனுஷிற்கு 4 கோடி சம்பளம் வழங்கப்பட்டிருந்ததாக தகவல் வெளியாகியிருந்தது குறிப்பிடத்தக்கது. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sun Pictures (@sunpictures)

திருச்சிற்றம்பலம் படத்தில் பாரதிராஜா தாத்தாவாகவும்,பிரகாஷ்ராஜ் அப்பாவாகவும் நடித்துள்ளனர். நித்யாமேனன் தோழியாக நடித்துள்ளார்.  திருச்சிற்றம்பலம் படம் ஆகஸ்ட் 18ம் தேதி வெளியாகவுள்ளது.

பாடல்கள் சூப்பர் ஹிட் :  

கிட்டதட்ட 7 ஆண்டுகளுக்குப் பிறகு தனுஷ் - அனிருத் கூட்டணி இணைந்துள்ளதால் திருச்சிற்றம்பலம் படத்திற்கு பெரும் எதிர்பார்ப்பு நிலவுகிறது. இப்படத்தின் படப்பிடிப்பு முழுமையாக முடிவடைந்த நிலையில், நேற்று படம் வெளியீட்டு தயாராக விட்டது என்று போட்டோவுடன் அப்டேட் வெளியாகியது. இந்த படத்தில் தனுஷ் தாய் கிழவி,மேகம் கருக்காதா பெண்ணே, தேன்மொழி ஆகிய 3 பாடல்களை எழுதியுள்ளார்.

கடந்த சில நாட்களுக்கு முன் தான் திருச்சிற்றம்பலம் படத்தின் ஆடியோ வெளியிட்டு விழா நடைபெற்றது. இந்த விழாவில் படக்குழுவினரோடு இயக்குநர்கள் வெற்றிமாறன், செல்வராகவன் உள்ளிட்ட பலரும் கலந்து கொண்டனர்