Good Bad Ugly Teaser Highlights: அமர்க்களம் பட லுக் முதல் லியோ பட காட்சி காப்பி வரை! குட் பேட் அக்லீ டீசரில் இத்தனை விஷயம் இருக்கா?

அஜித் குமார் நடிப்பில் உருவாகி வரும் 'குட் பேட் அக்லி' படத்தின் தற்போது வெளியாகி வெளியாகி ரசிகர்களிடையே நல்ல வரவேற்பு பெற்று வருகிறது. இதில் கவனிக்க வேண்டிய சில முக்கிய விஷயங்களை பார்ப்போம்.

குட் பேட் அக்லீ படத்தின் டீசர் விமர்சனம் குறித்த தகவல் தற்போது வெளியாகி உள்ளது

Source : twitter

ஆதிக் ரவிச்சந்திரன் இயக்கத்தில் அஜித் குமார் நடிப்பில் உருவாகி வரும் படம் தான் 'குட் பேட் அக்லி'. இந்தப் படத்தில் அஜித்துடன் இணைந்து த்ரிஷா, எஸ் ஜே சூர்யா, பிரபு, பிரசன்னா, அர்ஜூன் தாஸ், சுனில், ராகுல் தேவ், யோகி பாபு ஆகியோர் பலர் நடித்துள்ளனர். மைத்ரி மூவி மேக்கர்ஸ் நிறுவ்னம் தயாரித்துள்ள இந்தப் படத்திற்கு ஜிவி பிரகாஷ் இசையமைத்துள்ளார்.

கேஜிஎஃப்:

இந்த நிலையில் 'தான் குட் பேட் அக்லி' படத்தின் டீசர் வெளியாகி ரசிகர்களிடையே நல்ல வரவேற்பு பெற்று வருகிறது. அதுமட்டுமின்றி இந்த டீசர் அஜித்தின் முந்தைய படங்களின் தோற்றங்களையும் மற்ற நடிகர்களின் காட்சிகளையும் பிரதிபலிப்பதாக தெரிகிறது. குட் பேட் அக்லி படத்தின் டீஸரின் தொடக்கத்திலேயே கேஜிஎஃப் காட்சி போன்று காட்டப்பட்டுள்ளது. கேஜிஎஃப் படத்தில் நடித்த வில்லன் தான் இந்தப் படத்திலும் டயலாக் பேசுகிறார்.

லியோ காப்பி:

இதே போன்று 'லியோ' படங்களின் காட்சிகளையும் சில இடங்களில் ஆதிக் காப்பி அடித்துள்ளது அப்பட்டமாக தெரிகிறது. அஜித் நடிக்கும் 63ஆவது படம் என்பதால், காரின் நம்பர் MH 05 AK 63 என்று அவரது படத்தை வெளிப்படுத்தும் விதத்தில் உள்ளது. 

அதே போல் அமர்க்களம், தீனா, அசல், வேதாளம், மங்காத்தா,  போன்ற படங்களின் தோற்றங்களில் அஜித் இருப்பதையும் பார்க்க முடிகிறது. ஒரே கேங்குடன் அஜித் கூட்டமாக வரும் காட்சி பில்லா படத்தை நினைவு படுத்துகிறது.

அஜித் மாஸ் டயலாக்:

அதுமட்டுமின்றி நாம் எவ்வளவு நல்லவர்களாக இருந்தாலும் இந்த உலகம் நம்மை கெட்டவர்களாக ஆக்குது என்று மாஸாக டயலாக் பேசுகிறார் அஜித். வாழ்க்கையில் என்னெல்லாம் பண்ணக் கூடாதோ சில சந்தர்ப்பங்களில் நாம் அதையெல்லாம் செய்ய வேண்டும் என்று வசனம் பேசுகிறார். டீஸரிலேயே ஆதிக் அஜித் ரசிகர்களை குஷி ஆக்கி உள்ளார். மேலும் டீசருக்கு தொடர்ந்து பாசிட்டிவ் விமர்சனங்கள் குவிந்து வருகிறது. மேலும் படத்தை ஏப்ரல் 10ஆம் தேதி வெளியிட படக்குழு முடிவு செய்துள்ளனர்.

முழுக்க முழுக்க கேங்க்ஸ்டர் கதையை மையப்படுத்திய இந்தப் படம் அஜித்திற்கு திருப்பு முனையை ஏற்படுத்தும் என்று எதிர்பார்க்கப்படுகிறது. ஏற்கனவே விடாமுயற்சி போதுமான வரவேற்பு பெறாத நிலையில் இந்தப் படம் ரசிகளிடையே அமோக வரவேற்பு பெற்று சரித்திர சாதனை படைக்கும் என்று எதிர்பார்க்கப்படுகிறது. படத்தின் டீசரை பார்க்கும் போது அஜித் எளிமையாக நடித்திருந்தாலும் ஆக்‌ஷன் காட்சியில் சும்மா தெறிக்கவிட்டிருக்கிறார். கண்டிப்பாக அஜித் ரசிகர்களுக்கு பிடித்த படமாக குட் பேட் அக்லீ இருக்கும் என்று கூறி வருகிறார்கள்.