Watch Video: இன்டர்நேஷனல் ஆளு ஃபைட்டர்.. வெளியானது கெளதம் மேனனின் ஜோஷ்வா படத்தின் ட்ரெய்லர்..!
வருண் கதாநாயகனாக நடித்துள்ள ஜோஷ்வா இமை போல் காக்க திரைப்படத்தின் ட்ரெய்லர் வெளியாகி உள்ளது.
இயக்குநர் கெளதம் மேனன் இயக்கத்தில் உருவாகியிருக்கும் ஜோஷ்வா இமை போல் காக்க திரைப்படத்தின் ட்ரெய்லர் வெளியாகி உள்ளது. பல வருடங்களாக படப்பிடிப்பில் இருந்த இந்தப் படத்தில் நடிகரும் ஐசரி கணேஷின் மருமகனுமான வருண் கதாநாயகனாக அறிமுகமாகியுள்ளார். கார்த்தி இசையமைத்துள்ள இந்தத் திரைப்படத்தில், கதாநாயகியாக நடிகை ராஹி நடித்துள்ளார். ஊரடங்கில், ராஹி பிக்பாஸ் சீசன் 1 - ன் வெற்றியாளரான ஆரவ்வை மணந்தார். இந்த வருடம் இவர்களுக்கு ஆண் குழந்தை பிறந்தது குறிப்பிடத்தக்கது.
Glad to present the trailer of my dear friend @menongautham 's #Joshua.
— A.R.Rahman (@arrahman) December 25, 2021
Best wishes to @iamactorvarun @IshariKGanesh @VelsFilmIntl @srkathiir @singer_karthik @Ashkum19 & team#Varun#JoshuaTrailer ➡ https://t.co/Zvxe85r3ti pic.twitter.com/7TrOUbKnPj
கெளதம் மேனனின் எனை நோக்கி பாயும் தோட்டா படம், பிரச்னையில் சிக்கி நீண்ட காலமாக வெளியாகமால் இருந்தது. இதனைத் தொடர்ந்து பணப்பிரச்னையில் சிக்கிக் தவித்த கெளதம் மேனனுக்கு பிரபல தயாரிப்பாளர் ஐசரி கணேஷ் உதவ முன்வந்தார். மேலும் எனை நோக்கி பாயும் தோட்டா படத்தை வாங்கியும் வெளியிட்டார்.
இந்த உதவிக்காக தனது மருமகனான வருணை வைத்து ஒரு படத்தை இயக்குமாறு ஐசரி கணேஷ் கெளதம் மேனனை கேட்டுக் கொண்ட நிலையில், வருணை கதாநாயகனாக வைத்து ஜோஷ்வா படத்தை இயக்கினார் கெளதம் மேனன்.
முன்னதாக, இந்தப்படத்தின் போஸ்டர்கள், டீஸர் ஆகியவை முன்னதாகவே வெளியிடப்பட்ட நிலையில்தான் தற்போது ட்ரெய்லர் வெளியாகியுள்ளது. அடுத்ததாக கெளதம் மேனன் சிலம்பரசனை வைத்து, இயக்கி வரும் வெந்து தணிந்தது காடு படத்தையும் ஐசரி கணேஷே தயாரிக்கிறார். இந்தப்படத்திற்கு ஏ.ஆர்.ரஹ்மான் இசையமைத்துள்ளார்.
View this post on Instagram
தலைப்பு செய்திகள்
ட்ரெண்டிங் செய்திகள்
